Fréttablaðið - 28.05.2010, Blaðsíða 60

28 28. maí 2010 FÖSTUDAGUR
Y-listi Kópavogsbúa býður fram fólk sem vill siðbót í
stjórnsýslu Kópavogs og það ekki
að ástæðulausu. Síðustu ár hafa
einkennst af neikvæðum frétt-
um úr Kópavogi eins og neðan-
greind mál vísa til. Bæjarstjórinn
Gunnar Birgisson þurfti að segja
af sér í kjölfar þess að bærinn
átti í umdeildum viðskiptum við
fyrirtæki í eigu dóttur hans upp
á um 40 milljónir. Verk Gunnars
sem stjórnarformanns í Lífeyris-
sjóði starfsmanna Kópavogsbæjar
hafa einnig sætt rannsókn vegna
meintra brota í rekstri sjóðsins en
í stjórn hans sátu einnig formað-
ur bæjarráðs Ómar Stefánsson
og Samfylkingarmennirnir Flosi
Eiríksson og Jón Júlíusson. Hesta-
mannasvæði Gusts stendur eftir í
óleystri stöðu þar sem milljarð-
ar króna voru notaðir í viðskipt-
um bæjarins um land sem enginn
veit hvernig á að nýta úr því sem
komið er. Nú eru uppi deilur milli
fyrrverandi landeiganda í Vatns-
enda og Kópavogsbæjar sem hefur
þegar greitt landeigandanum 8
milljarða en bærinn má eiga von
á kröfu upp á 14 milljarða í viðbót
fyrir land sem er lítils virði í dag.
Nýlega þurfti bærinn að taka yfir
rekstur á íþróttamannvirkjum í
Kórnum upp á 1.600 milljónir af
Knattspyrnuakademíunni sem sá
ekki fyrir endann á fyrirhuguðum
framkvæmdum á því svæði.
Í kjölfarið á stóraukinni skulda-
stöðu Kópavogsbæjar hefur þurft
að skera niður í þjónustu bæjarins.
Mikið hefur verið rætt og skrifað
um lokanir í sundlaugunum og
hver höndin var upp á móti annarri
í Sjálfstæðisflokknum þegar eldri
borgarar þurftu að fara að borga
sjálfir fyrir sundferðirnar og
þegar árshátíð starfsmanna bæjar-
ins var tekin af nú í vetur. Það sem
verst er í þessum niðurskurði er
síðan það sem minna er talað um
í fréttum en það er kerfisbundinn
niðurskurður í lögbundinni starf-
semi eins og til dæmis grunnskól-
um bæjarins.
Góðu fréttirnar eru hins vegar
þær að nú er tækifæri til að
hreinsa til í stjórn bæjarins. Bæj-
arfélag með ríflega 30.000 íbúa á
að vera leiðandi og til fyrirmyndar
í rekstri og þjónustu við almenn-
ing. Fólk sem hefur kosið að setjast
að í Kópavogi hefur engan hag af
því að láta ráðskast með sameig-
inlega sjóði þannig að fjármálum
bæjarins sé stefnt í voða. Fyrst og
fremst þurfum við að geta treyst
á góða grunnþjónustu fyrir íbúa
bæjarins. Stjórnun bæjarins á
ekki að lúta sérhagsmunum gömlu
flokkanna hvorki til vinstri eða
hægri og einstaklinga sem þeim
eru tengdir.
Y listinn vill siðbót í stjórn-
sýslu og henni getum við náð með
áherslu á siðareglur bæjarins, fag-
legum bæjarstjóra, bæjarfulltrú-
um sem sitja aldrei lengur en í tvö
kjörtímabil, aukinni skilvirkni í
nefndum og árlegum hverfafund-
um í öllum grunnskólum bæjarins.
Leiðin til að ná þessum markmið-
um er að gefa gömlu flokkunum frí
til að hugsa sinn gang næstu fjög-
ur árin. Við viljum fá góðar fréttir
úr Kópavogi í framtíðinni.
