Tímarit lögfræðinga


Tímarit lögfræðinga - 01.06.1992, Side 58

Tímarit lögfræðinga - 01.06.1992, Side 58
kröfuhafa.63 Hins vegar er hæpið, að áhættan af því, að kröfuhafar vilji ekki taka kaupandann gildan sem skuldara í stað seljanda, verði alfarið lögð á framsals- hafann. Sjá til athugunar Hrd. 1938 399. í þeim dómi var hafnað þeirri niðurstöðu héraðsdóms, að það væri forsenda fyrir því að skylda seljanda fasteignar með dómi til þess að gefa út afsal, að fyrir lægi yfirlýsing veðhafa um það, að þeir hefðu samþykkt kaupandann sem skuldara og leyst seljandann úr ábyrgð fyrir veðskuldunum.64 Þegar kaupandi tekur að sér í kaupsamningi greiðslu áhvílandi skuldbinding- ar, verður að telja, að á kaupandanum hvíli sönnunarbyrðin fyrir því, að greiðsluloforð hans hafi verið skilyrðum eða takmörkunum bundið, sbr. Hrd. 1922 294.65 8. NÝR SKULDARI VERÐUR MEÐSKULDARI Þegar rætt er um skuldskeytingu, er venjulega átt við það, að nýr skuldari komi í stað upphaflegs skuldara og upphaflegur skuldari sé þá jafnframt laus undan skuldbindingu sinni. Hitt er til, að nýr skuldari komi inn í skuldarsam- bandið við hlið upphaflegs skuldara og sé solidariskt ábyrgur með honum gagnvart kröfuhafa.66 Þegar nýr skuldari kemur við hlið upphaflegs skuldara sem samskuldari, getur það ýmist orðið með samningi hins nýja skuldara og upphaflegs skuldara eða samningi nýja skuldarans og kröfuhafans. Álitamál er, hvort kröfuhafi öðlist rétt á hendur nýja skuldaranum, ef samþykki kröfuhafa hefur ekki verið leitað í upphafi. Það, sem mælir með því, að kröfuhafi öðlist beinan rétt á hendur hinum nýja skuldara, er sú staðreynd, að staða hans er með engu móti gerð verri eða henni stefnt í tvísýnu við þessa ráðstöfun. 6’ Bernhard Gomard. sama rit. bls. 312. 64 f Hrd. 1938399sagöi m.a., aö ekki yrði með nokkru móti talið, að tilætlun kaupsamningsaðila geti hafa verið sú, að kaupandinn bæri alla þessa áhættu, enda væri það alvanalegt, að afsöl væru gefin út áður en lánardrottnar með veðtryggingu í seldri fasteign tækju kaupanda gildan og leystu seljanda. Samkvæmt þessu nægði, að kaupandi staðfesti yfirlýsingu sína í kaupsamningi þar um, annað hvort fyrir fógetarétti eða um leið og hann fengi afsal, ef seljandi gæfi það út án atbeina fógetaréttar. Sagði í dómsorði, að fógeta bæri f.h. seljanda að gefa út afsal til kaupanda fyrireigninni gegn 1) yfirlýsingu kaupanda um það. að hann taki að sér greiðslu áhvílandi veðskulda og 2) útgáfu skuldabréfs með veði í umræddri eign. 65 f Hrd. 1922 294 var talið, að kaupandi, sem tók að sér greiðslu áhvílandi veðskuldar, hefði sönnunarbyrðina fyrir því, að greiðsluloforð hans hefði verið því skilyrði bundið, að kaupandinn bæri ekki ábyrgð á greiðslu skuldarinnar umfram það, er veðið hrykki til, eftir að það var komið úr eigu hans. 66 Henry Ussing, sama rit, bls. 293. 52

x

Tímarit lögfræðinga

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Tímarit lögfræðinga
https://timarit.is/publication/586

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.