Ægir - 01.03.1980, Qupperneq 36

endurbætur í útgerðinni og fiskvinnslunni. Loka-
verkefnið er nokkuð sambærilegt við kandidatsrit-
gerð við Háskóla íslands. Lokaverkefnið verða
nemendur síðan að verja gegn gagnrýni frá kennur-
um deildarinnar svo og prófdómara. Á þessu má sjá
að nám í deildinni er ekki þurr bóklestur þar sem
nemendur eru lokaðir frá raunveruleikanum, heldur
mjög lifandi og fjölbreytt nám þar sem menn með
reynslu og lifandi áhuga fyrir útgerð geta komið,
þeim er veitt tilsögn og augu þeirra opnuð fyrir sem
flestum greinum útgerðar og fiskvinnslu, og þeir eru
í beinum tengslum við atvinnuvegina meðan á nám-
inu stendur.
Lokaorð
í umræðum manna á meðal hefur komið fram
mikill misskilningur um þetta nám og virðist nafn
deildarinnar eiga þar einhverja sök á, t.d. hafa menn
sem ættu að vita betur, haldið því fram að útgerðar-
tæknar lærðu um útgerð og ekkert annað en útgerð.
Eins og komið hefur fram þá er þetta reginmisskiln-
ingur, og þvi er þannig komið að við nemendur
erum sammála um að breyta þurfi nafni deildarinn-
ar og kemur þá nafnið „Útvegstækni" sterklega til
greina.
Hér hefur verið reynt að kynna nám í þessu fagi.
Það ber þó að hafa í huga að þetta nám er tiltölulega
nýtt og er stöðugt í mótun, ýmislegt hefur breyst
með fenginni reynslu og á án efa eftir að breytast enn
á komandi árum og er það vel, því ekki má vera
stöðnun í námi sem snerti jafnmikilvæga atvinnu-
grein og sjávarútvegur er.
Útskrifaðir útgerðartæknar eru 50 talsins og hafa
farið til mismunandi greina atvinnulífsins. Um at-
vinnumöguleika að loknu námi er það að segja að
þetta nám veitir engin réttindi og hefur ekki skipað
sér neinn fastan sess í þjóðfélaginu ennþá, þótt und-
arlegt verði að teljast þar sem sjávarútvegur er jafn-
þýðingarmikill og hér er fyrir afkomu þjóðarbúsins 1
heild. Á það má benda í þessu sambandi að gífur-
legar breytingar hafa orðið á síðustu árum í öllum
greinum sjávarútvegs, bæði hvað varðar rekstur og
fjármál, og má því ætla að ekki veitti af að til kærm
nám sem veitti mönnum alhliða menntun á þessum
sviðum svo og hinu tæknilega sviði. Það hefur verið
þannig gegnum árin að það hafa verið sjómenn sem
tekið hafa að sér rekstur útgerðar og fiskvinnslu og
staðið sig vel. Þó er það svo, að eftir því sem fyrir-
tæki stækka vex þörf fyrir einhveija þekkingu á sviði
rekstrar og teljum við að þetta nám komi til með að
mæta þessari þörf. Við nemendur lítum björtum
augum til framtíðarinnar og enda þótt margir séu
fullir tortryggni gagnvart þessu námi, þá eru þeir
einnig margir sem eru farnir að sjá að hér er um hag-
nýtt nám að ræða.
Lokaorð þessarar greinar eru úr erindi Bjarna
Kristjánssonar rektors Tækniskóla íslands um upp'
haf útgerðartækni við skólann: „íslendingar eiga
duglega fiskifræðinga, skipstjórnarmenn, vélstjóra
og síðast en ekki síst sjálfmenntaða útgerðarmenn.
Útgerð er þó löngu orðin svo flókið og vandasamt
verkefni að henni ber að gefa gaum með beinum og
markvissum hætti í menntakerfinu. Menntakerfið
er eðli sínu samkvæmt íhaldssamt og ekkert
áhlaupaverk að vefa þar nýja þætti. Þó er ennþa
erfiðara að breyta hugmyndum manna um það.
hvaða menntun þeim sé hollt að þiggja, enda hafð1
Tækniskóli íslands um tveggja ára skeið auglýs1
nýja útgerðardeild áður en aðsókn fékkst."
Útgerðartækninemar 3. hluta.
Alpha Diesel vélar
Framhald af bls. 177
ar sem eru í vélum 400-26Vo lín-
unni, eru framleidd af Alpha
Diesel A/S, en oliuverkin sem
eru í vélum V23L-Vo, T23L-Vo,
U28L-Vo og S28L-Vo línanna
eru framleidd af Bosch í V-
Þýzkalandi og eru ásamt olíuverk-
unum frá CAV í Englandi ráðandi
á markaði í Evrópu.
Alpha dieselvélar eru ræstar
með þrýstilofti, smurðar með
hringrásarsmurningu og er olían
ýmist geymd í botnpönnu eða
sjálfstæðum geymi. Vélarnar eru
ferskvatnskældar, en ferskvatnið
og smurolían er kælt í sjókældum
kælum. Vélar V23L-Vo og
T23L-Vo línanna er hægt að fá
útbúnar til brennslu á þungri olíu
allt að 250 Redwood sek, og vél-
ar U28L-Vo og S28L-Vo lín-
anna er einnig hægt að fá útbúnar
til brennslu á þungri olíu allt að
600 Redwood sek.
Snúningshraða vélar, skrúfu-
skurði og tengsli milli vélar og
skrúfu er hægt að stjórna hvort
sem er frá vélarúmi eða brú. Vél-
arnar eru búnar yfirálagsvörn.
sem vinnur þannig að hægt er að
stilla inn ákveðið hámarksálag, ef
álagið fer yfir það, grípur inn
sjálfvirkur búnaður, sem minnk-
ar skrúfuskurðinn í það mark,
sem gefur vélinni áður umstillt
álag. Einnig er í brú ýmiskonar
viðvörunarbúnaður fyrir vél °S
skrúfubúnað bæði í formi vísts-
mæla og ljósa. í brú er neyðar-
stöðvun fyrir vélina.
156 — ÆGIR