Ægir - 01.06.1998, Blaðsíða 25
SAMLEIÐ MEÐ ÍSLENSKUM SJÁVARÚTVEGI
Untiið við línukerfi frá DNG-Sjóvélum.
framleiðslu vindanna verið að auka af-
köst og skila smábátunum fram á við í
þróuninni.
„Við teljum líka í dag að okkar þró-
un hafi gert litlu bátana mjög hag-
kvæma í samkeppni við aðra. í þessu
sambandi geta menn velt því fyrir sér
að það er ekki inörg útgerðin sem þolir
að vera úthlutað aðeins 100 dögum á
Samsetning á fœravindu. Nákvœmar próf-
anir fara fram á búnaðinum í framleiðslu-
ferlinu áður en vindurnar fara til kaup-
enda.
sjó en vera samt hagkvæm. Þetta er
aðeins hægt vegna tækniþróunarinn-
ar. Hitt er annað mál að við horfum
upp á allt aðra þróun í málum smá-
bátaútgerða vítt og breitt um heim-
inn. í Alaska er verið að færa mikið af
kvóta og sókn yfir á strandveiði og
þessa þróun sjáum við í mörgum ná-
grannalanda okkar. Smám saman
erum við að verða alveg sér á báti hér
á landi með okkar stefnu og niður-
skurð í útgerð smábátanna. í Alaska er
sú regla notuð að allt að 25% af kvót-
anum má færa yfir á strandveiðina,
með ákveðna veiðireynslu sem við-
miðun. Sú þróun mun halda áfram
enda gengur umræðan út á að stór-
virku veiðitækin eigi undir högg að
sækja," segir Kristján.
Menntunarstig sjómanna
hér á landi mjög hátt
Þrátt fyrir að með árunum hafi aukist
útflutningur á búnaði DNG-Sjóvélum
hf. og starf á fjarlægum mörkuðum
orðið ríkari þáttur í starfsemi
fyrirtækisins, segist Kristján líta á
heimamarkaðinn sem mjög mikilvæg-
an grunn fyrir þróun og sölu.
„Að vísu hefur heimamarkaðurinn
verið mjög sveiflukenndur. í rauninni
hefur aldrei verið hægt að áætla fram í
tímann hvað hér muni gerast en engu
að síður hefur þetta umhverfi hér
heima hjálpað okkur í þróunarstarfinu
og við höfum átt mjög gott samstarf
við sjómenn. Góðar samgöngur eru
okkur mikilvægar, sem og hátt tækni-
stig í þjóðfélaginu en síðast en ekki
síst er hátt menntunarstig sjómanna
okkur mikilsvert. Við þurfum ekki að
fara langt í burtu til að finna 70-80%
ólæsi meðal sjómanna og það gefur
auga leið að þróunarfyrirtæki eins og
okkar á mun auðveldara með að sækja
fram þegar unnið er með jafn hæfu
fólki og íslenskir sjómenn eru. Þessir
smábátasjómenn okkar eru harðdug-
legir og fylgnir sér og þeir eiga ekki
minnstan þátt í að hafa lagt grunn að
góðri útflutningsvöru. Sjómennirnir
eiga sannarlega mikið í því sem hér
hjá DNG-Sjóvélar hefur gerst."
Nýjungar kynntar á
sjávarútvegssýningu að ári
Nú er aðeins rösklega ár þangað til
sjávarútvegssýning verður hér á landi
og fyrirtæki eru þegar byrjuð að undir-
búa sína þátttöku af fullum krafti. Svo
er einnig um DNG-Sjóvélar og Kristján
boðar að þar verði margar nýjungar
kynntar. Til dæmis er nú hafin þróun
á færavindu sem á að bjóða upp á
nokkru meiri einfaldleika í notkun,
enda segir Krisján að hægt að ganga of
langt í getumöguleikum og spanna þar
með of vítt svið.
„Við tökum þátt í nokkrum sýning-
um á hverju ári, vítt og breitt um
heim, enda er útflutningurinn um 70-
80% af sölunni. Þar liggja okkar sókn-
arfæri og við ætlum að halda ótrauðir
áfram. Annað heila árið eftir samein-
inguna við Sjóvélar var í fyrra og kom
mjög vel út en við ætlum að gera enn
betur," segir Kristján.
Tæplega 20 manns starfa hjá DNG-
Sjóvélum hf. og meirihluti starfs-
manna er á Akureyri. Velta fyrirtækis-
ins var tæplega 200 milljónir króna á
síðasta ári.
ffl 25