Ægir - 01.06.1998, Qupperneq 41

SAMLEIÐ MEÐ ÍSLENSKUM SJÁVARÚTVEGI
fæstir selja þegar framundan er aukn-
ing í úthlutun aflaheimilda og þar með
bíða menn eftir henni," segir Eggert og
segir aðspurður að stóru útgerðirnar
hafi lítið sést í þessum viðskiptum
heldur séu smábátamenn fyrst og
fremst að hafa viðskipti sín í milli. Egg-
ert segir að margir hafi reiknað með að
gamla kvótakerfið og framsalskerfið
yrðu sameinuð og gangi það eftir yrði
væntanlega enn veruleg hækkun á
kvótaverðinu.
„En þetta er fyrst og fremst spákaup-
mennska og ekkert nýtt í sjávarútvegi
hér á landi að við sjáum gríðarlegar
sveiflur.
Mér sýnist að meðal smábátamanna
sé staðan nokkuð góð. Þeir sem eru
skuldlausir standa vel og almenna regl-
an er sú að menn eiga sínar útgerðir
skuldlausar. í viðskiptunum með afla-
heimildirnar þekkist ekkert annað en
staðgreiðsla þannig að útkoman er
óneitanlega góð hjá mönnum þegar
selt er."
Engin launung er að viðskipti í þess-
ari grein eru að hlaupa á háum fjár-
hæðum. Eggert segir að þeir bátar sem
hafa farið á hæsta verðinu hafi verið
með að baki sér kvóta upp á vel á ann-
að hundruð tonn og samkvæmt því
hefur söluandvirðið verið um og yfir
60 milljónir króna.
Mikið lagt upp úr
áreiðanleika í viðskiptum
Eggert segir mjög mikilsvert að bjóða
trausta og ábyggilega þjónustu í miðl-
un báta og kvóta, enda snúist viðskipt-
in oftar en ekki um lífsstarf og aleigu
fjölskyldna. Fyrirtækið leggi því mikið
upp úr áreiðanleika og á þeim þremur
árum sem það hefur starfað hefur um-
fangið vaxið verulega.
Eggert er einn þriggja eigenda fyrir-
tækisins, en auk hans eru eigendur þeir
Jóhannes Eggertsson og Ólafur Þ. Þórð-
arson. Lögmaður fyrirtækisins er Ólaf-
ur Thoroddsen en starfsmenn í föstu
starfi hjá Skipamiðluninni Bátar og
kvóti eru fimm talsins.
Smábátaútgerð:
F áar konur á bátunum en
fjölmargar í störfum í landi
Löngum hefur verið talað um sjómennskuna sem hreint og klárt karlastarf
en konur hafa þó gert töluvert strandhögg í sté'ttinni á undanförnum árum og
farið með hverju árinu fjölgandi í hópi togarasjómanna. Og þykir ekki í
frásögur færandi þar sem störfin á sjónum eru ekkert síður fyrir konur en karla.
Samkvæmt upplýsingum frá Landssambandi smábátaeigenda er erfitt að
finna nákvæma tölu yfir fjölda kvenna í stétt smábátasjómanna en talið er þó að
þær séu enn sem komið er færri en 10. Hins vegar snýst smábátaútgerðin ekki
aðeins um þau störf sem eru á sjónum heldur einnig í landi og þar eru konur
fjölmennar.
FYLGIST NÁKVÆMLEGA MEÐ
FYLGIST NAKVÆMLEGA MEÐ
SMIÐJUVEGUR 28, Pósthólf 597 - 200 Kópavogi - Sími: 567 2800 - Fax: 567 2806
MDVÉLAR HF.
nn
AT
AFGASMÆLIR
Fylgist nákvæmlega með.
Getur
fflll 41