Fréttablaðið - 22.05.2010, Síða 94

62 22. maí 2010 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT
2. smæl, 6. frá, 8. kraftur, 9. nögl, 11.
voði, 12. glæsibíll, 14. gleði, 16. 950,
17. útsæði, 18. drulla, 20. stöðug
hreyfing, 21. könnun.
LÓÐRÉTT
1. innsigli, 3. guð, 4. stormur, 5. berja,
7. hraðstreymi, 10. hætta, 13. útdeildi,
15. fræ, 16. gums, 19. kyrrð.
LAUSN
LÁRÉTT: 2. bros, 6. af, 8. afl, 9. kló,
11. vá, 12. kaggi, 14. unaðs, 16. lm,
17. fræ, 18. aur, 20. ið, 21. próf.
LÓÐRÉTT: 1. lakk, 3. ra, 4. ofviðri, 5.
slá, 7. flaumur, 10. ógn, 13. gaf, 15.
sæði, 16. lap, 19. ró.
VEISTU SVARIÐ
Svör við spurningum á síðu 8.
1 Á Seyðisfirði.
2 Kjartan Henry Finnbogason.
3 Ásdís Rósa Ásgeirsdóttir.
„Þetta er afturför,“ segir Bjarni
Felixson, sem er hættur að lýsa
leikjum úr íslenska fótboltanum á
Rás 2. „Íþróttir og íþróttalýsing-
ar virðast vera algjörlega á und-
anhaldi í útvarpinu og meira að
segja í fréttum líka, því miður,“
segir Bjarni.
42 ár eru liðin síðan Bjarni byrj-
aði að lýsa enska boltanum í Sjón-
varpinu og síðan þá hefur hann
lýst hinum ýmsum íþróttaviðburð-
um, þar á meðal íslenska boltanum
á sumrin. En núna er rödd Bjarna
þögnuð á RÚV og hljóta það að
teljast viss vatnaskil í íslenskri
íþrótta- og fjölmiðlasögu. Hann
viðurkennir að þetta séu viðbrigði
fyrir sig eftir öll þessi ár og hefði
sjálfur viljað halda áfram að lýsa
leikjum fyrir Íslendinga vítt og
breitt um landið.
Bjarni er þó ekki alveg af baki
dottinn því KR-útvarpið hefur fal-
ast eftir kröftum hans. „Þeir töl-
uðu við mig í vor og ég lofaði að
þegar ég myndi hætta myndi ég
sennilega hjálpa þeim eitthvað. Ég
verð að efna það,“ segir hann. Svo
gæti einnig farið að Bjarni lýsti
einum leik fyrir Selfoss-útvarp-
ið en sonur hans Gísli Felix býr
á Selfossi. „Sonur minn nefndi
það við mig en ég veit ekki hversu
mikil alvara er í því. Það getur vel
verið að ég taki Selfoss-KR í Sel-
foss-útvarpinu ef Guð lofar. Bæði
Selfyssingar og KR-ingar hafa
allavega manndóm í að halda úti
svona lýsingum.“
En hvernig líst „Rauða ljóninu“
á sína menn í KR í sumar? „Illa.
Mér leist vel á þá í deildarbikarn-
um. Ég sá þá vinna FH en skildi
svo ekkert í því að þeir skyldu ekki
vinna Hauka. Ég skil það ekki enn.
En við sjáum til, þetta er rétt að
byrja.“ freyr@frettabladid.is
BJARNI FELIXSON: RAUÐA LJÓNIÐ FÆRIR SIG UM SET
Snýr sér að KR-útvarpinu
eftir 42 ára starf hjá RÚV
BJARNI FELIXSON Bjarni ásamt Álfheiði Gísladóttur, konu sinni, á 110 ára afmæli KR. Hann er hættur að lýsa íslenska boltanum á
Rás 2 og ætlar þess í stað að lýsa fyrir KR-útvarpið. FRÉTTABLAÐIÐ/VILHELM
Fyrsta golfmót félags-
manna í Bandalagi
íslenskra listamanna
fer fram á sunnu-
daginn. Skrán-
ingin er nokkuð
góð þótt
hæfileikarnir
séu misjafnir
eins og skráð
forgjöf gefur til
kynna. Þannig
eru Ólafía Hrönn Jónsdóttir,
leikkonan snjalla, skráð með
36 í forgjöf og Hjálmtýr Heiðdal
heimildarmyndagerðarmaður
með 20,1.
Sálarfélagarnir Stefán
Hilmarsson og
Friðrik Sturluson
eru einnig skráðir
á mótið sem fer
fram á Nesvellinum
og hefst klukkan níu
að morgni. Stefán
hefur löngum
þótt lunkinn
golfari og
er skráð-
ur með
15,3
í forgjöf. Friðrik stendur honum
hins vegar ögn að baki, hann er
með 28,3. Hins vegar er ekki vitað
um neinn golfáhuga hjá öðrum
meðlimum Sálarinnar.
