Tímarit lögfræðinga - 01.06.1957, Blaðsíða 16

ný öld rann upp nieð bjartari vonum í sambandsmálum
Islands og Danmerkur og tilkomu nýrrar og frjálslyndari
rikisstjórnar, en þá var Benedikt Sveinsson safnaður til
sinna feðra (hann lézt i Rvik 2. ágúst 1899, um þingtím-
ann). — A Alþingi 1903 var frumvarp um lagaskóla á
Islandi flutt i síðasta sinn (af J. Magn.), að mestu óbreytt
eins og það lá fyrir 1897, og var samþykkt af þinginu
ágreiningslaust. Hlaut það síðan staðfestingu konungs
sem lög nr. 3, 4. marz 1904. Var þá og kominn islenzkur
ráðlierra búsettur á íslandi, Hannes Hafstein, skipaður
31. janúar sama ár, frá 1. febrúar. Þykir nú einnig rétt
að birta það frumvarp hér, eins og það varð að lögum,
m. a. til samanburðar við fyrsta frv. 1875. (Sbr. Alþt.
1903, C. bls. 356). Það hljóðar svo:
1. gr. — 1 Reykjavik skal stoínaður lagaskóli.
2. gr. — Við skgla þenna skal vera einn íastur kennari, skipaður
af konungi, og hefir hann 4000 kr. árlega að launum.
Er hann jafnframt forstöðumaður skólans. Dómendur
landsyfirréttar skulu hafa kennslu á hendi við skólann,
og hafa hver um sig 500 kr. árlega þóknun fyrir þann
starfa, til viðbótar við laun sín. Fyrst um sinn, þangað
til yfirdómaraembættin losna, má verja allt að 2500 kr.
til aukakennslu.
3. gr. — Ráðherrann semur reglugerð fyrir skólann.
4. gr. — Þeir einir, sem leysa af hendi próf við skólann, eiga að-
gang að embættum þeim hér á landi, er lögfræðingar
skipa. Þó nær ákvæði þetta eigi til þeirra manna, sem
tekið hafa lögfræðispróf við Kaupmannahafnarháskóla
áður en 3 ár eru liðin frá því er lagaskólinn tekur til
starfa.
5. gr. — Öll útgjöld til skólans greiðast úr landssjóði. Skólinn
tekur til starfa þegar fé er veitt til hans á fjárlögum.
Liðu nú nokkur ár, og á þingi 1907 var gerð nokkur
atliugun á lögunum (2. gr.); fastir kennarar verði 2, en
kennsluskyldu yfirdómara sleppt. En fvrst á miðju ári
1908 var samin reglugerð fyrir lagaskólann, nr. 107, 27.
ágúst 1908, er kom í gildi 1. október s. á. og var skólinn
þá settur og kennslan hófst. Þá þegar komu 6 nemendur
62
Tlmarit lögfræöinga