Ægir - 01.06.1998, Qupperneq 35

SAMLEIÐ MEÐ ÍSLENSKUM SJÁVARÚTVEGI
„Það kostar oft mikið af netum að
vinna ný mið og þú sérð að í gegnum
tíðina hef ég farið norður frá Akranesi
og er nú kominn á miðin hér við
Hvalseyjar. Þetta er svæði sem ég tel
mig vera farinn að þekkja mjög vel,"
segir Skarphéðinn.
Trillukarlinn segir að mörgum þyki
hann vera sérstakur og þrár og hann
kippi sér ekki upp við það. „Ég er mun
hjátrúarfyllri en almennt gerist hjá
fólki, á ekki trossu númer 13 og er illa
við þá tölu. Ég hef lent í mörgum um-
ferðaróhöppum 13. september og
kann illa við að hafa þá tölu í númer-
um bíla sem ég á," segir Skarphéðinn.
Hann segir að í grásleppuútgerðinni
þurfi oft að sýna sérstaka þolinmæði.
Veiðin geti verið mjög sveiflukennd
milli ára og sömuleiðis sveiflist verð á
hrognum hátt upp og langt niður.
Skarphéðinn rifjar upp að eftir eina
vertíðina hafi hann átt 180 tunnur af
hrognum og verið mjög óánægður
með verðið. Þá hafi hann fyrir stuttu
verið búinn að endurnýja bátinn og
Fiskveiðasjóður hafi farið að ókyrrast
yfir því að hann sæti uppi með hrogn-
in og hótanir um að bjóða upp þar
sem ekki væri staðið í skilum. Nú fór
að örla á áhuga kaupenda á hrognun-
um og þýskur kaupandi fór að sýna
þessu magni áhuga.
„Mér fannst hann bjóða of lítið og
neitaði að selja honum en hann
hækkaði sig og aftur sagði ég nei en
loks kom þriðja faxið og þá var hann
farinn að nálgast það verð sem ég gat
sætt mig við. Enn sagði ég nei og þá
sendi hann fax og spurði hvað ég vildi
eiginlega fá fyrir hrognin. Ég svaraði
um hæl og gaf upp töluvert hærra
verð en ég átti von á að geta náð.
Þannig héldum við áfram þangað til
sátt komst á og hrognin fóru utan. Eft-
ir að þau voru komin þangað kom fax
um að það vantaði upp á vigt í öllum
tunnunum sem ég vissi að var ekki
rétt. Þessu svaraði ég strax með því að
boða að ég kæmi utan til að skoða
málið en tunnurnar mætti ekki snerta.
Þá sendi sá þýski skeyti um að þetta
væri misskilningur og mín ferð væri
óþörf. Þetta eru einhver skemmtileg-
ustu viðskipti sem ég hef átt og hing-
að kom sá þýski í heimsókn og við
buðum hver öðrum í mat og höfðum
viðskipti í nokkur ár. Svona getur fylgt
þessum bransa," segir Skarphéðinn og
glottir.
Höfnin á Akranesi nálgast nú
óðfluga og fyrr en varir eru hrogna-
tunnurnar þrjár komnar upp á
bryggju. Átján tíma túr er lokið en
þessi innsýn í heim grásleppukarlanna
á Faxaflóa undirstrikar að fátt er betra
en að vera á smábát úti á sjó á slíkum
góðviðrisdögum sem þessum.
Rannsóknastofnun
fiskiðnaðarins
ril sruÖnings viÖ sjávamTveginn
Þegar framleiðsla matvæla er annarsvegar er að mörgu að huga.
• hvað þarf ég að gera til að framfylgja lögum og reglum
• hverjar eru hætturnar
• hvernig er best staðið að framleiðsluferlinu
• hvað með geymsluþol, hreinlæti og fleira
Rf býður upp á mikla reynslu og þekkingu og er vel í stakk búin til að
þjóna íslenskum matvælaiðnaði.
Hafðu samband
Reykjavík 562 0240 562 0740
ísafjörður 456 3768 456 4789
Akureyri 462 5725 462 5216
Neskaupstaður 477 1250 477 1923
Vestmannaeyjar 481 1471 4813114
http://www.rfisk.is
info@rfisk.is
isa@rfisk.is
akur@rfisk.is
nes@rfisk.is
vest@rfisk.is
ÆGIR 35