Fréttablaðið - 28.05.2010, Blaðsíða 36

4 •
The National fer ekki nýjar
leiðir á High Violet. Platan er
rökrétt framhald Boxer-plötunnar
frá 2007, en bætir þó heilmiklu
við. Hljómsveitin fer lengra með
hljóminn sem var fagurmótaður á
síðustu plötu og tekst frábærlega
upp. Lögin eru myrk og drunga-
leg en á sama tíma taktföst og
þung. Söngvarinn Matt Berninger
er vafalaust einn magnaðasti
söngvari tónlistarheimsins í dag
og stendur sig frábærlega á High
Violet. Hann á stóran þátt í mögn-
uðu andrúmslofti sem hljómsveit-
inni tekst að skapa í lögum á borð
við Anyone‘s Ghost, Afraid of
Everyone og Bloodbuzz Ohio.
Það er reyndar afar erfitt að
telja upp sérstök lög því platan
nýtur sín langbest sem heild. Það
er stóri munurinn á High Violet
og Boxer. High Violet er nánast
smellalaus plata, þó að Blood-
buzz Ohio njóti sín vel í útvarpi.
Á Boxer voru lög eins og Fake
Empire og Mistaken for Strangers
sem virkuðu betur ein og sér en
lög nýju plötunnar.
High Violet er stórkostleg plata
sem mun auka hróður The Nation-
al enn frekar. Notkun hljómsveit-
arinnar á blásturshljóðfærum og
öðrum hljóðum er afar smekkleg
og ég legg til að fólk kaupi þessa,
slökkvi ljósin og njóti. - afb
TVÍFARAR
FORTÍÐAR-50 CENT
Massaður og tilbúinn að
taka fimm skot í bring-
una án þess að taka
eftir því.
NÚTÍÐAR-50
CENT Þvengmjór –
vöðvarnir á bak og
burt. Búinn að grenna
sig fyrir kvikmynda-
hlutverk.
POPPPLATA: HNÖKRALAUS PLATA NATIONAL
STÓRKOSTLEG HEILD
THE NATIONAL
HIGH VIOLET
Dánlódaðu: Bloodbuzz Ohio,
Anyone‘s Ghost.
„Allar upptökurnar glötuðust,“
segir Aggi Friðbertsson.
Hafnfirska hljómsveitin Ten
Steps Away hefur sent frá sér
EP-plötu sem er frumburður
hljómsveitarinnar. Upptökurnar
gengu ekki þrautalaust fyrir sig
því þegar búið var að taka upp öll
lögin hrundi tölvan sem geymdi
efnið og öll lögin skoluðust niður
í klósettið. Hljómsveitin lét það
ekki stöðva sig og byrjaði upp á
nýtt, tók öll lögin upp á viku og
hefur nú sent frá sér plötuna.
Aggi fékk hjálp frá Ragnari
Sólberg í Svíþjóð. „Það var algjör
snilld,“ segir hann um samstarfið.
„Við höfum unnið saman áður
þannig að okkur fannst tilvalið
að fá hann til að taka upp með
okkur.“ Ragnar býr í Hudiksvall
í Svíþjóð þar sem hann hefur
komið sér upp litlu hljóðveri
heima hjá sér.
Ýmislegt er á döfinni hjá Ten
Steps Away, en hljómsveitin
stefnir á mikið tónleikahald í
sumar. „Við ætlum í kringum
landið í júlí. Taka nokkra vel valda
staði,“ segir Aggi. Svo hyggst
hljómsveitin fara í hljóðver með
engum öðrum en Barða Jóhanns-
syni og er stefnan sett á að taka
upp breiðskífu.
Ten Steps Away verður með
hlustunarpartí á Hansen í Hafnar-
firði næsta fimmtudag. Frítt er inn
og platan á tilboði.
UPPTÖKURNAR Í KLÓSETTIÐ
TEN STEPS AWAY Svona fer
maður ekki með bjórinn.