Ægir - 01.02.1945, Qupperneq 57

Æ G I R
79
Ráástafanir Kanadamanna vegna fiskafuráa.
Reynist nauðsynlegt að halda uppi fisk-
verði til hagsbóta fyrir fiskimenn í Kanada,
meðan heimurinn er að komast í eðlilegt
jafnvægi að styrjöld lokinni, hefur þegar
verið gengið frá nauðsynlegri lagasetningu í
þessu skyni. í þessum lögum er gert ráð fyr-
ir sjóði, er samsvarar 130 milljónum ísl.
króna, sem notaður verði til að halda uppi
fiskverði, ef nauðsyn krefur. — Meðal al-
mennings í Kanada er þessi lagasetning tal-
in eiga að tryggja lágmarksverð á fiski, en
þar með er lögunum þó ekki fyllilega lýst,
því að í þeim er mælt svo fyrir, að gerðar
séu nauðsynlegar ráðstafanir til þess að
halda uppi verði á fiski. Löggjöf þessi var
talin ein hin þýðingarmesta, er samþykkt
var á þinginu á síðasta þingtímabili, og er
hún í stórum dráttum sama eðlis og löggjöf,
er fjallar um landbúnaðarafurðir og sam-
þykkt var á sama þingi.
Tilgangurinn með þessum fiskafurðalög-
um er í suttu máli þessi: I fyrsta lagi að
reyna að tryggja nægilega hátt og stöðugt
verð fyrir fisk, þannig að þróunin í þessum
efnum geti verið með sem eðlilegustum hætti
frá þvi ástandi, sem nú ríkir og fram til
friðartima. I öðru lagi að koma á réttlátu
hlutfalli milli afraksturs fiskveiðanna og
annarra atvinnugreina. — Lög þessi ganga
i gildi, er þau öðlast samþykki landsstjóra
Kanada, en að því loknu setur ríkisstjórn
Kanada á stofn ráð, sem hefur vald til að
kaupa fiskafurðir við verði, sem ráðið á-
kveður og samþykkt hefur verið af stjórn-
inni. Ráðið getur líka notað aðra aðferð til
stuðnings fiskveiðunum, og gæti hún verið
fólgin í uppbótagreiðslum til þess að tryggja
fiskimönnunum réttlátar tekjur. Ráð þetta
heyrir undir fiskimálaráðherrann, og sagði
hann neðri málstofinni, að útvegsmenn og
fiskimenn mundu fá hlutdeild í ráðinu. Ráð-
ið mun hafa aðalskrifstofu í Ottawa og lúta
reglugerðum, er landsstjórinn setur. Ráðið
getur þó mætt annars staðar, ef ástæða þyk-
ir til. Samkvæmt reglugerð verður litið á
ráðið sem umboðsmann konungsvaldsins,
og getur það gert bindandi samninga, lög-
sótt og verið lögsótt sjálft. Ráðið getur skip-
að ráðgefandi nefnd eða nefndir og „vöru-
nefndir" eða aðra umboðsmenn til að kaupa
fiskafurðir og ráðstafa þeim. Ráðinu er upp-
álagt að semja í lok hvers fjárhagsárs
skýrslu fyrir fiskimálaráðherrann. Ráðið
hefur vald til að ákveða verð (með samþ.
landsstjórans), sem það greiðir fyrir fislcaf-
urðir innan ramma fyrrnefndra ráðstafana,
og þá hefur það einnig vald til þess að kaupa
fiskafurðir með þessu verði, annaðhvort
beint eða gegnum umboðsmenn sína. Afurð-
ir þær, sem hér koma til greina, verða að
mæta kröfum með tilliti til matsflokka og
gæða, er þingið hefur ákveðið. í þeim til-
fellum, þar sem ekki hafa verið samþykktar
ákveðnar kröfur viðvikjandi fiskafurðum,
getur ráðið sjálft ákveðið þann matsgrund-
völl, sem það vill beita. Með öðrum orðum,
allar þær afurðir, sem ráðið heldur uppi
verði á, verða að uppfylla viðurkenndar
gæðakröfur.
Þegar ráðið hefur keypt fisk, getur það
annaðhvort sjálft eða gegnum umboðsmenn
sína endurselt fiskinn eða ráðstafað honum
á einhvern annan hátt. Ráðið getur sjálft eða
umboðsmenn þess verkað, sett í geymslur,
flutt innan lands eða til útlanda hvaða fisk-
afurðir sem eru. Það getur keypt fiskafurð-
ir og flutt út i samræmi við þá samninga
milli Kanadastjórnar og annarra ríkis-
stjórna. Rekstrarkostnaður ráðsins verður
greiddur af fjárveitingum, sem þingið hefur
samþykkt i þessum tilgangi. Fé það, sem
ráðið þarf á að halda til kaupa á fiskafurð-
um eða til að halda uppi verði á þeim, skal
tekið úr 130 mill. kr. sjóðnum, sem fyrr var
nefndur. Verði hagnaður af verzlunarstarf-
semi ráðsins, verður hann lagður í þennan
sjóð og á að vera handbær til greiðslu á
frekari kostnaði í þessu sama skyni í fram-
tíðinni. Hreinar tekjur, sem verða kunna af
starfsemi ráðsins á fjárhagsárinu, skulu