Fréttablaðið - 05.08.2010, Page 26

5. ágúst 2010 FIMMTUDAGUR
timamot@frettabladid.is
„Ég tæki þetta ekki að mér nema mér
litist vel á. Mér finnt mér sýndur mik-
ill heiður og sómi að hafa verið boðið
þetta starf og lít á það sem áskorun,“
segir kvikmyndaleikstjórinn Hilmar
Oddsson, sem hefur verið ráðinn rektor
Kvikmyndaskóla Íslands.
Hilmar leysir þar með af hólmi Böðv-
ar Bjarka Pétursson, sem hefur haldið
um stjórnartaumana í skólanum und-
anfarin ár, en Kristín Jóhannesdótt-
ir og Ásdís Thoroddsen voru starfandi
skólameistarar um tíma. „Þetta er gert
í samræmi við niðurstöðu úttektar sem
menntamála- og fjármálaráðuneytin
létu gera á starfsemi skólans í samstarfi
við eigendur hans, þar sem fram kom
að skilja þyrfti á milli stjórnar skólans
og eigendanna, eins og þeim var sjálfum
orðið ljóst. Þannig að leit hófst að manni
sem gæti tekið að sér starf rektors við
skólann, hefði reynslu af kennslu í kvik-
myndagerð og hefði starfað innan grein-
arinnar án þess að vera mjög umdeildur.
Sá maður reyndist á endanum vera ég,“
útskýrir Hilmar og hlær.
Hilmar hefur þó áður komið að starf-
semi Kvikmyndaskóla Íslands, þar
sem hann hefur kennt einstaka nám-
skeið með hléum síðastliðin fimmtán
ár. „Ég hef bæði kennt þar og við Lista-
háskóla Íslands og finnst kennslan mjög
skemmtileg, bæði er hún gefandi og svo
heldur það manni á tánum að starfa með
ungu fólki,“ segir hann og bætir bros-
andi við að staða rektors verði líklega
fyrsta launþegastarfið sem hann taki að
sér frá því hann lauk námi í leikstjórn
árið 1985. „Stuttu eftir útskrift frum-
sýndi ég mína fyrstu kvikmynd, Eins og
skepnan deyr, og hef verið verktaki að
heita má allar götur síðan. Þannig að ég
er loks orðinn launþegi á gamalsaldri.“
En ætlar hinn nýráðni rektor að
leggja kvikmyndagerðina á hilluna?
„Nei, aldrei. Þessar tvær klukkustund-
ir sem maður hefur á sólarhring til að
hugsa mun ég áfram nota til að vinna að
ýmsum verkefnum og er nú með þrjár
myndir á teikniborðinu. Ein er upp úr
handriti Ólafs Gunnarssonar og kallast
Vetrarferðin, önnur byggist á nýju hand-
riti Páls Kristins Pálssonar, sem skrif-
aði handritið að Desember og um þá
þriðju er ég ekki tilbúinn að ræða enn
sem komið er. Þannig að ég mun reyna
að finna leið til að settla málin milli leik-
stjórans og rektors, sem er það mest
spennandi starf sem hefði verið hægt
að bjóða mér utan sjálfrar kvikmynda-
gerðarinnar,“ segir hann.