Góðar fréttir úr Kópavogi
Ein af þeim greinum sem kennd er við fleiri en einn háskóla á
Íslandi er tölvunarfræði. Eins
og þekkt er, hefur upplýsinga-
tækniiðnaður þróast upp í að vera
umtalsverður hluti atvinnulífsins
á Íslandi. Mörg af okkar sterkustu
útflutningsfyrirtækjum byggja
afurðir sínar að stórum hluta á
tölvutækni. Þá hafa mörg sprota-
fyrirtæki orðið til á undanförn-
um árum, til dæmis í tölvuleikja-
iðnaði, sem efla útflutningstekjur
landsins.
Undirstaða slíks vaxtar er
stöðugur straumur af starfsfólki
út á atvinnumarkaðinn úr skól-
um landsins. Á þeim rúma ára-
tug sem liðinn er frá því að tölv-
unarfræðideild HR tók til starfa,
hefur hún orðið langstærsta tölv-
unarfræðideild landsins. Á árun-
um 2001-2008 útskrifaði HR alls
516 einstaklinga með B.Sc. gráðu
í tölvunarfræði, eða rúmlega 70%
allra útskrifaðra tölvunarfræð-
inga. Árið 2008 útskrifaði HR,
svo dæmi sé tekið, 5 af hverjum 6
tölvunarfræðingum. Það má því
spyrja sig: Hvar væri upplýsinga-
tækniiðnaðurinn á Íslandi stadd-
ur án HR?
En það er ekki nóg með það að
deildin sé sú stærsta á Íslandi og
útskrifi flesta nemendur. Í viður-
kenningarskýrslu um doktorsnám
deildarinnar frá 2008 segir nefnd
erlendra sérfræðinga að deildin
sé sterkasta tölvunarfræðideild
Íslands (s. 6) og að rannsókn-
ir deildarinnar standa jafnfætis
því sem gerist í „cutting-edge“
stofnunum á heimsvísu (s. 15).
Sem dæmi um þennan styrk má
nefna að vísindamenn deildarinn-
ar rituðu meira en 80% af þeim
íslensku vísindagreinum á sviði
tölvunarfræði sem birtust í ISI
tímaritum á árunum 2007-2009.
Það þarf ekki að fjölyrða um það
að sú þekkingarsköpun sem verð-
ur til í rannsóknarstarfi er lykilat-
riði í nýsköpunarstarfi og stofnun
sprotafyrirtækja, og því er alger-
lega nauðsynlegt að hafa a.m.k.
eina sterka rannsóknardeild í
tölvunarfræði á Íslandi.
Það sem er samt allra best, er
að tölvunarfræðideild HR hefur
náð þessum árangri þrátt fyrir
að hafa úr minna fé að spila á
hvern nemanda heldur en helstu
samkeppnisaðilar, þar sem heild-
arframlag á hvern nemanda frá
ríkinu til rannsókna og kennslu er
minna til HR en samkeppnisaðila.
Þannig að í HR er hver útskrif-
aður nemandi í tölvunarfræði,
og hver vísindagrein, ódýrari en
annars staðar í íslenska háskóla-
kerfinu.
Það að sumir starfsmenn ann-
arra háskóla skuli telja sig geta
tekið yfir þetta mikla starf, gert
það betur, og sparað í leiðinni –
eins og kom fram á forsíðu Frétta-
blaðsins síðasta föstudag – er
auðvitað bara „djók“. Við vitum
hvernig staðan var þegar HR var
stofnaður og við vitum hvernig
hún er núna, og það er auðvelt að
sjá mikilvægi HR út frá mismun-
inum. Allar vangaveltur um breyt-
ingar á háskólakerfinu þurfa að
taka tillit til þeirra gæða sem þar
eru fyrir, þannig að uppbyggingu
síðasta áratugar sé ekki fórnað í
bráðræði. Háskólakerfið á Íslandi
þarf að endast miklu lengur en
efnahagskreppan.
En ef það á aðeins að vera ein
tölvunarfræðideild á Íslandi, þá
tala tölurnar skýru máli: hún á
auðvitað að vera við HR.
H? tekur yfir tölvunar-
fræðideild HR—DJÓÓÓK!
Nýútkomin skýrsla rannsókn-arnefndar Alþingis staðfestir
að einsleitni var sérstaklega mikil
í forystusveit íslensks atvinnulífs
undanfarin ár. Ungir, menntað-
ir og oft reynslulitlir karlmenn
fóru með völd og mikla fjármuni.
Á meðan horfðu stjórnmála- og
embættismenn aðgerðalitlir á.
