Fréttablaðið - 22.05.2010, Síða 22

22 22. maí 2010 LAUGARDAGUR
Þrálátur en skiljanlegur misskilningur þeirra sem
horfðu utan frá á bankahrunið
íslenska var að íslenska þjóð-
in hefði staðið að baki bönkun-
um, átt þá, grætt á þeim, nýtt
sér þá. Nöfnin gáfu það jafn-
vel í skyn: „Landsbanki“, en
ekki síður framferði íslenskra
stjórnvalda sem virtust svo
samdauna spillingunni, báru í
bætifláka fyrir hana, höfðust
ekkert að, sögðu hvorki af
sér né ráku embættismenn
sem báru sök í samræmi við
ábyrgð.
Þá kom Austurvöllur til
bjargar, mótmæli almennings
sem voru einstæð í sögu lýð-
veldisins, þúsundir sem flykkt-
ust á sama blettinn laugardag
eftir laugardag eða fylltu Iðnó
og Háskólabíó á heitum mót-
mælafundum. Þetta fólk, þess-
ar aðgerðir, björguðu andliti
íslensku þjóðarinnar, gerðu
ljóst að við vorum ekki þeir.
Og nú á að draga nokkra ungl-
inga fyrir dóm vegna þátttöku
þeirra í aðgerðunum. Það virð-
ist vanhugsuð aðgerð. Blasir
ekki við að kringumstæðurn-
ar voru óvenjulegar? Þær áttu
sér ekki stað í tómarúmi. Þær
voru í því samhengi sem lýst er
hér að ofan. Sjálfur ber ég djúpa
virðingu fyrir Alþingi. Móðir
mín var starfsmaður Alþingis
til margra ára, ég þekki enn til
sumra sem þar starfa og hrýs
hugur við þeirri tilhugsun að þá
gæti hent nokkuð illt. En Alþingi
er ekki venjuleg skrifstofa. Án
þess að grípa til margvolkaðr-
ar líkingar um þjóðarlíkama
þá er Alþingi engu að síður sá
staður þar sem þjóðin kennir til
og bregst við. Sýndarréttarhöld
yfir nokkrum þátttakendum í
hildarleik þar sem við hlutum
öll þungar skrokkskjóður eru til
þess fallin að ýfa þau sár.
Svo að þér verði
ekki dæmdir
Árás á Alþingi
Pétur
Gunnarsson
rithöfundur
Og nú á að draga nokkra unglinga
fyrir dóm vegna þátttöku þeirra í
aðgerðunum. Það virðist van-
hugsuð aðgerð. Blasir ekki við að
kringumstæðurnar voru óvenju-
legar? Þær áttu sér ekki stað í
tómarúmi.
DORO TH70
11.490 kr.
Töff sími með SMS-virkni,
200 nafna símaskrá og hátalara.
PANASONIC 6411
10.900 kr.
Flottur sími með 100 nafna símaskrá.
Hægt að bæta við allt að 5 símtólum.
ÁSKRIFT
fylgir með á
0 kr. í
2 mánuði
ÁSKRIFT
fylgir með á
0 kr. í
2 mánuði
E
N
N
E
M
M
/
S
ÍA
/
N
M
4
2
3
0
8
Næstu misseri og ár verða tími uppbyggingar á Íslandi.
Byggja þarf fleiri og sterkari stoðir
atvinnulífs og samfélagsins í heild
en þær sem fyrir eru. Við slíkar
aðstæður er nauðsynlegt að standa
vörð um og rækta þær auðlindir
sem slíkar stoðir hvíla á og standa
undir verðmætasköpun, atvinnu-
uppbyggingu og góðum lífskjörum.
Það er því afar brýnt að stjórnvöld
og atvinnulíf standi saman af festu
við áframhaldandi uppbyggingu
á ungu háskólasamfélagi á Íslandi
enda fer þar fram þróun þekkingar
sem verðmæti framtíðar byggja á.
Í samanburði við nágrannalönd
eigum við þó enn töluvert í land,
bæði hvað varðar hlutfallsleg fram-
lög til háskólamenntunar en einnig
afl og gæði íslenskra háskólastofn-
ana. Um leið skal því þó haldið til
haga að veruleg framþróun hefur
átt sér stað í íslensku háskólasamfé-
lagi á undanförnum áratug. Kennsla
hefur batnað og afköst í rannsókn-
um og gæði þeirra einnig. Íslenskt
atvinnulíf og samfélag mun njóta
þess til framtíðar. Í þeirri aðlög-
un sem væntanlega verður á sviði
háskólamenntunar á næstu misser-
um þarf fyrst og fremst að tryggja
að hnignun eigi sér ekki stað. Allir
sem hér búa eiga mikið undir því.
