Fréttablaðið - 22.05.2010, Side 63

„Segja má að mitt leynivopn sé súrt í sætt og sætt í súrt með slatta af
kærleika og fersku hráefni,“ segir Hafnfirðingurinn Sigríður Friðriks-
dóttir með heimspekilegu brosi þegar hún er innt eftir leynivopni sínu
í eldhúsinu. Hún verður að útskýra þetta nánar. „Ég set oft smá sætu,
til dæmis mango chutney, rababarasultu eða púðursykur í sterka eða
bragðmikla rétti og svo smá salt í eftirrétti og heitt súkkulaði. Þá nota
ég sítrusávexti töluvert í marineringar bæði á kjöt og fisk því þeir passa
vel með þessu. Reglan er að hafa þetta bragðefni nógu lítið þannig að það
finnist ekki en oft ýkir það einkenni réttanna og skapar keim sem fólk
er hrifið af og finnst öðruvísi en það á að venjast.“
Sigríður er eigandi Græna kaffihússins í Hellisgerði í Hafnarfirði.
Eldhúsið er ótrúlega lítið en þar getur Sigríður samt framleitt dýrindis
meðlæti með kaffinu og súkkulaðinu, auk þess sem hún ræktar krydd
til að klippa yfir grillað brauð sem hún býður upp á. Hún tekur snittu-
brauð eða baguette, sker það langsum og setur hvorn helming fyrir sig
á grillið, nuddar þá heita með hvítlauk, setur smá ólívuolíu til að væta
þá og raðar ferskum tómötum ofan á sem hún hefur marinerað aðeins
í sítrónu. Dreypir svo ólívuolíu yfir og dreifir hvítlauk, basil og fleira
kryddi ásamt mosarellaosti.
Græna kaffihúsið hefur opið um helgar frá því í desember og verður
opið daglega frá 1. júní. - gun
SÚRT OG SÆTT SAMAN
Sigríður ræktar krydd sem hún klippir yfir grillbrauð og fleira. FRÉTTABLAÐIÐ/STEFÁN
LEYNIVOPNIÐ
SVALANDI Á SUMARKVÖLDI Á fal-
legum sumarkvöldum er gott að gæða sér
á heimagerðu límonaði. Hér er uppskrift að
einu þess háttar: 1 bolli sykur, 4 til 5 bollar
kalt vatn, 4 til 6 sítrónur. Setjið sykurinn og
1 bolla af vatni í pott. Látið sjóða og hrær-
ið í. Kreistið sítrónurnar þannig að safinn
fylli einn bolla. Leyfið því næst blöndunni
að kólna og stingið henni svo inn í ísskáp
þegar hún er við stofuhita. Sigtið steinana
frá en skiljið aldinkjötið eftir. Þeytið svo
kældu blönduna, sítrónusafann og
seinni 3 til 4 vatnsbollana saman
og berið fram með klökum.
GRILLAÐ SAMAN Holugrill getur verið skemmtileg afþrey-
ing fyrir alla fjölskylduna. Í upphafi þarf að grafa holu og safna
grjóti og spýtum til að nota við matreiðsluna.
Grjótið er sett í botn holunnar svo lofti um kolin
sem sett eru ofan á. Því næst er kveikt í kol-
unum. Matnum er pakkað inn í smjörpappír
og utan um er svo vafinn álpappír. Þegar kolin
hafa gránað er maturinn settur ofan í holuna og
grjót, spýtur og torf sett yfir. Snúa þarf kjötinu á
eldunartímanum.
GRILLAÐUR FISKUR Þegar fiskur með roði
er grillaður er sniðugt að byrja á því að snúa
roðhliðinni upp því hún heldur fiskinum saman
þegar honum er snúið við.
margt smátt
VILDARÁSKRIFT AÐ STÖÐ 2 INNIHELDUR: AUK STIGVAXANDI AFSLÁTTAR. 515 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
sunnudag, kl.20.00
haukar – fh
PEPSIMÖRKIN
Næsti þáttur er á sunnudag kl. 22:00
Eftir hverja umferð fara Magnús Gylfa og Tómas Ingi yfir
alla leikina í Pepsideildinni og kryfja þá til mergjar.
mánudag, kl.20.00
grindavík – keflavík
fimmtudag, kl.20.00
stjarnan – kr