Fréttablaðið - 16.10.2010, Side 90

58 16. október 2010 LAUGARDAGUR
Vinskapurinn milli söngkonunnar Jessicu
Simpson og hárgreiðslumannsins Kens
Paves hefur runnið sitt skeið ef marka má
sögusagnir vestan hafs.
Simpson og Paves voru óaðskiljanleg
í langan tíma en hafa ekki talast við frá
því að Simpson fann sér kærasta. „Jessica
hafði bara tíma fyrir Ken þegar hún var á
lausu. Ef hún átti kærasta þá heyrðist ekk-
ert í henni, ekki fyrr en sambandinu lauk,“
var haft eftir sameiginlegum vini þeirra.
Í nýlegu viðtali viðurkenndi Paves að
hann væri ekki lengur hárgreiðslumaður
Simpson en sagði þau enn vini. „Við Jessica
höfum verið vinir í tólf ár og vináttan mun
ávallt vera til staðar. Ég hef verið mjög
upptekinn og hún sömuleiðis þannig að við
höfum lítið sést undanfarið.“
Vináttan brostin
HÆTT AÐ HITTAST Jessica
Simpson og Ken Paves hafa
ekki átt góða vinastund í
langan tíma.
NORDICPHOTOS/GETTY
Leikarinn Colin
Farrell er hættur
með kærustu sinni
og barnsmóður,
Alicja Bachleda-
Curus. Farrell
kynntist Bachleda-
Curus fyrir tveim-
ur árum og eiga
þau saman eins árs gamlan son.
Á hún að hafa fengið nóg þegar
henni varð ljóst að leikarinn
mundi aldrei festa ráð sitt.
Farrell er annálaður kvenna-
maður og partíljón og virðist það
engan endi ætla að taka. Fyrir
stuttu sást hann á lífinu með
ofurfyrirsætunni Agyness Deyn.
Partíljón á
lausu
COLIN FARRELL
Enski tenórinn Paul Potts
syngur á jólatónleikum
Björgvins Halldórssonar í
desember. Potts ræddi við
Fréttablaðið um feril sinn,
nýja plötu og förina til
Íslands.
„Ég hlakka mikið til að koma til
Íslands í desember. Þetta verður í
fyrsta sinn sem ég kem þangað og
það er alltaf gaman að heimsækja
nýja staði,“ segir enski tenórinn
Paul Potts sem verður meðal góðra
gesta á jólatónleikum Björgvins
Halldórssonar. „En ég býst við að
það verði mjög kalt, þannig að ég
verð örugglega vel búinn.“
Potts sló í gegn fyrir þremur árum
er hann sigraði í raunveruleikaþætt-
inum Britain ś Got Talent. Flutning-
ur hans á laginu Nessun dorma eftir
tónskáldið Puccini snerti taugar
Simons Cowell og félaganna í dóm-
nefndinni rétt eins og hjá áhorfend-
um um allan heim. Til marks um það
hafa tæplega sjötíu milljónir manna
skoðað myndband af frammistöðu
hans á Youtube.
Potts býst fastlega við því að
syngja Nessun dorma á Íslandi. „Ég
syng það á flestum tónleikum en ég
reyni að hafa það aðeins öðruvísi
í hvert sinn. Ég hef misst töluna á
þeim skiptum sem ég hef sungið
lagið en það er engu að síður stór
ástæða fyrir því að ég er að gera
það sem ég geri núna og ég verð
ekkert leiður á því að syngja það.“
Potts var áhugasöngvari og seldi
farsíma hjá Carphone Warehouse í
Wales áður en hann sló í gegn. Núna
er hann eftirsóttur söngvari víða
um heim og hefur selt tvær fyrstu
plötur sínar í milljónum eintaka.
Hann er þessa dagana á ferðalagi
um heiminn til að kynna sína þriðju
plötu, Cinema Paradiso, sem hefur
að geyma þekkta kvikmyndatón-
list, eða lög á borð við Moon River,
Wonderful World og þemalögin úr
Godfather-myndunum og Gladiator.
