Tímarit lögfræðinga - 01.10.1985, Page 61

lagsins ályktun af þessu tilefni, sem send var Seðlabankanum. i ályktuninni
voru gerðar tillögur um úrbætur. Vaxtaákvörðunin frá 20. des. var síðar lag-
færð nokkuð, þó að enn séu meginvandamálin óleyst. Öll efni standa nú til
þess að gert verði stórátak í þessum málum, helst með nýrri löggjöf. Á fundi
stjórnarinnar 20. febrúar s.l. var þetta málefni rætt sérstaklega og samþykkt
að leggja til við Dómarafélag íslands og Lögfræðingafélag íslands að skipuð
yrði nefnd með einum fulltrúa frá hverju félagi til þess að huga að nauðsyn-
legum réttarúrbótum á þessu sviði. Félögin urðu við þessum tilmælum og
tilnefndu fulltrúa. Hefur nefndin lokið störfum og lagt fram ítarlegar tillögur
til úrbóta, sem komið hefur verið á framfæri við viðskiptaráðherra. Þeim, sem
áhuga hafa á að kynna sér tillögur nefndarinnar, er annars bent á Frétta-
bréf félagsins frá júní s.l., en þar voru tillögurnar birtar í heild.
Félaginu barst rausnarleg bókagjöf á starfsárinu frá erfingjum Ragnars
Ólafssonar hrl. Um var að ræða Alþingistlðindi frá 1845 og Stjórnartíðindi frá
1874, hvort tveggja bundið í skinn, en bækur þessar höfðu verið í eigu Ragn-
ars heitins. Er hér um veglegan bókakost að ræða, sem mikill fengur er í
fyrir félagið að eignast.
Fastanefndir félagsins, þ.e. kjaranefnd, laganefnd og gjaldskrárnefnd, störf-
uðu reglulega eins og áður. Þá kom stjórn námssjóðs nokkrum sinnum saman
til að sinna umsóknum um styrki úr sjóðnum.
Á síðastliðnu ári festi félagið kaup á sumarhúsi í Brekkuskógi og á félagið
því 2 sumarhús á þeim stað. Þá var á árinu unnið við framkvæmdir í kjallar-
anum að Álftamýri 9. Var fundarsalur þar stækkaður og ýmsir hlutir endur-
bættir. Er öll aðstaða í kjallaranum orðin hin vistlegasta eftir þessar breyt-
ingar.
Hér á undan hefur verið gerð grein fyrir starfsemi félagsins á síðasta
starfsári í stórum dráttum. Fyrir utan það, sem hér hefur sérstaklega verið
minnst á, hafa félaginu borist fjölmörg erindi frá innlendum og erlendum
aðilum um hin margvíslegustu álitaefni.
Á aðalfundinum var Jón Steinar Gunnlaugsson hrl. endurkjörinn formaður.
Úr stjórn viku Gísli Baldur Garðarsson hdl. og Hallgrímur B. Geirsson hdl.
Auk formanns eiga nú sæti í stjórninni Páll A. Pálsson hrl., varaformaöur,
Eiríkur Tómasson hrl., gjaldkeri, Vilhjálmur H. Vilhjálmsson hdl., ritari, og
Björgvin Þorsteinsson hdl., meðstjórnandi. Framkvæmdastjóri er Hafþór Ingi
Jónsson hdl.
Hafþór Ingi Jónsson
131