Tímarit lögfræðinga - 01.10.1985, Page 50

leikjum, geti verið hvort tveggja, eintök af tölvuhugbúnaði og eintök
af öðru hugverki, sem sé leiknum sjálfum. Skv. íslensku höfundalög-
unum geta slíkir tölvuleikir verið vernduð hugverk. Sjálfstæð sköpun
þeirra felst í því að hanna fígúrur, myndflöt og hljóð, ákveða gang
leiksins o.s.frv.
2. SKRÁNING OG VINNSLA EFNIS I UPPLÝSINGABÖNKUM.
2.1. Höfundaréttindi yfir efni sem skráð er í upplýsingabanka.
Framsýnir menn sjá fyrir sér hið eintakalausa samfélag. Þar eru
bækur ekki gefnar út í þeim skilningi sem nú er venja að leggja í það
hugtak. Þess í stað geyma höfundar jólabækurnar í upplýsingabanka.
Þar eru skráðar fræðigreinar sem nú til dags birtast í tímaritum. Upp-
lýsingabankinn hefur líka að geyma sjónvarpsdagskrána, lista yfir
íþróttakappleiki sumarsins og tilboð frá ferðaskrifstofum. Almennir
borgarar panta útskriftir af Ijóðabókum eða lista yfir þriggja stjörnu
hótel í París eftir að hafa kallað fram upplýsingarnar á heimilistölv-
ur sínar.
Hluti af þessari lýsingu er framtíðarspá, annað er raunveruleiki.
Vegna þess hve lítill hluti ritaðs máls liggur nú fyrir í tölvutæku
formi, hafa upplýsingabankar hingað til verið notaðir í litlum mæli til
að geyma texta í fullri lengd. Helst er um að ræða alls kyns fræðilegt
efni, að því er lögfræði varðar aðallega dóma, lög og reglugerðir. Hér
á landi mun enn sem komið er lítið um upplýsingabanka, sem geyma
texta, en nokkuð er um að staðreyndir séu geymdar í upplýsinga-
bönkum.
Hugsum okkur að fjölmiðlunarfyrirtæki hafi komið á fót upplýsinga-
banka. Sú spurning vaknar livort fyrirtækið þurfi að leita samþykkis
höfundarins strax þegar verk hans er skráð eða hvort nægjanlegt sé
að hann gefi samþykki sitt þegar útskrift er tekin. Samkvæmt íslensk-
um rétti leikur varla vafi á því að gerð eintaks af verki fer fram við
að færa það yfir á diska, harðan disk og aðra miðla sem notaðir eru
við skráningu. Hins vegar er mjö'g vafasamt að meðan verkið liggur
aðeins fyrir í innra minni tölvunnar sé unnt að tala um eintak í skiln-
ingi höfundaréttar. Þessi skilningur á eintakagerð hefur einnig verið
lagður til grundvallar annars staðar á Norðurlöndum1) og á síðustu
árum hafa einnig fallið dómar í Bandaríkjunum, sem ásamt þarlend-
um höfundalögum frá 19762) leggja sama skilning til grundvallar.
1) Sjá t.d. Bing: Oppliavsrettsligc aspekter .... bls. 113-115.
2) Section 101.
120