Fréttablaðið - 28.05.2010, Blaðsíða 21

FÖSTUDAGUR 28. maí 2010 21
Víða um heim er vatnsöflun eitt mikilvægasta viðfangsefni
stjórnvalda og deilur rísa milli
samfélaga vegna átaka um vatn.
Íbúar höfuðborgarsvæðisins eru
svo lánsamir að hafa aðgang að
hreinu og góðu vatni, en það er
mikilvægt að við gerum okkur
grein fyrir þeirri ábyrgð sem á
okkur hvílir varðandi verndun
grunnvatns og neysluvatnsbirgða
höfuðborgarbúa.
Vatnsverndarsvæði höfuðborg-
arsvæðisins stafar sífellt meiri
hætta af byggðinni sem þreng-
ir stöðugt meir að. Það virðist
skorta nokkuð á það að stjórn-
völdum í Reykjavík og nágranna-
byggðum sé ljós sú ábyrgð sem á
þeim hvílir við verndun þessar-
ar mikilvægu auðlindar. Nokk-
uð hefur verið sneitt af vatns-
verndarsvæðinu á undanförnum
árum með breytingum á skipu-
lagi sveitarfélaganna á höfuð-
borgarsvæðinu. M.a. hafa sveit-
arstjórnir í Garðabæ og Kópavogi
breytt skipulagi og þrengt að
vatnsverndarsvæðinu. Íbúabyggð
hefur einnig færst nær verndar-
svæðinu og eru frekari skerðing-
ar á því svæði fyrirhugaðar, svo
sem í tillögu að breyttu skipulagi
í umdæmi Kópavogs. En það er
fleira sem ber að varast.
Veigamikil áætlun um lagn-
ingu Suðvesturlínu yfir vatns-
verndarsvæðið hefur valdið deil-
um meðal annars vegna hættu
sem felast í línulögninni, bæði á
framkvæmdatíma við uppsetn-
ingu hennar en einnig vegna
mögulegrar mengunarhættu sem
stafað getur af línumöstrunum og
vegna umferðar. Umhverfis- og
samgöngusvið Reykjavíkurborg-
ar hefur tekið það fram í umsögn
sinni um mat á umhverfisáhrif-
um vegna Suðvesturlína, að fram-
kvæmd vatnsverndar geti farið í
uppnám vegna framkvæmdanna.
Framkvæmdir við Suðvesturlínur
geta að mati sviðsins haft áhrif á
vatnsból þrátt fyrir öryggiskröf-
ur og mótvægisaðgerðir. Stórauk-
in umferð vinnutækja getur leitt
til ófyrirséðra mengunaróhappa
sem gætu mengað vatnsból. Þá
skapa framkvæmdir og rask vip
uppbyggingu og þjónustu við
háspennulínur svo nærri vatns-
bólum, óhjákvæmilega hættu
fyrir öryggi vatnsöflunar.
Sú hætta er raunverulega fyrir
hendi ef óvarlega er farið að
neysluvatn höfuðborgarsvæðis-
ins spillist. Það er okkar skylda
að tryggja að meiri hagsmunum
vatnsverndar sé ekki fórnað fyrir
minni hagsmuni línulagnar. Vatn-
ið er okkar auðlind, okkar sam-
eign og okkar lífsnauðsyn. Engir
hagsmunir geta verið svo mikil-
vægir að þeir réttlæti minnstu
hættu á mengun eða skemmdum á
vatnsbólunum okkar. Við undirrit-
aðar munum héreftir sem hingað
til vera vakandi fyrir þeim hætt-
um sem að vatnsbólunum steðjar
og vernda þau undir öllum kring-
umstæðum.
Stöndum vörð um vatnsverndarsvæðin
Sveitastjórnarkosningar
Sóley
Tómasdóttir
oddviti Vinstri grænna í
Reykjavík
Svandís
Svavarsdóttir
umhverfisráðherra
Að missa vinnuna til lengri tíma er dauðans alvara. Að
missa húsnæði ofan af fjölskyld-
unni er líka dauðans alvara. Að
reka grunnskóla, orkuveitu, vel-
ferðarþjónustu og samgöngu-
kerfi er alvörumál. Að ráðstafa
miklum skattpeningum almenn-
ings er mikið ábyrgðar- og
alvörumál.
