Tímarit lögfræðinga - 01.10.1975, Side 13

ÞORVALDUR ÞÓRARINSSON
Þorvaldur Þórarinsson fæddist að Bergskoti
á Vatnsleysuströnd 11. nóvember 1909. For-
eldrar hans voru Þórarinn bóndi á Höfða í
sömu sveit Einarsson og kona hans Guðrún
Þorvaldsdóttir, ættuð af Mýrum.
Þorvaldur lauk stúdentsprófi frá Menntaskól-
anum í Reykjavík vorið 1930 og embættisprófi í
lögfræði frá Háskóla islands 30. janúar 1937.
Á árunum 1941—1943 var Þorvaldur við
framhaldsnám í Bandaríkjunum og lagði þar
stund á þjóðarétt, stjórnlagafræði og milliríkja-
pólitík. í maí 1942 hlaut hann titilinn Master of
Arts við Cornell háskóla í Iþöku, New York
ríki, fyrir ritgerð um þjóðréttarstöðu íslands.
Þá fékk hann styrk hjá Social Science Re-
search Council í New York til rannsókna á
dómsúrskurðum um vernd mannréttinda og var við þær rannsóknir m. a. við
Cornell háskóla og Harvard háskóla, uns hann hélt heimleiðis haustið 1943.
Að loknu embættisprófi fékkst Þorvaldur við verslunarstörf, og var um skeið
forstöðumaður bókaverslunar Heimskringlu. Eftir dvölina í Ameríku stundaði
hann ritstörf og lögfræðistörf. Árin 1945—1950 veitti hann forstöðu Bygging-
arfélaginu Virki h.f. í Reykjavík, en eftir það rak hann lögfræðiskrifstofu í
Reykjavík til æviloka. Hæstaréttarlögmaður varð hann í febrúar 1960.
Þorvaldur var einn af stofnendum Kommúnistaflokks islands 1930 og Sam-
einingarflokks alþýðu — Sósíalistaflokksins 1938. Formaður Sósíalistafélags
Reykjavíkur var hann 1953—1956.
Með Þorvaldi er genginn fyrir aldur fram litríkur og minnisstæður persónu-
leiki og sómi stéttar sinnar.
Þorvaldur Þórarinsson var hávaxinn, glæsilegur á velli og samsvaraði sér
vel. Hann var félagslyndur, tók snemma virkan þátt í stjórnmálum, skipaði sér
í fylkingu undir gunnfána kommúnismans og var trúr hugsjón sinni til hinstu
stundar. Hann var fluggáfaður, víðlesinn og fróður, mælskumaður með af-
brigðum, rökfastur, beinskeyttur og óvæginn. Persónuleiki hans skóp honum
traust og virðingu samherja jafnt sem andstæðinga, þótt stundum væri
stormasamt í kringum hann, enda sjónarmið hans oft mjög umdeild.
Þorvaldur lét félagsmál lögmanna mjög til sín taka og beitti sér m. a. fyrir
stofnun Lífeyrissjóðs lögmanna og átti sæti í stjórn hans.
í félagsskap lögmanna var jafnan líf og fjör í kringum Þorvald. Hann deildi
oft hart á fundum, en að fundarstörfum loknum var hann hrókur alls fagnaðar,
og munu margir minnast skemmtilegra stunda með honum.
Þorvaldur var ágætlega ritfær, og liggur eftir hann fjöldi greina í blöðum og
tímaritum.
í starf sínu lét Þorvaldur hagsmuni viðskiptamannanna jafnan sitja í fyrir-
rúmi og spurði aldrei um greiðslugetu, enda munu margir hafa notið góðs af
greiðvikni hans.
Eins og áður segir, var Þorvaldur fjölfróður og víðlesinn og átti vandað
59