Tímarit lögfræðinga - 01.05.1984, Blaðsíða 50

þó, að fráfarandi ritstjóri hefur ekki einungis annast hina eiginlegu ritstjórn,
heldur einnig margvíslegan erindisrekstur og snúninga, sem ekki falla undir
verksvið framkvæmdastjóra ritsins. Ég endurtek þakkir til Þórs Vilhjálmsson-
ar fyrir frumkvæði hans og þjónustu á þessu sviði fræðimennsku i lögfræði.
Framlag tímaritsins til íslenskrar lögfræði hefur verið mikið og gott þau 11
ár, sem hann hefur setið við stjórnvölinn.
Lögfræðingafélagið hefur frá upphafi tekið virkan þátt i siarfi Bandalags
háskólamanna. Samkvæmt núgildandi lögum BHM eiga formenn aðildarfélag-
anna sæti í aðalstjórn bandalagsins, en fulltrúaráð BHM var lagt niður síðla
árs 1982.
Svo sem komið hefur fram í fjölmiðlum og málgagni BHM, gerðu Háskóli
íslands, Tækniskóli Islands, BHM og 3 aðildarfélög bandalagsins samning
um endurmenntun siðla árs 1982. Lögfræðingafélagið er ekki aðili að samn-
ingi þessum, en hefur fylgst með framkvæmd hans. Ráðinn var sérstakur
starfsmaður til þess að annast samræmingu á námskeiðum á háskólastigi í
þágu þeirra, er kynnast vilja nýjungum eða rifja upp námsefni. Átti formaður
fund með starfsmanninum og forseta lagadeildar s.l. sumar, þar sem rætt var
um hvernig hugsanlegt væri að Lögfræðingafélagið nýtti þjónustu þessa. Æski-
legt er, að félagið fylgist áfram með framvindu mála á þessum vettvangi.
Sérstakt öldungaráð starfar innan BHM. Hlutverk þess er að vinna að fé-
lags- og hagsmunamálum aldinna. Stjórnin tilnefndi Dögg Pálsdóttur, deildar-
stjóra í heilbrigðis- og tryggingaráðuneytinu til þess að sitja i öldungaráðinu
fyrir hönd Lögfræðingafélagsins.
[ janúar 1983 tilnefndi félagið Jón E. Ragnarsson, hrl. sem fulltrúa sinn í
Ráð sjálfstætt starfandi háskólamanna. Jón lést á þessu ári og tók varamaður
hans Baldur Guðlaugsson, hrl. sæti Lögfræðingafélagsins i ráðinu.
Samskipti við önnur félög lögfræðinga voru nokkur. Áður var nefndur sam-
eiginlegur fundur þessa félags, Dómarafélags íslands og Lögmannafélags
íslands, svo og fjársöfnun Lögmannafélagsins og Lögfræðingafélagsins til
bókakaupa fyrir lagadeild. Þess má og geta, að á starfsárinu var sett á lagg-
irnar samstarfsnefnd um tölvumálefni. Að henni standa, auk Lögfræðinga-
félagsins, Dómarafélag ísiands og Lögmannafélag islands. Fulltrúi Lögfræð-
ingafélagsins ( nefndinni er Sigurður Lindal, prófessor. Væntu félögin mikils
af heimsókn Knut S. Selmers, prófessors, s.l. vor. Prófessor Selmer flutti þá
fyrirlestur um „Lovdata" og skýrði frá reynslu Norðmanna og annarra ná-
grannaþjóða af því að tölvutaka upplýsingar um gildandi lög, dóma og aðrar
heimildir um lögfræðileg efni. Vonandi á eftir að koma í Ijós árangur af þess-
ari heimsókn og starfi samstarfsnefndar um tölvumálefni.
Félaginu barst ósk um, að það léti í té umsögn um tillögu, sem borin var
fram á vettvangi Norðurlandaráðs varðandi stofnun samnorrænnar rannsókn-
arstöðvar í lögfræði í bænum Rovaniemi í Finnlandi. Stjórn félagsins sendi
umsögn um mál þetta. í umsögninni kemur fram, að stjórnin fagnar tillög-
unni. Jafnframt bendir stjórnin á, að áður en hún verði samþykkt sé nauð-
synlegt að kanna, hvort ekki sé brýnna að efla sameiginlegt norrænt rann-
sóknarstarf á öðrum sviðum en þeim, sem sérstaklega eru nefnd í tillögunni
(þ.e. verslun í nyrstu héruðum Norðurlanda, réttarstöðu launþega, er flytja
milli landa, ferðamannarétt o.fl.). Stjórn Lögfræðingafélagsins lagði því til,
að leitað yrði tillagna frá lagadeildum háskólanna á Norðurlöndum um rann-
44