Eimreiðin - 01.01.1971, Page 59

Uppskera
Eftir
seylonsku skáldkonuna
Alfreda de Silva
Uppskera skáldsins er hlaða full,
yfirfull frá gólfi til lofts —
hraðfara söfnun af frjógvun jarðar;
himinbláminn tær og eldur
halastjörnunnar og hafsins
perla, kórall og anímóna
færa sig sjálf að fórn
honum til handa . . .
Farið hefur hann ófær höf
og stolið svörtum gimsteini úr hári stúlkunnar
og dögginni úr augum hennar
fyrir pensil sinn og liti . . .
Dirfska hans hóf hann til himins
í holdsins nánu kynnum.
Ríkt er hans óðal
og ríki frjálst,
ósnert af ræningjans hönd,
óséð af saurgandi augum . . .
M. Á. Á. þýddi.