Tímarit lögfræðinga - 01.06.1965, Blaðsíða 31

starfsfólks sjúkrahússins. Starfsfólkið sé á engan hátt í
hans þjónustu, hann greiði því ekki laun og það fái
engan hlut af þóknun þeirri, sem hann fái fyrir aðgerðir
á sjúklingum á sjúkrahúsinu frá Sjúkrasamlagi Reykja-
víkur. Hjúkrun og læknishjálp séu tvö aðgreind verksvið,
og hann mótmælti því, að fyrirskipun lians til hjúkrun-
arkonunnar 1 umrætt skipti hafi skapað þau réttartengsl
milli þeirra, er samsvari réttarsambandi húsbónda og
starfsfólks. Hins vegar reki borgarsjóður Sjúkrahús
Hvítabandsins og beri hann því einn ábyrgð á skaða-
verkum starfsfólks á sjúkrahúsinu, þegar það sé að sinna
þeim verkefnum, sem borgarsjóður hafi tekið að sér með
rekstri sjúkrahússins, enda fái hann greiðslu frá sjúkra-
samlögum eða sjúklingum sjálfum fyrir þá hjúkrun og
umönnun, sem sjúklingar njóti þar.
Dómurinn taldi að eins og rekstri sjúkrahússins væri
háttað bæri Reykjavíkurborg ótvírætt vinnuveitenda-
ábyrgð á starfsfólki sjúkrahússins. Talið var að hjúkrun-
arkonunni hafi orðið á veruleg mistök, þegar hún bað
gangastúlku að setja hitapoka í rúm stefnanda, án þess
að gefa henni jafnframt fyrirmæli um, hvernig um hann
skyldi búið. Talið var að gangastúlkan hefði ekki sýnt
næga aðgæzlu, er hún setti hitapokann óvarinn í rúmið
til stefnanda, þar eð henni hefði átt að vera ljóst, að
stefnanda, sem mun þá hafa verið meðvitundarlaus, gæti
stafað hætta af honum, sem og varð raunin á.
Fallizt var á það með lækninum, að læknisaðgerð og
hjúkrun séu tvö aðgreind, en skyld verksvið. Þegar lækn-
irinn hafi gefið hjúkrunarkonunni fyrirmæli um að setja
hitapoka og teppi í rúm stefnanda, hafi hann snúið sér
til rétts aðila með beiðni um verkið, sem var eðlilegur og
nauðsynlegur liður í hjúkrun stefnanda eftir uppskurð-
inn. Hafi læknirinn mátt treysta því, að hjúkrunarkonan
gerði það óaðfinnanlega, sem fyrir hana var lagt. Var
því talið að læknirinn hefði ekki vanrækt starfssskyldur
sínar sem læknir í umræddu tillfeli og ekki væri slíkt
Tímarit lögfræðinga
93