Fréttablaðið - 22.05.2010, Qupperneq 76

44 22. maí 2010 LAUGARDAGUR
menning@frettabladid.is
> Ekki missa af …
Áttatíu stúlkur úr Stúlknakór
Reykjavíkur og Stúlknakór
Hamborgar syngja í hátíð-
armessu í Hallgrímskirkju á
hvítasunnudag kl. 11.00. Eftir
messuna flytur gestakórinn
trúarleg lög í kirkjunni. Stúlk-
urnar frá Hamborg hafa oft
unnið til verðlauna fyrir söng
sinn og eru hér á landi í einnar
viku tónleikaferð. Stúlknakór
Reykjavíkur hefur haft nóg
fyrir stafni að undanförnu
og dagana 4. til 6. júní halda
46 stelpur í tónleikaferð um
Norðurland.
Listahátíð í Reykjavík leiðir í dag og á morgun
saman myndlistarmenn og tónlistarmenn á
Vinnustofutónleikum þar sem myndlistarmenn
opna vinnustofur sínar fyrir tónleikum. Alls er
um tólf tónleika að ræða sem hefjast á klukku-
tíma fresti um alla borg.
Fjölbreytt flóra tónlistarmanna leikur á
tónleikunum og eins eru vinnustofur myndlistar-
mannanna sem hýsa tónleikana ólíkar. Óhætt er
að segja að þarna sé á ferðinni einstök tónleika-
röð jafnt fyrir tónlistar- og myndlistaráhugafólk
þar sem til verður samtal milli ólíkra listgreina,
listamanna og áhorfenda. Meðal myndlistar-
manna sem bjóða gestum inn á vinnustofur
sínar eru Gjörningaklúbburinn, Haraldur Jónsson,
Kristín Gunnlaugsdóttir, Davíð Örn Halldórsson
og Magnús Pálsson og meðal tónlistarfólks
eru Óskar Guðjónsson, Laufey Sigurðardóttir,
Elísabet Waage, Anna Guðný Guðmundsdóttir,
Freyja Gunnlaugsdóttir, Hanna Dóra Sturludóttir,
Kristinn Árnason, Sigríður Thorlacius, Þóra Ein-
arsdóttir, Nýlókórinn og margir fleiri.
Tólf tónleikar víða um borgina
ANNA OG KRISTÍN Anna Guðný Guðmundsdóttir og
Kristín Gunnlaugsdóttir taka þátt í verkefninu.
Gengið um Nesstofu kl. 12
Kl. 12 í dag gengur Anna Þorbjörg Þor-
grímsdóttir sagnfræðingur með gestum
um Nesstofu og fjallar um sögu hússins
og segir frá búsetu landlækna og lyfsala í
Nesi. Einnig verður sagt frá hugmyndum
um uppbyggingu safnasvæðis Seltirninga
í Nesi og staldrað verður við á sýningunni
Saga og framtíð sem nú stendur yfir í Nes-
stofu. Þar er gerð grein fyrir helstu nið-
urstöðum fjölmargra fornleifarannsókna
sem hafa farið fram á vestursvæðum Sel-
tjarnarness og varpað ljósi á búsetu í Nesi
frá landnámi og fram á 20. öld.
Samningar hafa náðst við þýska
útgáfurisann Rowohlt um útgáfu
á Góða elskhuganum eftir rithöf-
undinn Steinunni Sigurðardótt-
ur. Rowohlt er ein glæsilegasta
útgáfa Þýskalands og gefur út
höfunda á borð við Paul Auster,
Philip Roth, José Saramago og
Toni Morrison. Rowohlt gaf síð-
ast út skáldsöguna Sólskinshest
eftir Steinunni, sem hefur hlotið
góðar undirtektir. Steinunn hefur
fylgt bókinni eftir með upplestr-
um um þvert og endilangt Þýska-
land. Góði elskhuginn kom út
hjá Bjarti síðasta haust og er nú
fáanleg í kilju.
Elskhuginn
til Þýskalands
STEINUNN SIGURÐARDÓTTIR Bók Stein-
unnar, Góði elskhuginn, verður gefin út í
Þýskalandi á vegum Rowohlt.
FRÉTTABLAÐIÐ/VILHELM
Dansverkið Bræður verð-
ur sýnt á Listahátíð í
Reykjavík dagana 27. og
28. maí. Gunnlaugur Egils-
son fer með hlutverk eins
bræðranna og hlakkar
mikið til sýninganna.
Æfingar fyrir Bræður hófust
fyrir tveimur mánuðum en und-
anfarinn mánuð hafa þær orðið
þéttari.
Höfundar verksins, sem verð-
ur frumsýnt í Þjóðleikhúsinu á
fimmtudaginn, eru fimm konur en
karlmenn eru í helstu hlutverkum.
Helstu höfundar eru þær Ástrós
Gunnarsdóttir, Lára Stefánsdótt-
ir og Hrafnhildur Hagalín. Þær
sömdu einmitt dansverkið Systur,
sem var sýnt við góðan orðstír í
Iðnó og Leikfélagi Akureyrar.
„Þetta er skemmtileg upplifun.
Það eru bara konur í listrænni
stjórnun, sem er nýtt fyrir mig.
Ég hef aldrei upplifað það áður
í þessum karllæga heimi,“ segir
Gunnlaugur, sem er dansari við
Konunglega ballettinn í Stokk-
hólmi. „Þetta verk er skemmtileg
nálgun á því hvernig konur upp-
lifa karlmenn.“
Alls taka þrettán karlmenn þátt
í sýningunni, þar á meðal Jorma
Uotinen frá Finnlandi og Vinici-
us frá Brasilíu. „Þeir komu fyrir
nokkrum dögum og það hefur
verið svolítil vinna að koma þeim
inn í þetta en þetta er allt að ger-
ast,“ segir Gunnlaugur. Nokkrir
drengir úr Listdansskóla Íslands
eru einnig á meðal þátttakenda.
„Mér finnst viss hluti af þessu
dansverki vera svolítill óður til
klámkynslóðarinnar. Þetta er
kannski sýn þessara drengja á
hvernig karlar eiga að vera,“ segir
Gunnlaugur. Tvær konur taka
einnig þátt í sýningunni, eða höf-
undarnir Ástrós og Lára. Filippía
Elísdóttir hannar útlit og búninga
í verkinu og Ragnhildur Gísladótt-
ir semur tónlist og hljóðmynd.
Gunnlaugur fer aftur til Svíþjóð-
ar í ágúst eftir að hafa verið í
leyfi frá Konunglega ballettinum.
„Það er búið að vera fínt að vera á
Íslandi í smá stund og taka þátt í
þessu verkefni,“ segir hann.
freyr@frettabladid.is
Konur stjórna 13 bræðrum
BRÆÐUR Dansverkið Bræður verður frumsýnt í Þjóðleikhúsinu fimmtudaginn 27.
maí. Gunnlaugur fer með eitt af helstu hlutverkunum. FRÉTTABLAÐIÐ/VALLI