Upptökustjóri var Simon Franglen
sem hefur starfað við stórmynd-
irnar Titanic og Avatar. „Það er
frábært að vinna með náunga eins
og honum og ég er mjög ánægður
með þessa plötu,“ segir Potts, sem
er sjálfur mikill kvikmyndaáhuga-
maður. „Það voru kvikmyndir sem
vöktu fyrst áhuga minn á sígildri
tónlist,“ segir hann og nefnir til
sögunnar myndirnar E.T. og Star
Wars.
Söngvarinn er afar þakklátur
fyrir frama sinn í tónlistarheimin-
um en viðurkennir að þessi skyndi-
lega frægð sem hann hlaut hafi
verið mikil viðbrigði. „Ef þú tekur
hlutunum eins og þeir eru og lætur
þá ekki hafa áhrif á þig er þetta allt
í lagi. Það hefur verið frábært að
hitta sumt af því fræga fólki sem
ég hef hitt en það skemmtilegasta
er að geta gert það sem ég elska að
gera og heimsækja yndislega staði,“
segir hann og er sérstaklega hrif-
inn af ferðalögum sínum til Asíu.
Spurður hvar hafi verið skemmti-
legast að syngja segir söngvar-
inn: „Ég hef verið þess heiðurs
aðnjótandi að syngja í óperuhúsinu
í Sydney og í Royal Albert Hall.
Þetta eru tvö af frægustu tónleika-
höllum í heimi og að syngja þar
hafa ekki margir tækifæri til að
gera. Fólk hefði haldið að ég væri
brjálaður ef ég hefði sagt því frá
þessu fyrir fjórum árum. Ég hefði
aldrei getað ímyndað mér þetta.“
Potts hlustar á alls konar tónlist,
ekki bara óperutónlist heldur einn-
ig popp og rokk. Þar eru Genesis,
Dire Straits, Queen og Phil Coll-
ins í mestu uppáhaldi. Eurovision-
söngvararnir Alexander Ryback
og Jóhanna Guðrún verða á meðal
gesta á jólatónleikunum. Potts seg-
ist lítið hafa fylgst með Eurovision-
keppninni í gegnum tíðina, enda
nýtur keppnin takmarkaðra vin-
sælda í Bretlandi. „Ég hef kynnst
Eurovision töluvert á ferðalögum
mínum en því miður er keppnin
ekki tekin mjög alvarlega í Bret-
landi. Við höfum ekki náð góðum
árangri og það er líklega ein af
ástæðunum fyrir því að Bretar
taka hana ekki alvarlega,“ segir
hann.
Potts hélt upp á fertugsafmælið
sitt 13. október síðastliðinn en
náði ekki að halda upp á það að
ráði vegna þess að hann þurfti að
mæta í morgunsjónvarp í Þýska-
landi daginn eftir. Hvernig líður
honum, kominn á fimmtugsaldur-
inn? „Mér líður eins og ég sé mjög
gamall. Þeir segja að lífið byrji
þegar maður verður fertugur en
ég myndi frekar vilja fara aftur til
baka í tímann,“ segir hann og hlær.
freyr@frettabladid.is
Ég er þakklátur fyrir að
vera þar sem ég er í dag
PAUL POTTS Söngvarinn syngur á jólatónleikum Björgvins Halldórssonar í desember. NORDICPHOTOS/GETTY
Það skemmtilegasta
er að geta gert það
sem ég elska að gera og
heimsækja yndislega staði.
PAUL POTTS
Breska söngkonan Cheryl Cole
gerði erfðaskrá þegar hún glímdi
við alvarleg veikindi í sumar. Cole
greindist með malaríu eftir að
það leið yfir hana í myndatöku og
segist hún sjálf hafa haldið að hún
mundi deyja.
„Mér var svo illt að ég hugsaði
að ef ég ætti að deyja vildi ég
gera það fljótt,“ sagði Cole í opin-
skáu viðtali við breska sjónvarps-
manninn Piers Morgan. Ákvað
söngkonan því að gera erfðaskrá
þar sem hún deildi eigum sínum
og auði milli vina og vandamanna.
Í viðtalinu gerir Cole einnig upp
hjónabandið við fótboltamanninn
Ashley Cole en þau skildu á árinu
eftir framhjáhald hans.
Bjó sig undir hið versta
VILDI DEYJA Cheryl Cole hélt að hún
mundi deyja úr malaríu sjúkdómnum
sem hún smitaðist af í sumar.
NORDICPHOTOS/GETTY