Tímarit lögfræðinga - 01.11.1980, Síða 49

c) Því má velta fyrir sér, hvort stjórnsýsludómstóll gæti komið í
stað umboðsmanns.
Hætt er við, að dómstóll yrði seinvirkari en umboðsmaður, en auk
þess yrði niðurstaða með öðrum hætti. Umboðsmaður getur í afgreiðsl-
um sínum verið mjög frjáls um gagnrýni og leiðbeiningar, en dómstóll
kveður upp rökstudda dóma í fastara formi með mjög vandaðri máls-
meðferð og formlegri. Dómstóll færi þess t.d. ekki á leit við stjórn-
völd, að þau endurskoðuðu afstöðu sína, hann kvæði á um slíkt og
mælti jafnvel fyrir um aðra niðurstöðu en stjórnvaldið.
d) Vernd borgaranna gagnvart mistökum og mismunun í „kerf-
inu“ hlýtur að vera í öndvegi, þégar kostir starfs umboðsmanns Al-
þingis eru virtir.
Margvíslegur misskilningur leiðréttist fyrir tilstilli umboðsmanns,
og tortryggni gagnvart stjórnvöldum minnkar, ekki síst þar sem bæði
almenningi og stjórnvöldum er það ljóst, að allar afgreiðslur smárra
sem stórra mála geta endað hjá umboðsmanni. Leiðir þar af vand-
aðri málsmeðferð. „Samtrygging" stjórnvalda yrði með þessu úti-
lokuð.
Sjálfsagt mætti mörgu hér við bæta, en að sinni verður látið staðar
numið.
Höfum iðulega gamlar íslenskar lögbækur
og lögfræðirit á boðstólum.
BÓKASKEMMAN
Langholtsvegi 33, Reykjavík.
Opið kl. 16-18. Sími 34757.
SKRIFSTOFUHÚSNÆÐI
til leigu að Hafnarstræti 11.
Upplýsingar í síma 21750 og 14824.
171