Ægir - 01.06.1998, Síða 34

„Frelsiö í smábátaútgerðinni gefnr manni lífsfyllingn." Trillukarlinn Skarphéðinn fylgist
með drœttinum.
„Ég prófaði að fara á togara og í
siglingar en það hefur ekkert höfðað
eins mikið til mín og smábáturinn. í
sannleika sagt þá held ég að það sé
frelsið í smábátaútgerðinni sem gefur
manni lífsfyllinguna."
Slegist við kerfið
Það er með Skarphéðinn eins og svo
marga aðra tillukarla að ekki er hann
skoðanalaus á málin. Og hefur sannar-
lega látið ýmsa finna fyrir því. Hann
segir að á sínum tíma hafi verið ætl-
unin að útrýma smábátaútgerðinni og
hunsa algerlega þessa stétt manna sem
hefði sitt Iífsviðurværi af trilluútgerð.
Kvótakerfið hafi ekki miðað við að
taka þyrfti tillit til smábátanna og ætl-
unin hafi verið að útiloka þennan hóp
frá veiðum. Frægt varð á sínum tíma
þegar takmarka átti dagafjölda á neta-
veiði í Faxaflóa og Skarphéðinn og fé-
lagar sigldu bátum sínum inn í
Reykjavíkurhöfn og lokuðu höfninni
meðan skundað var á Alþingi til að
mótmæla. Eftir þessa aðgerð fór Skarp-
héðinn og lagði net á banndegi í Fló-
ann og lét á reyna hvort hann yrði
stöðvaður. Ekki leið á löngu þar til
varðskip birtist og eftir orðahnipping-
ar var báturinn færður til hafnar og
Skarphéðinn lét fjölmiðla vita og
grannt var fylgst með þegar þessi
„trilluafbrotamaður" var færður að
landi. Skarphéðni er skemmt þegar
hann segir frá þessari uppákomu og
bætir við að í framhaldinu hafi verið
lögð fram kæra á hendur honum en
greinilegt hafi verið að yfirvöld hafi
talið þann kost vænstan að reyna að
ná sátt við hann.
„Ég sagðist hins vegar vilja fara í
fangelsi fyrir þetta brot og krafðist
þess að fá góða aðstöðu í fangelsinu til
þess að dytta að netum á meðan ég
sæti inni. Þetta þótti mönnum út úr
öllu korti og sögðu það ekki vanann
að dæmdir menn gætu sett fram kröf-
ur. Ég benti þá á að ég væri alls ekkert
dæmdur maður og ef þeir vildu ná sátt
við mig þá yrði það á þennan hátt. Og
svona stendur þetta mál enn þann dag
í dag, mörgum árum seinna," segir
Skarphéðinn og hlær dátt.
Hæðir og lægðir í grásleppunni
Skarphéðinn er einn af hörðustu grá-
sleppuveiðimönnum á landinu og hef-
ur 200 net í sjó. Hann segist hafa
stundað grásleppuna lengi og stöðugt
leitað nýrra miða, enda hafi aðrir allt-
af komið á hæla honum á ný svæði.
Eigum rafgeyma í allar stærðir
bifreiða og vinnuvéla
Einnig rúllugeyma íyrir báta og skip
RAFGEYMASALAN
Dalshrauni 1 Sími 565 4060
34