Hilmar segir ýmsar fyrirhugaðar
breytingar á starfsemi skólans sem hann
vonast til að ná að fylgja eftir. „Skólaum-
hverfi er náttúrulega vettvangur sem er
í stöðugri endurskoðun og kvikmynda-
skólinn hefur tekið miklum framförum
frá því að fyrsta námskeiðið var haldið
1992, tveggja mánaða kúrs er nú orðinn
að tveggja ára metnaðarfullu námi. Það
er ekkert launungarmál að við stefnum
að því að bjóða upp á nám á háskólastigi,
að breyta tveggja ára diplómanáminu í
þriggja ára BA-nám í samstarfi við einn
háskólanna og vonandi næst samstaða
um slíkt samstarf. Í annan stað vilj-
um við bæta alþjóðadeild við þær fimm
deildir sem fyrir eru eins og tíðkast víða
erlendis. Kennt yrði á ensku þannig að
erlendir nemendur þyrftu ekki að setja
kunnáttuleysi í íslensku fyrir sig.“
Að sögn Hilmars munu menn brátt
sjá að nýr maður er í brúnni. „Ég ætla
að láta til mín taka en læra af hinum
sem fyrir eru, bæði Böðvari Bjarka sem
verður mér innan handar fram að ára-
mótum og öðru starfsfólki skólans, sem
er allt fagfólk fram í fingurgóma. Svo
mun ég leggja upp úr því að skapa gott
samband við bransann, sem er mikil-
vægt þar sem skólinn er auðvitað hluti
af íslenskri kvikmyndagerð og ég vil
að tengslin aukist og skerpist báðum til
hagsbóta.“
roald@frettabladid.is
HILMAR ODDSSON: RÁÐINN REKTOR KVIKMYNDASKÓLA ÍSLANDS
Loksins orðinn launþegi
Í NÝJU STARFI „Ég ætla að láta til mín taka en læra af hinum sem fyrir eru,“ segir Hilmar Odds-
son, nýráðinn rektor við Kvikmyndaskóla Íslands. FRÉTTABLAÐIÐ/GVA
RÓSA INGÓLFSDÓTTIR ER 63
ÁRA.
„Þær [þulurnar] hafa verið
vinir okkar í gegnum tíðina
og bjargað ófáum mannslíf-
um einmana fólks úti í bæ.“
Leikkonan Rósa Ingólfsdótt-
ir hefur farið með hlutverk í
myndum á borð við Skila-
boð til Söndru og Veggfóð-
ur – erótísk ástarsaga. Hún
er jafnframt ein þekktasta og
eftirminnilegasta þula sem
hefur starfað á RÚV. Ævisaga
Rósu, Rósumál, kom út 1992.
Kertum var fleytt á Reykjavíkurtjörn á
þessum degi árið 1985 til að minnast
þess að fjörutíu ár voru þá liðin síðan
kjarnorkusprengju var varpað á borgina
Hiroshima.
Harry S. Truman, þáverandi Banda-
ríkjaforseti, fyrirskipaði kjarnorkuárás-
irnar á japönsku borgirnar Hiroshima
og Nagasaki til að binda enda á seinni
heimsstyrjöldina árið 1945. Þjóðverjar,
og Sovétmenn, höfðu gefist upp fyrir
bandamönnum snemma í maí það
ár. Þegar komið var fram í ágúst geisaði enn stríð í Kyrrahafinu milli
Bandaríkjanna og Japana og sá Truman þá ekki annað í stöðunni en
að fyrirskipa að kjarnorkusprengjum væri varpað á Hiroshima þann 6.
ágúst, og á Nagasaki 9. ágúst. Spreningarnar og geislun frá þeim felldu
210.000 manns fyrir árslok. Heimild: wikipedia.org
ÞETTA GERÐIST: 5. ÁGÚST 1985
Árásar á Hiroshima minnst
Ástkær móðir mín og amma okkar,
Sigríður Tómasdóttir
(Góa)
Grænuhlíð 26, Reykjavík,
lést á líknardeild Landspítalans 28. júlí.
Útförin fer fram frá Háteigskirkju 6. ágúst kl. 13.
Eva Sóley Sigurðardóttir
Gígja Sigríður Guðjónsdóttir
Karítas Sveina Guðjónsdóttir
Elskulegur eiginmaður minn, faðir
okkar, tengdafaðir, fóstri, afi og langafi,
Valgarður Lyngdal
Jónsson,
fyrrv. bóndi Eystra-Miðfelli,
lést á Dvalarheimilinu Höfða, Akranesi, sunnudaginn
1. ágúst. Útförin fer fram frá Akraneskirkju föstudaginn
6. ágúst kl. 15.00. Blóm og kransar eru vinsamlega
afþakkaðir en þeim sem vilja minnast hans er bent á
líknarstofnanir.
