Ægir - 01.06.1998, Page 30
sín smábátasjómenn, búa þeim að-
stöðu og tryggja þannig tekjur af því
að hafa þá á staðnum. Það væru ör-
ugglega margir tilbúnir til að koma og
gera út héðan ef betri aðstaða væri fyr-
ir hendi og það skapar okkur tekjur til
sveitarfélagsins," segir Bergur.
Sóknardagakerfið hefur þróast
út í of mikið kapphlaup
Bergur segir engu ofaukið í því slag-
orði að smábátar skapi þrisvar sinnum
fleiri störf. Útgerð smábáta sé
mjög atvinnuskapandi, til að
mynda línuútgerðin en við út-
gerð á einum báti á línu sé
óhætt að reikna með fimm
störfum þegar upp er staðið.
Bergi þykir sóknardagakerfið
hafa þróast út í alltof mikið
kapphlaup þar sem menn kepp-
ist við að nýta sína sóknardaga
og halda út allan sólarhringinn.
Slíkt líkist meira hreinni villi-
mennsku en hefðbundinni sjó-
mennsku. Sumir verði heppnir
með afla og aðrir ekki. Þessi mynd af
handfæraútgerð sé allt önnur en
margir vilji sjá.
„Því má ekki gleyma að handfæra-
veiðar eru sá grunnur sem við byggj-
um á í okkar sjávarútvegi frá fornu
fari. Smábátaútgerðin verður að vera
til staðar þannig að eldri og reyndir
sjómenn af öðrum skipum geti haft
þennan útveg til að snúa sér að þegar
þeir hætta á stærri skipunum en það
verður líka að vera hægt að komast
inn í þessa grein og skapa sér þar at-
vinnugrundvöll. Það er að verða
ógjörningur í dag og þar með sé ég
ekki hvernig á að verða nauðsynleg
endurnýjun á fólki til að stunda smá-
bátaútgerð. Þegar þannig háttar þá er
til lítils að tala um þjóðareign á auð-
iindinni þegar það fær bara ákveðinn
hluti að nýta hana," segir Bergur.
Handfæraveiðarnar
verði gefnar frjálsar
Framtíðin mun leiða í ljós hvort veru-
leg uppstokkun verður gerð á sjávarút-
vegsmynstrinu á íslandi en Bergur seg-
ist vilja sjá smábátaútgerðina þannig
að menn geti stundað hana af krafti
yfir sumartímann en látið bátana
liggja yfir háveturinn.
„Ég sé alveg fyrir mér að okkur
verði úthlutað fimm til sex
mánuðum á ári til að veiða
frjálst en að við fengjum ein-
göngu að veiða á handfæri en
mættum ráða því hvernig við
nýttum þennan tíma. Þá væru
menn komnir í róðrakerfi yfir
sumarmánuðina á handfærum
á eðlilegan máta. Ég hef fulla
trú á að þetta sé hægt þegar
línan er farin út. Það var línan
sem sprengdi þennan mögu-
leika af okkur en ef veiðarnar væru
takmarkaðar við handfærin þá er ég
ekki í vafa um að það mætti gefa kerf-
ið frjálst. Afkastagetan á línunni er
mjög mikil en ef handfærin eru ein og
sér þá þurfa menn ekki að hafa svo
miklar áhyggjur af því að rnagnið
verði svo verulegt sem veiðist. Það sjá-
um við bara á tölum um veiðar á
handfæri, miðað við fjöldann sem
þennan veiðiskap stundar," segir Berg-
ur og bætir við að frjálsar handfæra-
veiðar með þessu móti mættu gjarnan
innihalda reglur um að menn tækju
alfarið frí um helgar og þar með yrði
þetta manneskjulegri útgerð.
Smábátarnir geta hjálpað
landsbyggðinni
Þegar talað er um frjálsar veiðar vakn-
ar alltaf sú spurning hvort slíkt boði
ekki um leið sprengingu í afla. Bergur
bendir á að þorskurinn taki ekki krók-
ana á vissum tíma þannig að í raun
skammti hann sjálfur aflann og til við-
Smábátahöfnin í Grundarfiröi. Bergur segir að mikil fjölgun smábáta hafi oröið á
staðnum á síðustu árum og raunar séu smábátarnir aðal atvinnuuppsveiflan í
Grundarfirði. Myndir: ]óh
„Ég sé alveg fyrir mér að okkur
verði úthlutað fimm til sex
mánuðum á ári til að veiða
frjálst en að við fengjum
eingöngu að veiða á handfœri
en mœttum ráða pví hvernig við
nýttum þennan tíma
30 MIR