Tímarit lögfræðinga - 01.06.1957, Blaðsíða 64
á félagsfundi. 1 nefndina voru kosnir þeir Gústaf A. Sveins
son lirl., Benedikt Sigurjónsson hrl., og Jón Bjarnason hdl.
Nefndin skilaði síðan áliti og tillögum á félagsfundi
18. marz 1956, og hafði Gústaf A. Sveinsson orð fyrir
nefndinni. Miklar umræður urðu á þeirn fundi um frum-
varpið og breytingatillögur nefndarinnar, og skoðanir
mjög skiptar. Hreyfðu ýmsir því, að gildandi einkamála-
lög væru að flestu leyti mjög vel við unandi og væri eklci
enn sem komið er, ástæða til þess að gera á þeim svo
gagngerðar breytingar, sem hið nýja frumvarp gerði ráð
fyrir.
Að tillögu formanns var því samþykkt að kjósa tvo
menn til viðbótar í nefnd þá, er unnið hafði að athugun
frumvarpsins, og nefndin skyldi síðan, þannig aukin,
halda áfram störfum og athuga hverjar breytingar væru
æskilegar á núgildandi einkamálalögum, er komið gætu
í stað hins nýja frumvarps um meðferð einkamála í hér-
aði. Kaus fundurinn þá Magnús Tliorlacius hrl. og Gunn-
ar A. Pálsson hrl. til þess að taka sæti í nefndinni.
Þessi 5 manna nefnd skilaði svo áliti og tillögum á að-
alfundi 14. desember, en einn nefndarmanna, Gústaf A.
Sveinsson, undirritaði tillögurnar með fyrirvara. Magnús
Thorlacius hafði orð fvrir nefndinni og gerði grein fyrir
tillögunum, og urðu siðan miklar umræður um málið.
Yfirleitt var það mál manna, að ekki væri tímabært, enn
sem komið væri, að gerbreyta einkamálalögunum frá
1936, enda væru þau að flestu leyti vel úr garði gerð og
hefðu reynzt ágætlega þau ár sem þau hefðu verið i
gildi og praksis nú orðinn nokkuð fastmótaður um fram-
kvæmd þeirra. Ýmis minniháttar atriði þyrftu þó lag-
færingar við, eins og tillögur nefndarinnar gerðu ráð
fyrir.
Tillögur ncfndarinnar voru samþvkktar á fundinum
með lítilsháttar breytingum, en jafnframt var samþykkf,
110
Tímarit lögfrœöinga