Tímarit lögfræðinga - 01.10.1985, Qupperneq 21

4.3.1. Réttindi listflytjenda.
1.-3. tl. 1. málsgr. 45. gr. höfl. fjallar um beinan listflutning. 1 grein-
argerð með frv. til höfl. segir, sbr. Alþt. 1971, A-deild, bls. 1303, að
með beinum listflutningi sé átt við frumflutninginn, sem listflytjandi
flytji persónuléga, en tekið er fram í 1. tl., að útvarpssending, sem fram
fer samkvæmt bráðabirgðaupptöku útvarpsstofnunar jafngildi beinum
listflutningi. 1.-3. tl. 1. málsgr. 45. gr. varða þannig þau not, sem unnt
er að hafa af listflutningi samtímis flutningnum. Samkvæmt nefndum
ákvæðum 45. gr. þarf leyfi flytjanda beins listflutnings til upptöku
flutningsins, útvarps á honum svo og dreifingar með tækniaðferðum
frá flutningsstað til annarra tiltekinna staða, sem almenningur á að-
gang að.
4. tl. 1. málsgr. 45. gr. höfl. fjallar um síðari notkun listflutnings,
sem tekinn hefur verið upp með samþykki listflytjanda. Er eftirgerð
slíkrar upptöku háð samþykki flytjanda og varir sá réttur uns 25 ár
eru liðin frá næstu áramótum, eftir að upptaka fór fram. Hins vegar
þarf ekki samþykki listflytjanda til notkunar á hljómplötum eða öðr-
um hljóðritum, sem á markað hafa verið sett, eins og berum orðum
er tekið fram í greinargerð með frv. til höfh, sbr. Alþt. 1971, A-deild,
bls. 1304. Listflytjandi á hins vegar rétt á þóknun samkvæmt því, er
nánar greinir í 47. gr. höfh, sbr. reglugerð nr. 228/1973 um sjóðstofn-
un skv. 47. gr. höfundalaga nr. 73 frá 29. maí 1972 og samþ. 229/1973
fyrir Samband flytjenda og hljómplötuframleiðenda.
Listamannsheiður listflytjenda nýtur verndar samkv. höfh, sbr. til-
vísun 2. málsgr. 45. gr. í 4. gr.
Eftir því sem við getur átt, eru umrædd réttindi listflytjenda háð
sömu takmörkunum og höfundarréttindi, sbr. 2. málsgr. 45. gr.
4.3.2. Réttindi framleiðenda hljóðrita og myndrita.
Samkvæmt 1. málsgr. 46. gr., sbr. 3. gr. laga nr. 78/1984, er eftir-
gerð myndrita og hljóðrita, þar á meðal á hljómplötum, óheimil án
samþykkis framleiðanda. Helst þessi vernd í 25 ár frá næstu áramót-
um, eftir að frumupptaka fór fram. Þessi réttindi eru háð ýmsum tak-
mörkunum, sbr. 2. málsgr. 46. gr.
4.3.3. Réttindi útvarpsstofnana.
Samkvæmt 48. gr. höfl. nýtur útvarpsstofnun vissrar verndar að
því er til útvarpssendinga tekur. Án samþykkis hennar er endurvarp
og dreifing um þráð óheimil svo og upptaka til endurflutnings. Þá er
birting á sjónvarpi útvarpsstofnunar í atvinnuskyni eða ávinnings
91