Búnaðarrit - 01.01.1940, Page 26

24
BÚNAÐARRIT
Börn þeirra systra, Jón Ásgeirsson og Ingunn Olsen,
voru þá trúlofuð, á laun. Þó munu systurnar mæður
þeirra, hafa vitað um samdráttinn þá orðið. Þetta
hugsa ég að hafi valdið því, að vorið eftir þ. e. 1861,
flytur Ásgeir búferlum að Þingeyrum. Jón og Ingunn
voru bæði enn í svo mikilli æsku, að ekki mun hafa
þótt fært að fá þeim í hendur svo stóra og umfangs-
mikla jörð, sem Þingeyrar eru. Jón var sendur utan,
til þess að undirbúa sig til að taka síðar við jörðinni.
Mun hann hafa siglt haustið 1860. Veturinn 1860—
1861 dvelur Jón í Höfn og Noregi og sumarið eftir,
að kynna sér laxveiði, að því er segir í bréfum Jóns
Sigurðssonar. Hve lengi hann var ytra veit ég ekki
með vissu, en hygg að hann hafi elcki komið úr sigl-
ingunni fyrr en á öndverðu ári 1863, eða síðla árs
1862. í utanförinni er talið að hann hafi numið jarð-
yrkju. Er enda í bólcum Búnaðarfélags Sveinsstaða-
lirepps og víðar jafan nefndur jarðyrkjumaður. Hann
nam og eitthvað í dýralækningum. Hann mun hafa
komið úr siglingunni með eitthvað af jarðyrkju-
áhöldum, plóg, herfi, 1 eða 2 vagna og ef til vill fleira.
Þykir mér næsta ólíklegt að slílc verkfæri hafi fyrr
sést hér í Sveinsstaðahreppi. Að minnstakosti þá um
langt slceið.
Ég gat þess hér að framan, að Ásgeir fluttist að
Þingeyrum vorið 1861. Hann bjó þar, í það sinn, að-
eins í 2 ár í sambýli við ekkjuna Ingunni Ólsen.
Vorið 1862 kom til hans, sem vinnumaður, frændi
hans Torfi Bjarnason, 23 ára að aldri. Hann var af
fátækum foreldrum kominn og hafði lítillar eða engr-
ar tilsagnar notið, en aflað sér óvanalega mikillar
þekkingar af eigin rammleik. Hann varð síðan land-
frægur undir nafninu „Torfi í Ólafsdal". Ég hygg að
Torfi hafi komið úr fremur fátækri og framfaralítilli
sveit. Hafa því fljótt opnast augu Torfa fyrir þeim
búnaðarframförum, sem þá höfðu átt sér stað í Sveins-
j