Búnaðarrit - 01.01.1940, Síða 31
BÚNAÐARRIT
29
Sveinsstaðahreppinga fyrir búnaðarmálum eða annað,
sem valdið hefir því að þeim datt í hug að fá Torfa
til þess að standa fyrir fyrirmyndarbúi, þá er það
vist að málið hafa þeir rætt við hann fyrir 12. júní
1865. Þá har J. Skaftason læknir málið fram á fundi
Bún. Hún. að Miðhúsum. — Þá voru þeir, sem kunn-
ugastir voru á Þingeyrum, búnir að sjá jarðyrkju-
áhöld Jóns, og jafnframt orðnir úrkulavonar um að
þau yrðu notuð, nema nýr maður kæmi til sögunnar.
Benti hann jafnframt á Torfa, sem líklegastan mann
til þess að standa fyrir slíku húi, ef hann væri fyrst
kostaður til Skotlands. Fundarmenn tóku málinu vel,
jafnvel þó þeir treystu félaginu eigi til að geta staðist
þann kostanað, sem af framkvæmd þess hlytizt. Var
þá kosin 7 manna nefnd, til þess að yfirvega málið
og bera álit sitt upp fyrir aukafundi, sem halda skyldi
11. júlí næst á eftir.
I þessa nefnd voru kosnir: Læknir J. Skaftason,
stúdenl P. Vídalín, dbrm. Ó. Jónsson, prófastur J.
Þórðarson sjálfseignarbóndi, J. Skúlason á Hauka-
gili, prófastur G. Vigfússon og fyrrv. hreppstjóri Er-
lendur Pálmason í Tungunesi.
Nefndin skilaði áliti sínu 24. júní, en af aulcafundi
varð þó ekki 11. júlí, eins og ákveðið var, og ekki fyrr
en 11. október þá um haustið, vegna anna segir í
fundargerðinni.
Var þá tekið fyrir „málefnið um að stofna fyrir-
myndarbú í Húnavatnssýslu". Var það síðan rætt
ýtarlega „og lutu meiningar fundarmanna yfirhöfuð
að því, að fallast á uppástungur nefndarinnar og
styðja málefnið; eins og allir voru á því, að enginn
væri færari til þessarar utanfarar en Torfi Bjarnason,“
segir í fundargerðinni.
Síðan var rætt um hvernig fénu til utanfarar Torfa
skyldi náð. Einn fundarmanna stakk upp á, að jal'na
fé því, sem þyrfti til utanfararinnar, að upphæð hér