Tímarit lögfræðinga - 01.10.1998, Side 79

samtökunum agavald yfir þeim í því skyni að tryggja sjálfstæði lögmannastétt-
arinnar sem hluta af réttarkerfinu gagnvart framkvæmdavaldinu. Sökum þess
að vafi getur leikið á um nauðsyn þess að fela „félagi“ lögmanna slíkt hlutverk
og erfitt kynni að reynast að réttlæta slíka nauðsyn, eins raunin var í íslenska
leigubílstjóramálinu, væri tryggara að löggjafinn stofnaði til opinberra samtaka
lögmanna með lögum þar sem kveðið væri á um verkefni þeirra, skipulag og
starfsemi á sviði opinbers réttar. Skylduaðild að þess háttar samtökum lög-
manna ætti ekki að brjóta gegn 2. mgr. 74. gr. stjskr. og 11. gr. Mannréttinda-
sáttmála Evrópu.
247