Markmiðadrifin hugsun, áhættu-
sækni og vanmat á aðstæðum kom
þjóðinni í mestu fjármálakreppu
og efnahagslægð lýðveldissög-
unnar. Varfærni og varaáætlanir
eru hverju fyrirtæki nauðsynleg-
ar og leggja þarf gagnrýnið mat á
aðstæður hverju sinni. Stjórnend-
um margra fyrirtækja og stjórn-
málamönnum bar ekki gæfa til að
sinna því verki og nú glíma lands-
menn allir við afleiðingarnar.
Áhættusækni er tvíeggjað sverð.
Þrátt fyrir skýra kröfu sam-
félagsins um „Nýtt Ísland“ með
nýjum áherslum þá birtast frétt-
ir þess efnis að enginn árang-
ur hefur náðst í því að rétta hlut
kvenna í forystu atvinnulífsins.
Viljayfirlýsing milli Samtaka
atvinnulífsins, Félags kvenna
í atvinnurekstri og Verslunar-
ráðs Íslands um að fjölga konum
í forystusveit íslensks atvinnulífs
hefur engu breytt. Þá hefur verið
ráðið í margar stöður í stjórnsýsl-
unni án auglýsinga og virðast rík-
isstjórnarflokkarnir skipta stöð-
um á milli sín. Það hefur ekkert
breyst.
Höfunda r að 8 . bi nd i
rannsóknarskýrslunnar (siðfræði-
hópur) hafa mælt með því í opin-
berri umfjöllun um skýrsluna að
við tökum öll til okkar skilaboðin
sem felast í skýrslunni og lærum
af. Eitt af því er að fela konum
ábyrgð og treysta þeim til for-
ystu á öllum sviðum samfélags-
ins. Það er nauðsynlegt að auka
fjölbreytni.
Rannsóknir hafa sýnt að fyrir-
tæki sem skipuð eru stjórnum af
báðum kynjum sýna betri afkomu
og líkur á vanskilum eru minni.
Íslenskt viðskiptalíf hefur ekki
efni á því að hafna þessum ávinn-
ingi. Í þeirri endurreisn sem fram-
undan er verður að setja ný mark-
mið og framkvæma. Skýr krafa er
um bætt siðferði og aukna siðlega
forystu í atvinnulífi, stjórnmálum
og stjórnsýslu. Fyrirtæki lands-
ins, ríki, sveitarfélög og opinber-
ar stofnanir axla samfélagslega
ábyrgð með því að hafa forgöngu
á þessu sviði. Sömu aðilar hafa öll
verkfæri til að fylgja breytingum
eftir.
Góður vilji og fræðilegar hug-
myndir er ekki nóg. Ryðjum
hindrunum úr vegi og látum verk-
in tala. Íhaldssemi, þröng hugsun
og sérhagsmunir mega ekki ráða
för. Leggjum flokkskírteini til
hliðar. Aukum jafnræði og vinn-
um af fagmennsku. Atvinnulíf-
ið er stærsti vettvangur mann-
legra samskipta í þjóðfélagi
okkar og þangað eiga konur fullt
erindi. Áherslur og stefna fyrir-
tækja verður að vera sönn í sýnd
og reynd. Það er allra hagur að
breiðari hópur veljist til forystu í
atvinnulífi og stjórnunarstörfum.
Við höfum allt að vinna og engu að
tapa. Breytum um hug og hætti.
Konur þora, geta og vilja.
Ég þori, get og vil
Sveitarstjórnarkosningar
Guðmundur Freyr
Sveinsson
frambjóðandi Y-lista
Kópavogsbúa
Háskólamál
Björn
Jónsson
starfandi deildarforseti
tölvunarfræðideildar
Háskólans í Reykjavík
Allar vangaveltur um breytingar á
háskólakerfinu þurfa að taka tillit til
þeirra gæða sem þar eru fyrir, þannig
að uppbyggingu síðasta áratugar sé
ekki fórnað í bráðræði.
Samfélagsmál
Guðrún
Árnadóttir
viðskiptafræðingur
og meistaranemi í
viðskiptasiðfræði við HÍ
Kauptu mig!
ÉG ER ÓDÝR OG BRAGÐGÓÐ
JÓGÚRT SEM KEMUR Á ÓVART