Tímarit lögfræðinga - 01.09.1994, Blaðsíða 64

með því að auka við mannskap í lögregluliðum þannig að þau ráði við að
sinna þessum auknu verkefnum.
Urræði aðfararlaga til að tryggja framgang aðfarar eru áhrifarík. Þau áhrif
eru þó háð því að virðing sé borin fyrir úrræðunum og menn megi almennt
vænta þess að ekki sé látið átölulaust að þeir hunsi fjárnámsboðun. Ef fjár-
svelti sýslumannsembætta leiðir til þess að kerfið glati tiltrú manna er hætt
við því að varanlegur skaði verði unninn á því.
3.4 Upphafsstaður aðfarar
Aðför má hefja á skrifstofu sýslumanns, skv. 22. gr. AFL, hafi boðun verið
send. Hafi það ekki verið gert er rétt að hefja aðförina þar sem líklegast er
að náist til gerðarþola sbr. 2. mgr. greinarinnar.
Ekki kemur fram hverju það varði ef aðfarargerð hefur hafist á skrifstofu
sýslumanns þegar tilkynning hefur ekki verið send en gerðin síðan flutt á
þann stað þar sem líklegast er að náist til gerðarþola. Lagagreinin virðist fyrst
og fremst að eiga að styðja 24. gr. AFL er lýtur að lyktum gerðar.
Með hliðsjón af því verður að telja að það hafi ekki sjálfstæða þýðingu
hvar gerð byrjar svo fremi að henni ljúki með réttum hætti og má um það
vísa til athugasemda í greinargerð með ákvæðunum.
Orðalag 22. gr. AFL gæti hins vegar gefið tilefni til málaferla um formsatriði
sem virðast enga þýðingu hafa að lögum. Til þess að taka af öll tvímæli í
þessu sambandi væri rétt að bæta við greinina ákvæði um að það varði ekki
ógildi aðfarar þótt hún byrji á einhverjum öðrum stað en þar er tilgreindur
svo fremi sem henni ljúki í samræmi við 24. gr. laganna.
3.5 Hvar ljúka má aðför
Rétt er að vekja ntáls á efni næstsíðasta málsliðar 3. mgr. 24. gr. Þar er
mælt fyrir um með ófrávrkjanlegum hætti að ekki megi ljúka gerð án nærveru
gerðarþola og án þess að honum hafi sannanlega borist tilkynning nema því
aðeins að það sé gert á skráðu heimili eða aðsetri gerðarþola. Aður en til
slíkra málaloka kemur skal fullreynt að ekki náist til gerðarþola eða hagsmunir
gerðarbeiðanda af slíkum málalyktum séu það miklir að mati sýslumanns að
hann samþykki þessa aðferð án þess að reyna frekar að ná til gerðarþolans.
Þessi leið getur átt við þegar reynt hefur verið að boða gerðarþola til gerð-
arinnar bæði með atbeina sýslumanns og lögreglu. Stundum er fullljóst orðið
að hvorki gerðarþoli né nokkur er málstað hans getur tekið finnst á skráðu
heimili en allt að einu þarf samkvæmt ákvæðum laganna að fara við þriðja
mann í ferðalag til að ljúka gerðinni. Slíkt kallar einungis á sams konar mis-
notkun á réttarfarinu og þekktist hér áður fyrr þegar fulltrúar sýslumanna voru
orðnir þrautæfðir í því að ferðast um umdæmi sitt í huganunt.
Með hliðsjón af framangreindu er lagt til að lokamálslið 24. gr. verði breytt
þannig að gerð megi einnig ljúka á skrifstofu sýslumanns sé einsýnt að niati hans
að það þjóni ekki tilgangi að fara á skráð heimili gerðarþola til að ljúka gerð þar.
130