Sá sem er hins vegar með bestu
forgjöfina í flokki leikara er Gunn-
ar Hansson. Hann er skráður
með átta í forgjöf. Þetta kemur
kannski ekki mörgum á óvart
enda lék Gunnar í auglýsingum
fyrir GSÍ fyrir nokkrum árum þar
sem hann fór yfir vallarreglur og
annað tengt þessari vin-
sælu íþrótt. Gunnar
mun eflaust heyja
harða baráttu í
höggleiknum við
annan þjóðþekkta
leikara, nefnilega
Arnar Jónsson
en sá er með
9,9 í forgjöf.
- fgg
FRÉTTIR AF FÓLKI
Ásdís Rósa Ásgeirsdóttir
Aldur: 37 ára.
Starf: Útvarpskona og FM-hnakki.
Fjölskylda: Einstæð með þrjú
börn. Þau heita: Brynjar Logi, 7 ára,
Arnar Már, 12 ára, og Ásgeir Eðvarð
14 ára.
Foreldrar: Hjördís Sigurðardóttir
og Ásgeir Hjörleifsson.
Búseta: Í Fossvoginum í Reykjavík.
Stjörnumerki: Fiskur.
Ásdís er nýjasti liðsmaðurinn í morgun-
þætti Svala á FM 957
„Þetta hlýtur að vera toppurinn á tilverunni, að vera
í mynd með Matt Damon sem sýnd er í Cannes,“
segir rithöfundurinn Andri Snær Magnason. Hann
er hluti af viðmælendateymi heimildarmyndarinn-
ar Inside Job eftir Charles Ferguson sem vakið hefur
mikla athygli á kvikmyndahátíðinni í Cannes. Mynd-
in fjallar um það mikla fjármálahrun sem átti sér
stað með falli bandarísku bankanna árið 2008. Þulur
myndarinnar er áðurnefndur Damon, stórstjarna frá
Hollywood, en meðal annarra sem Ferguson ræddi
við og birtast í myndinni eru Eliot Spitzer, fyrrver-
andi borgarstjóri New York, George Soros, valda-
mikill ungverskur fjárfestir og Dominique Strauss-
Kahn, forstjóri AGS auk Gylfa Zoëga hagfræðings.
Andri segist ekki geta ímyndað sér, miðað við alla
þá miklu höfðingja sem teknir eru tali í myndinni,
að hann sé mikið í mynd. „Kannski þrjátíu sekúndur.
Ekki meira. Ég var bara beðinn um að lýsa því hvað
gerðist á Íslandi og gerði það. Ég fékk aldrei að sjá
hvernig þetta leit út, veit raunar ekkert hvað ég segi
í þessari mynd.“ Eftir því sem erlendir fréttamiðlar
greina frá byrjar myndin á Íslandi en færir sig síðan
vestur um haf. Andri segir jafnframt að leik-
stjórinn hafi fest kaup á nokkrum þyrlu-
skotum af Íslandi sem notuð voru í heim-
ildarmyndinni Draumalandið. - fgg
Andri í umdeildri heimildarmynd
MERKILEGUR HÓPUR Andri Snær
Magnason rithöfundur og Gylfi
Zoëga eru í ansi merkilegum hópi
í heimildarmyndinni Inside Job
eftir Charles Ferguson sem
slegið hefur í gegn á kvik-
myndahátíðinni í Cannes.
„Ég skulda kroppnum örugglega fimmtíu tíma
af svefni, hef líklega sofið í mesta lagi þrjá
tíma á dag að undanförnu,“ segir kaffihúsaeig-
andinn Friðrik Weisshappel í Kaupmannahöfn.
Eins og Fréttablaðið greindi frá leikur stað-
ur Friðriks, Laundromat, stórt hlutverk í nýj-
ustu sjónvarpsþáttaröð danska ríkissjónvarps-
ins, Lykke. Ein af persónum þáttarins vinnur
á staðnum og tökulið þáttarins hertók staðinn
í vikunni. Lykke er framleitt af sömu aðilum
og er ábyrgt fyrir smellum á borð við Örninn
og Forbrydelsen en þátturinn á að vera næsti
smellur danska ríkissjónvarpsins
Tökuliðið var að störfum í þrjá daga og
Friðrik segist kannski hafa ætlað sér einum
of mikið til að hafa hann sem flottastan fyrir
sjónvarpið. „Ég fór í endurbætur sem áttu að
taka sex mánuði en gerði þær á einni viku,“
segir Friðrik og viðurkennir að hann sé
voðalega glaður að tökunum sé lokið. „En
þetta gekk allt saman vel og var alveg
rosalega skemmtilegt og það er fyrir
mestu,“ en Laundromat mun sjást vel í
fyrstu fjórum þáttunum. „Síðan eru á dag-
skrá fleiri upptökur í júní eða júlí og
það er bara skemmtilegt. En núna
er gott að þetta er yfirstaðið.“ - fgg
Friðrik Weisshappel að þrotum kominn
ERFITT EN GAMAN Friðrik Weisshappel
er alveg uppgefinn eftir heimsókn
tökuliðs danska sjónvarpsþáttarins
Lykke sem hertók Laundromat í
vikunni. Fleiri tökur eru á dagskrá í
júní og júlí.
Hringdu í síma
ef blaðið berst ekki