Tímarit lögfræðinga - 01.10.1985, Síða 19

Alþt. 1971, A-deild, bls. 1277. I greinargerðinni eru hugtökin bygg-
ingarlist og nytjalist skýrð sérstaklega, eins og síðar segir, og virðist
gengið út frá því, að slík verk teljist ekki til myndlistar. Leiðir það
þá til þess, að svið eða a.m.k. orðalág sumra ákvæða höfl., sem tak-
marka höfundarrétt, sbr. einkum 25. gr., er þrengra en samsvarandi
ákvæði í höfl. á öðrum Norðurlöndum.
f) Byggingaiverk.
Hvers konar mannvirki geta notið verndar höfl., ef þar kemur fram
sjálfstæð listræn sköpun, svo sem það er orðað í greinargerð með
frumv. til höfl., sbr. Alþt. 1971, A-deild, bls. 1277-1278. Samkvæmt
greinargerðinni nær sú vernd einnig til teikninga og líkána af bygg-
ingum.
g) Kvikmyndaverk.
Almennt er litið svo á, að auk kvikmynda í hefðbundinni gerð teljist
verk á myndböndum til kvikmynda, ef um hreyfimyndir er að ræða.
h) Ljósmyndir.
Hér á landi eru ekki sérstök lög um ljósmyndir gagnstætt því, sem
annars er á Norðurlöndum, a.m.k. enn sem komið er, en þar eru uppi
tillögur um að taka vernd ljósmynda í höfl. Samkvæmt ísl. höfl., sbr.
2. málsgr. 1. gr., njóta ljósmyndir, er ná því að teljast listaverk, óskor-
aðrar verndar laganna. 1 1. málsgr. 49. gr. höfl. er öðrum ljósmyndum
veitt nokkur vernd.
i) Nytjalist.
Hér er um að ræða nytjamuni, sem eru listrænir að ytra búnaði
eða lögun. Ef þar er um listrænt verk að ræða, nýtur það verndar höfl.
Hér á landi hafa ekki verið sett sérstök lög um mynsturvernd, en í
10. gr. höfl. er þó tekið fram, að mynstur njóti verndar sem nytjalist,
enda fullnægi þau skilyrðum um notagildi og listræn einkenni.
4.2. Aðlaganir.
Sjá grcinargerð með frv. til höfl., sbr. Alþt. 1971, A-deild, bls. 1281-1282, Weincke: Op-
havsret, bls. 46-48, Olsson: Copyright, bls. 23-24, Bernitz o.fl.: Immaterialratt, bls. 31.
Til verka verður ekki aðeins talið frumverkið, heldur einnig það, sem
á lagamáli hefur verið nefnt aðlögun, sbr. 5. gr. höfl. Þar er meðal
annars átt við breytingar á bókmenntaverki, að því tilskildu að hin
89