Guðný Ingibjörg Þorvaldsdóttir
Þorvaldur Valgarðsson Valgerður Gísladóttir
Jón Valgarðsson Heiðrún Sveinbjörnsdóttir
Jónína Erla Valgarðsdóttir
Elín Valgarðsdóttir Bjarni Steinarsson
Valdís Inga Valgarðsdóttir Sæmundur Víglundsson
Jóhanna Guðrún Valgarðsdóttir Bragi Guðmundsson
Kristmundur Valgarðsson
Böðvar Þorvaldsson Þórunn Árnadóttir
barnabörn og barnabarnabörn.
Elskuleg móðir okkar, fósturmóðir,
tengdamóðir, amma, langamma og
langalangamma,
Rósfríður Eiðsdóttir
Helgamagrastræti 2, Akureyri,
lést á dvalarheimilinu Kjarnalundi föstudaginn 30. júlí.
Jarðarförin fer fram frá Akureyrarkirkju miðvikudag-
inn 11. ágúst kl. 13.30. Blóm og kransar vinsamlegast
afþakkaðir. Þeim sem vilja minnast hennar er bent á
Krabbameinsfélagið.
Helgi Ásgrímsson
Kristrún Þórhallsdóttir Þorvaldur Hallsson
Valgeir Sverrisson
ömmubörn, langömmubörn og langalangömmubörn.
Móðir okkar, tengdamóðir og amma,
Jónína Jónsdóttir
frá Gemlufalli, áður til heimilis
Safamýri 51, Reykjavík,
lést þann 2. ágúst. Útför verður gerð frá Háteigskirkju
mánudaginn 16. ágúst kl. 13.00. Þökkum starfsfólki
deildar 1 B á Eir fyrir góða umönnun undanfarin ár.
Sigríður Pétursdóttir Jan Overmeer
Jón Ágúst Pétursson Hólmfríður Helga Þórsdóttir
Ólafur Pétursson Anna M.Þ. Ólafsdóttir
Kristín Pétursdóttir Þröstur Harðarson
og barnabörn.
Ástkær móðir okkar, tengdamóðir,
amma og langamma,
Kristín Sigtryggsdóttir
Árskógum 6, Reykjavík,
sem lést á heimili sínu föstudaginn 30. júlí verður jarð-
sungin frá Dómkirkjunni mánudaginn 9. ágúst kl. 15.
Lína Þórðardóttir Jonsson
Sigurður Jónsson Jófríður Halldórsdóttir
Áslaug Jónsdóttir Róbert Melax
Ágústa Jónsdóttir Helgi Baldvinsson
Steingrímur Jónsson Ásta Davíðsdóttir
barnabörn og barnabarnabörn.
Elskuleg eiginkona mín, móðir, tengda-
móðir, amma og langamma,
Guðfinna Elentínusdóttir
(Gógó)
Kirkjubraut 19, Seltjarnarnesi,
lést föstudaginn 30. júlí á Landspítalanum v/
Hringbraut. Útförin fer fram frá Seltjarnarneskirkju
mánudaginn 9. ágúst kl. 15.
Lúðvík Jónsson
Hörður Lúðvíksson Þórkatla Aðalsteinsdóttir
Gunnar Lúðvíksson Gréta María Birgisdóttir
Erna Lúðvíksdóttir Erwin Glauser
Helga Lúðvíksdóttir Arnar H. Halldórsson
ömmubörn og langömmubörn.
Eiginmaður minn,
Einar Einarsson
vélstjóri, Stuðlaseli 31, 109 Reykjavík,
lést á hjúkrunarheimilinu Skógarbæ fimmtudaginn
29. júlí. Útförin fer fram frá Seljakirkju mánudaginn
9. ágúst kl. 15.
Margrét Sigurðardóttir