Tímarit lögfræðinga - 01.11.1980, Qupperneq 54

Hvað snertir sýslurnar leggur nefndin eftirfarandi til:
— Litið verði á opinbera stjórnun og verkefni sýslna sem tvískipta og að-
skilda þannig að hrein skil verði á milli málefna ríkisins og málefna
sveitarstjórna.
— Ákveðið verði með lögum, hver mörk sýslna skuli vera.
— Sveitarfélögum verði, eftir að þau hafa sameinast og eflst, falin þau verk-
efni, sem sýslunefndir nú hafa að lögum.
— Sýslunefndir haldi áfram að vera til sem samstarfsvettvangur sveitar-
stjórna þó að sýslur hafi engin lögákveðin verkefni sveitarfélaga með
höndum.
— Öll sveitarfélög verði aðilar að sýslunefndum og í þeim nefndum sitji
oddvitar sveitarstjórna og sveitarstjórar.
Nefndin leggur ekki til:
— að breytingar verði gerðar eða lögákveðið hvert starfssvið og verkefni
landshlutasamtaka skuli vera.
Á fundum og í skrifum nefndarinnar hafa fjölmargar hugmyndir og ábend-
ingar komið fram um stjórnsýslukerfið í heild. Sumar hugmyndirnar fela í
sér róttækar breytingar, svo sem um sameiningu sveitarfélaga með lagaboði,
lögbindingu verkefna til handa sýslunefndum og niðurfellingu landshluta-
samtaka o.s.frv.
Verkaskiptanefndin vinnur nú að samningu þriðja og síðasta áfangans í
starfi sínu, sem fjallar um tekjustofnana. í samræmi við fyrirmæli félags-
málaráðherra stefnir nefndin að því að Ijúka þessu verki fyrir næstu áramót.
Hallgrímur Dalberg
VÍSINDASTYRKIR
í fréttatilkynningu frá Vísindasjóði, sem birt var um mánaðamót júní og
júlí s.l., segir m.a., að úr hugvísindadeild hafi verið veittir 2 styrkir samtals
að fjárhæð 1,8 millj. kr. vegna lögfræðiverkefna. Guðmundur S. Alfreðsson
fékk 1.000.000 kr styrk vegna doktorsverkefnis við Harvard-háskóla. Verk-
efnið er: Réttarstaða Grænlands. Þórður Gunnarsson fékk 800.000 kr. styrk
til að fjalla um „samkeppnishömlur og óréttmæta viðskiptahætti". Þórður
mun vinna að verkefninu hér heima, við háskólann í Ósló og í Kaupmanna-
höfn.
Til fróðleiks má geta þess, að meðal annarra styrkja úr hugvísindadeild
Vísindasjóðs á þessu ári er styrkur til Björns S. Stefánssonar vegna þátttöku
hans í norrænni rannsókn á nýjungum í skipan sveitarstjórnarmála eftir 1945.
Þá var veittur styrkur til að rannsaka ofbeldi í íslenskum fjölskyldum. Styrk-
þegar eru Hildigunnur Ólafsdóttir afbrotafræðingur, Sigrún Júlíusdóttir félags-
ráðgjafi og Þorgerður Benediktsdóttir lögfræðingur.
Samkvæmt upplýsingum menntamálaráðuneytisins hefur Viðar Már Matt-
híasson lögfræðingur fengið styrk frá norskum stjórnvöldum til að stunda
framhaldsnám í Osló i samninga- og kröfurétti.
Þ. V.
176