Ægir - 01.06.1998, Qupperneq 31

SAMLEIÐ MEÐ ÍSLENSKUM SJÁVARÚTVEGI
„Ég kann alltafbest viö mig á smábátumim. í þessu veröur maður að treysta á sjálfan
sig og rœðtir sér sjáifiir. Þetta er líka mjög gefandi og jafnvei þótt maður sé einn á báti
úti á sjó þá leiðist manni aidrei," segir Bergur Garðarsson.
bótar komi svo veðurguðirnir til sög-
unnar og stýri sókninni.
„Ég hef þess vegna engar áhyggjur
af því að aflinn verði of mikill og vildi
gjarnan sjá að smám saman gætum
við fjölgað handfærabátunum á nýjan
leik. Það skapar okkur fjölda starfa inn
í þjóðarbúið og á því þurfum við að
halda. Stjórnvöld eru sífellt að tala um
að finna verði lausnir á vanda lands-
byggðarinnar og snúa við þeirri þróun
að allir flytji á mölina á suðvestur-
horninu. Að mínu mati er til ein
áhrifarík aðferð til þess og hún er ein-
faldlega sú að efla smábátaútgerðina
markvisst. Það væri árangursríkari að-
gerð en margar aðrar og margfalt
hraðari atvinnuuppbygging en menn
gera sér almennt grein fyrir. Og menn
geta átt von á því að sú atvinnuupp-
sveifla kæmi fram á mörgum sviðum,"
segir Bergur.
Hefur verið vegið
of harkalega að smábátunum
Út af fyrir sig segir Bergur kvótakerfið
gott og gilt og sérstaklega þar sem ekki
sé reynt að finna eitthvað betra í stað-
inn en að hans mati hafi verið gengið
alltof langt í því að vega að smábáta-
útgerðinni. Horfa megi til byggðarlag-
anna í Ólafsvík og Grundarfirði á und-
anförnum 10-12 árum og þar sjáist að
smábátaútgerðin hafi því verið eina
uppsveiflan í atvinnulífi á stöðunum
og mikið áfall yrði fyrir þessa staði að
draga saman seglin í smábátaútgerð-
inni.
„Framhjá því verður ekki horft að
þeir sem hafa verið að reyna að byggja
upp smábátaútgerð á þessum stöðum
eru sjómenn sem hafa verið að missa
sín störf á togurunum eða stærri bát-
um og þeir eru að reyna að skapa sér
störf til að geta áfram stundað sína
sjómennsku og geta búið áfram á þess-
um stöðum. Ég get ekki séð hvað er
slæmt við það - þetta er þvert á móti
mjög gott fyrir staðina og ætti þar
með að vera þakkað í stað þess að vera
gagnrýnt," segir Bergur.
Kann best við mig á trillunni
Á norðanverðu Snæfellsnesi eru nú
um 170 smábátar og flestir þeirra í
Ólafsvík, rösklega 80 talsins. Sé borið
saman við togarana er ekki langt í frá
að telja að smábátaflotinn í Grundar-
firði sé að skila á land sem svarar tii
ársafla eins togara þannig að mikil-
vægið fyrir staðinn er augljóst.
„Ég kann alltaf best við mig á
smábátunum. í þessu verður maður að
treysta á sjálfan sig og ræður sér
sjálfur. Þetta er líka mjög gefandi og
jafnvel þótt maður sé einn á báti úti á
sjó þá leiðist manni aldrei," segir
Bergur Garðarsson.
ffl
31