Tímarit lögfræðinga - 01.05.1984, Blaðsíða 54

úr 1970 voru 20 fangar á 100.000 íbúa, en um 30 frá 1980. Er þetta næst lægsti
fangafjöldi í Evrópu miðað við 100.000 íbúa. Fjöldi gæzluvarðhaldsfanga á
dag að meðaltali er mjög svipaður nú og á árunum upp úr 1970. Flestir voru
þeir á árunum 1975 til 1977.
Gerð var I grófum dráttum grein fyrir þeim afbrotum, sem fangar eru að
afplána dóma fyrir. Rúmlega helmingur fanga afplánar dóma fyrir auðgunar-
brot og skjalafals. Frá 11-16% fanga, eftir árum, afplána dóma fyrir fíkni-
efnabrot og svipaður fjöldi fyrir nytjatöku, áfengis- og/eða umferðarlagabrot.
Um 15% fanga afplána dóma fyrir ofbeldi, þar með talin manndráp og kyn-
ferðisafbrot.
Þá kom fram, að fangar eru eldri hér á landi en erlendis og að um
10% af föngum eru yngri en 20 ára, en flestir eru um 25 ára gamlir.
Að lokum var bent á, að reglugerðir um fangavist væru gamlar og úreltar
og ylli það réttaróvissu, ekki sízt fyrir fanga. Fyrir 2 árum var skipuð nefnd
til að endurskoða reglugerðirnar. Hún sagði af sér eftir að Alþingi yfirtók
störf nefndarinnar með skipun sinnar nefndar, sem endurskoða átti öll fang-
elsismál og gera tillögur um úrbætur. Var það fyrir rúmlega 11/2 ári. Nefnd
Alþingis hefur ekki enn hafið raunveruleg störf. Ljóst er, að þessi mál eru í
sjálfheldu, sem brýnt er að leysa.
Þorsteinn A. Jónsson
FRÉTT FRÁ ÍSLANDSDEILD NORRÆNA
EMBÆTTISMANNASAMBANDSINS
Haldinn var aðalfundur íslandsdeildar Norræna embættismannasambands-
ins 28. nóvember sl. Samþykkt var í stjórn íslandsdeildar að senda niður-
stöður stjórnarkjörs til birtingar í Tímariti lögfræðinga.
Eftirtaldir embættismenn voru kosnir í stjórn:
Formaður: Guðmundur Vignir Jósefsson, gjaldheimtustjóri. Ritari: Ólöf Pét-
ursdóttir, deildarstjóri. Ritstjóri NAT: Sigurður Líndal, prófessor.
í framkvæmdanefnd auk hinna ofantöldu:
Baldur Möller, ráðuneytisstjóri; Gunnlaugur Claessen, deildarstjóri.
Meðstjórendur:
Hjalti Zóphóníasson, deildarstjóri; Magnús Pétursson, hagsýslustjóri; Pétur
Kr. Hafstein, sýslumaður; Þorsteinn Geirsson, deildarstjóri.
Endurskoðendur: Árni Kolbeinsson, deildarstjóri; örn Sigurðsson, deildar-
stjóri. Til vara: Tryggvi Gunnarsson, deildarstjóri.
LÖG ÍSLANDSDEILDAR NORRÆNA EMBÆTTISMANNASAMBANDSINS.
1. gr. Deildin heitir íslandsdeild Norræna embættismannasambandsins.
Heimili hennar og varnarþing er í Reykjavík.
2. gr. íslandsdeildin er aðili að Norræna embættismannasambandinu og
gilda lög sambandsins jafnframt fyrir deildina, eftir því sem við á.
3. gr. Markmið deildarinnar er skilgreint í 1. gr. laga Norræna embættis-
mannasambandsins. Réttur til aðildar að sambandinu er ákveðinn í 2. gr.
48