Tímarit lögfræðinga - 01.06.1965, Side 14

eða valgrein. Víðast hvar eru stofnanirnar undir stjórn
kennara í refsirétti. Við þær starfa og, að meira eða
minna leyti, lögfræðingar, félagsfræðingar, sálfræðing-
ar og geðlæknar. Rannsóknir eru einnig inntar af liendi
við aðrar stofnanir, svo sem félagsfræði- og sálfræði-
stofnanir, betrunarstofnanir (fangelsi og sérstofnanir)
og sjálfstæðar rannsóknarstofnanir.
Árið 1956 gerði sænska stjórnin að tilhlutan þáver-
andi dómsmálaráðlierra, Zetterberg, tillögu um það í
Norðurlandaráði, að efnt yrði til samvinnu Norðurland-
anna á sviði afbrotafræði. Upphaflega var hugmyndin
sú að koma á fót einni stórri, sameiginlegri rannsóknar-
stofnun fyrir öll Norðurlöndin, þar sem fræðimenn frá
löndunum fengju verkefni til að glíma við saman. Við
nánari athugun var þó horfið frá því ráði, enda aug-
Ijóst, að staðreyndasöfnun og stofnrannsóknir þurfti
fyrst að efla í hverju landanna fyrir sig. Litið var svo
á, að slíkt væri ekki verkefni sameiginlegrar stofnun-
ar, heldur hinna einstöku stofnana í hverju landi fyrir
sig. Jafnframt var liafinn undirhúningur að virkara
samstarfi norrænna afhrotafræðinga til samræmingar
og samanburðar á aðferðum og niðurstöðum rannsókna
í hinum einstöku löndum. Hinn 1. janúar 1962 tók form-
lega til starfa norrænt sakfræðiráð (Nordisk Samar-
hejdsrád for Kriminologi), eftir að ákvörðun um stofn-
un slíks ráðs hafði verið tekin á fundi norrænu dóms-
málaráðherranna. í ráðinu sitja 13 fulltrúar, skipaðir af
ríkisstjórnum landanna. Hlutverk þess er í fyrsta lagi
að efla sakfræðirannsóknir á Norðurlöndum og i öðru
lagi að aðstoða hin einstöku félög og stofnanir i lönd-
unum svo og yfirvöld við lausn vandamála á sviði af-
brotafræði. Ráðið heldur á ári liverju námskeið (se-
minar) með um 50 þátttakendum frá öllum löndunum.
Þar eru tekin til umræðu og gaumgæfilegrar athugun-
ar flest þau rannsóknarverkefni, sem unnið er að á
hverjum tíma.
76
Tímarit lögfræðinga