Tímarit lögfræðinga - 01.05.1984, Blaðsíða 9
t
MAGNÚS JÓNSSON FRÁ MEL
Magnús fæddist 7. september 1919. Foreldr-
ar hans voru hjónin Jón Eyþór Jónasson bóndi
að Mel í Skagafirði og Ingibjörg Magnúsdóttir.
Auk Magnúsar eignuðust þau hjón tvo drengi,
þá Halldór sýslumann Skagfirðinga og Baldur,
fyrrverandi rektor Kennaraháskólans, sem lést
í fyrra.
Magnús lauk stúdentsprófi á Akureyri 1940
og prófi í lögfræði við Háskóla íslands vorið
1946. Þá um sumarið var hann ráðinn ritstjóri
,,íslendings“ á Akureyri og stýrði því blaði um
rúmlega tveggja ára skeið, er hann varð full-
trúi í Stjórnarráðinu. Starfaði hann síðan í fjár-
málaráðuneytinu til ársins 1953, að hann fór
til starfa sem framkvæmdastjóri Sjálfstæðis-
flokksins. Frá þeim tíma og allt fram til ársins
1973, er Magnús varð fyrir alvarlegum heilsubresti, má segja að hann hafi
að mestu helgað sig stjórnmálastarfi.
Hann tók fyrst sæti á Alþingi 1951 sem varaþingmaður Sjálfstæðisflokksins
í Eyjafjarðarsýslu. Árið 1959 var hann kjörinn annar þingmaður Eyfirðinga og
þingmaður Norðurlandskjördæmis eystra var hann frá 1959 til 1974.
Magnús var fjármálaráðherra í Viðreisnarstjórninni frá 1965 til 1971 og vara-
formaður Sjálfstæðisflokksins 1973-1974.
Hann var ráðinn bankastjóri í Búnaðarbanka íslands f ársbyrjun 1961 og
gegndi því starfi til dauðadags að undanskildum þeim árum, sem hann var
í ríkisstjórninni.
Lagaþekking Magnúsar Jónssonar var traust. Það var alkunna að hann
stundaði nám sitt í lagadeild af kappi og kom skarpskyggni hans og þekking
snemma í Ijós. Hann tók námið föstum tökum og skilaði vel. Þótt hann hafi
að vísu aldrei unnið einvörðungu við lagastörf kom lögfræðiþekking hans að
ómetanlegu gagni við hin margvíslegu störf sem á hann hlóðust. Einkum hef-
ur laganámið komið sér vel, er hann starfaði í fjármálaráðuneytinu því eins
og kunnugt er þarf einatt að túlka þar hinar margvíslegustu lagaflækjur, ekki
síst á sviði stjórnarfarsréttar.
Þá er þess að minnast að bæði alþingismaðurinn og ráðherrann þarf oft
og einatt að segja fyrir um eða semja sjálfur ýmsa lagabálka, sem fylgja
mótun stjórnarstefnu og framkvæmd hennar.
Má í því efni minnast þess að Magnús átti sæti f laganefnd Norðurlanda-
ráðs frá upphafi 1952 til ársins 1965. Vann hann þar mikið starf og vanda-
3