Við Íslendingar súpum nú
seyðið af því að hafa látið rót-
tæka frjálshyggjumenn leiða
samfélagið í þrot. Frjálshyggju-
menn höfðu oftrú á markaði,
auðmönnum og bröskurum og
leyfðu þeim að ræna samfélagið.
Í krafti afskiptaleysisstefnu
frjálshyggjunnar stigu stjórn-
málamenn til hliðar og gerðust
áhorfendur þegar auðmenn sugu
fé út úr bönkum og fyrirtækjum
og skildu eftir fjallháar skuldir
hvert sem litið er. Samfélagið
þarf nú að takast á við það.
Þessi skelfilega framvinda
sem varð frá um 1998 til 2008
á að vera okkur öllum alvöru
lexía. Við þurfum að bregðast
við af festu. Efla lýðræðið og
stjórnsýsluna, en hemja markað-
inn og auðmennina. Stjórnmál
þurfa að vera þess megnug að
verja hag almennings gegn sér-
hagsmunum gráðugra braskara.
Ríkisstjórnin sem nú situr hefur
sett sér að sækja fyrirmyndir til
norrænu velferðarríkjanna. Það
er gott því þar er að finna far-
sælustu samfélög jarðarinnar.
Ríkisstjórnin er reyndar að ná
mikilvægum árangri við endur-
reisnina, þrátt fyrir óvenju erf-
iðar aðstæður og mikið mótlæti.
Borgaryfirvöld hafa líka stórt
hlutverk í endurreisninni. Þótt
stjórnmál frjálshyggjunnar í
Sjálfstæðisflokknum hafi brugð-
ist með skelfilegum afleiðing-
um eigum við ekki að afneita
lýðræðinu. Við eigum að bæta
það. Stefna því í rétta átt. Saga
20. aldarinnar kennir okkur að
jafnaðarmenn hafa haft bestu
stefnuna til að vinna bug á djúp-
um kreppum. Það var reyndin
í kreppunni miklu á 4. áratugn-
um, bæði hjá norrænu þjóðun-
um og á stjórnartíma Roosevelt
forseta í Bandaríkjunum. Svo
er enn. Við Reykvíkingar eigum
nú að kjósa heiðarlega fulltrúa
slíkra sjónarmiða í Samfylk-
ingu, VG eða Framsóknarflokki.
Við eigum að forðast frjáls-
hyggjufólk og ábyrgðarlausa
grínara sem mæla glottandi með
kókaínneyslu. Þetta er alvöru-
mál. Lýðræðið á að efla en ekki
gera það hlægilegra en varð á
frjálshyggjutímanum. Vettvang-
ur grínaranna er bestur annars
staðar.
Leiðin úr
kreppunni
Sveitarstjórnarkosningar
Stefán
Ólafsson
kjósandi í Reykjavík
Munið vinsælu gjafabréfin okkar
V r
r
Úrval af stórum og litlum
byssuskápum á góðu verði. 
15% afsláttur af öllum byssuskápum.
Skotvopnin í örugga
geymslu fyrir sumarfríið
Buffalo River
verðmætahólf
Tilboð
aðeins 9.995
Nikko Stirling nætursjónauki –
Sést vel í svarta myrkri á 60 til
70 metrum. Kynningarverð
aðeins 41.995.
Nikko Stirling
fjarlægðarmælir.
Við höfum ekki séð
betra verð.
Kynningartilboð
aðeins 23.995.
Nikko stirling myndavél með hreyfi-
skynjara. Tekur kyrr- og lifandi myndir.
Einnig í myrkri. Tilvalið fyrir skotveiði-
menn en einnig sem öryggismyndavél
heima eða í sumarbústaðinn.
Kynningarverð aðeins 43.995.