Tímarit lögfræðinga - 01.06.1965, Blaðsíða 29

var ekki með hlífðargrind fyrir stjórnanda. Var S talið
hafa brotið ákvæði 4. tl. 23. gr. laga nr. 23/1952. Skortur á
öryggisútbúnaði var talinn slík orsök slyssins, að það
skapaði S fébótaábyrgð á tjóni F. Var það ekki talið leysa
S undan fébótaábyrgð þótt öryggiseftirlit befði látið
þennan útbúnað óátalinn þar til í septembermánuði 1959,
þar sem S hefði borið af sjálfsdáðum að ganga þannig
frá vélum og útbúnaði að öryggi starfsmanna væri tryggl
svo sem frekast var kostur. Talið var, að við stjórn vöru-
lyftarans hefði F borið að gæta þess að láta ekki á hann
meira hlass en svo, að hann befði fullt vald á því. Var
því F ekki talinn hafa sýnt nægilega aðgæzlu við stjórn
vörulyftarans og því eiga sjálfur nokkra sök á hvernig
fór. Var F talinn eiga að bera 1/3 hluta sakar sjálfur. S
var því gert að bæta tjón bans að % hlutum.
Dómur Bþ. R. 12. marz 1963.
Skaðabætur utan samninga. — Húsbóndaábyrgð.
A höfðaði mál gegn borgarsjóði Reykjavíkur og B
lækni og krafðist þess að þeir yrðu in solidum eða annar
livor dæmdur að greiða sér 76 þús. krónur í skaðabætur
auk vaxta og málskostnaðar.
Málavextir voru þeir, að í ársbyrjun 1954 var stefn-
andi lagður inn á Sjúkrahús Hvítabandsins til aðgerðar
vegna sjúkleika í nýra. Var síðan gerð á honum aðgerð
og fjarlægðir úr bonum nýrnasteinar. Eftir að stefnandi
hafði verið tekinn inn á skurðstofuna vegna aðgerðar-
innar voru að venju settir vafðir hitapokar í rúm hans
til þess að það væri hlýtt er hann kæmi af skurðarborð-
inu. Þar sem skurðaðgerðin tók langan tíma voru hita-
pokarnir orðnir kaldir, þegar komið var með stefnanda
frá skurðaðgerðinni og bað læknirinn hjúkrunarkonuna
að setja fleiri liitapoka og teppi í rúm slefnanda. Hjúkr-
unarkonan var önnum kafin og bað því gangastúlku að
setja hitapoka og teppi i rúm sjúklingsins. Mun ganga-
stúlkan síðan bafa sett óvarða bitapoka í rúm sjúldings-
Timarit lögfræðinga
91