Samtök í atvinnulífinu hafa lengi
stutt uppbyggingu menntunar á
framhalds- og háskólastigi hér á
landi og gegnt lykilhlutverki í þeim
árangri sem náðst hefur á undan-
förnum árum. Meginástæða þess að
stofnað var til Háskólans í Reykja-
vík (HR) á árinu 1998 var sú að talin
var þörf á frekari eflingu á svið
kennslu og rannsókna á háskólastigi,
sérstaklega á sviði viðskipta, tækni
og laga. Þannig mætti efla enn frek-
ar það fólk sem íslenskt atvinnulíf
byggir á og skapa þekkingu sem
stuðlar að verðmætasköpun. Þetta
á reyndar ekki síður við nú þegar
horfir fram á aukna menntunarþörf
atvinnulífs, aðallega á sviðum tölv-
unarfræði, upplýsingatækni, verk-
fræði og tæknifræði. Árið 2005
sameinaðist skólinn svo Tæknihá-
skóla Íslands sem þá var ríkisrekin
háskóli. HR er í dag annar stærsti
háskóli landsins með um 3.000 nem-
endur og 270 fasta starfsmenn.
Á þessum örfáu árum hefur náðst
verulegur árangur. Frá HR koma
nú árlega um 2/3 allra sem útskrif-
ast með tæknimenntun á Íslandi, um
helmingur allra viðskiptafræðinga
og um þriðjungur allra lögfræðinga.
Rannsóknarstarf hefur verið byggt
upp af miklum krafti, án þess þó að
slakað hafi verið á þeirri sérstöðu
sem HR hefur haft í gæðum kennslu
og þjónustu við nemendur. Fjöldi
birtra greina starfsmanna skólans
í ritrýndum tímaritum hefur nán-
ast tvöfaldast á síðustu fimm árum
og meðal íslenskra háskóla er HR
með flestar birtar vísindagreinar á
sviðum viðskiptafræði og tölvunar-
fræði og svipaðan fjölda og Háskóli
Íslands á sviðum verkfræði og lög-
fræði. Samhliða þessu, hefur HR
unnið ötullega að nýsköpun, bæði
í menntun og nýtingu rannsókna-
niðurstaða. Því er einnig vert að
halda til haga að tikoma HR og ann-
ara háskóla á Íslandi hefur almennt
stuðlað að betri gæðum háskóla-
starfs á Íslandi og á það ekki síst
við um Háskóla Íslands. Þessi upp-
bygging rannsókna og nýsköpunar
gegnir nú þegar mikilvægu hlut-
verki í íslensku atvinnulíf og er til
lengri tíma veigamikill þáttur end-
urreisn íslensks atvinnulífs.
Eitt meginmarkmið með mögu-
legri endurskipulagningu háskóla-
kerfis á næstu misserum hlýtur að
vera að standa vörð um árangur
síðustu ára og að áfram verði lögð
áhersla á framfarir í kennslu og öfl-
ugar rannsóknir til að standa undir
þekkingar- og verðmætasköpun.
Þessu má ná fram með ýmsu móti,
en hagkvæmni og gæði hljóta að
vera leiðarljós í þeirri þröngu stöðu
sem nú er uppi. Háskólinn í Reykja-
vík er vel í stakk búinn til að taka
að sér aukin verkefni við kennslu
og rannsóknir á sviði greina sem
helst tengjast atvinnulífinu. Það má
gera með auknu samstarfi við aðra
háskóla eða með verkaskiptingu
sem felur í sér aukna sérhæfingu í
ákveðnum námsbrautum.
Sú hugmynd sem reifuð hefur
verið af prófessorum við Háskóla
Íslands, um að HÍ taki yfir alla
kennslu annarra háskóla á Íslandi
er óraunhæf og ekki leið að ofan-
greindum markmiðum. Hún felur í
sér afturför og stefnir árangri síðust
ára í voða. Sú leið myndi ekki leiða
til betri kennslu í háskólum, ekki til
öflugri rannsókna og ekki til betri
nýtingar fjármuna. Þar af leiðandi
myndi hún ekki þjóna hag nemenda
í íslenskum háskólum, atvinnulífi
eða samfélaginu í heild. Íslenskt
atvinnulíf þarf á öflugum háskól-
um að halda þar sem horft er til for-
gangsröðunar og aukins samstarfs.
Þær greinar sem styðja við vöxt og
útflutningstekjur verður að efla en
ekki veikja. Háskólinn í Reykjavík
hefur sýnt og sannað að á þeim vett-
vangi gegnir hann veigamiklu hlut-
verki og verður til framtíðar, með
öðrum háskólum á Íslandi, horn-
steinn í kraftmikils atvinnulífs og
heilbrigðs samfélags.
Öflugt háskólastarf til framtíðar
Menntamál
Finnur
Oddsson
framkvæmdastjóri
Viðskiptaráðs Íslands
Jón Steindór
Valdimarsson
framkvæmdastjóri
Samtaka iðnaðarins
Vilhjálmur Egilsson
framkvæmdastjóri
Samtaka atvinnulífsins