Fréttablaðið - 15.01.2011, Blaðsíða 38

38 15. janúar 2011 LAUGARDAGUR
Þ
að er óhætt að full-
yrða að nostalgí-
an hafi hríslast
um margan knatt-
spyrnuáhugamann-
inn þegar Kenny
Dalglish gekk inn á Old Trafford
leikvang þeirra Manchester Unit-
ed manna síðastliðinn sunnudag
til að stýra liði Liverpool gegn
erkifjendunum, tveimur áratug-
um eftir að hann sagði starfi sínu
lausu hjá félaginu.
Hvort um hafi verið að ræða
unaðshroll eða gamalkunnug
óþægindi fer væntanlega eftir
því hvort téðir áhugamenn fylgi
Liverpool að málum eður ei, því
undir stjórn „kóngsins“, eins og
stuðningsmenn Liverpool kalla
hann, naut félagið gríðarlegrar
velgengni á árunum 1985 til
1991 og vart fannst það lið sem
stóðst því snúning á löngum köfl-
um hvað varðar áferðarfagra og
árangursríka spilamennsku.
Eins er líklegt að margir minn-
ist Dalglish sem eins allra besta
leikmanns Evrópu áður en hann
gerðist spilandi knattspyrnu-
stjóri Liverpool. Hann og annað
nafn sem er vel til þess fallið að
vekja upp fortíðarþrá, hinn velski
Ian Rush, mynduðu saman fram-
herjapar sem flestir andstæðing-
ar hræddust og enn er í minnum
haft.
Er að sinna skyldu sinni
En nú er öldin önnur. Liverpool,
þetta sögufræga knattspyrnu-
félag, hefur verið á hraðri niður-
leið síðustu misserin. Liðið hefur
ekki unnið ensku deildina síðan
vorið 1990 (þá undir stjórn Dal-
glish) meðan nágrannarnir í
Manchester hafa raðað inn titl-
unum. Yfirstandandi leiktímabil
er það versta í hálfa öld, hvert
niðurlægjandi tapið hefur rekið
annað og nú er svo komið að liðið
situr í þrettánda sæti deildarinn-
ar, aðeins fjórum stigum frá fall-
sæti.
Á fyrsta blaðamannafundi
sínum sem endurráðinn stjóri
Liverpool um síðustu helgi kvaðst
Dalglish, sem tók við í kjölfar
þess að Roy Hodgson var rekinn
eftir einungis hálft ár í starfi,
hreinlega vera að sinna skyldu
sinni. Vissulega væri heilmargt
að hjá klúbbnum, en hann myndi
gera sitt besta til að lægja öld-
urnar meðal stuðningsmanna
og freista þess að rétta skipið af,
en skýrt og greinilega var tekið
fram að ráðning Dalglish væri
aðeins tímabundin.
Tap í fyrstu tveimur leikjum
hans sem stjóra, gegn Manchester
United í bikarnum og Blackpool
í Úrvalsdeildinni, ætti að gefa
glögga mynd af þeim óteljandi
vandamálum sem hrjá Liver-
pool-liðið um þessar mundir. En
Dalglish ætti líka að vera betur í
stakk búinn en margir aðrir til að
setja hlutina í rétt samhengi.
Bill Shankly, samlandi Dalglish
og knattspyrnustjórinn sem hóf
Liverpool til vegs og virðingar
fyrir alvöru á sjöunda áratug síð-
ustu aldar, lét eitt sinn hafa eftir
sér að fótbolti væri ekki spurning
um líf og dauða, því hann væri
mun mikilvægari en svo. Eftir
að hafa verið viðstaddur þrjá
af mannskæðustu harmleikjum
knattspyrnusögunnar, á Ibrox,
heimavelli Glasgow Rangers
árið 1971, Heysel-leikvanginum í
Belgíu vorið 1985 og Hills borough
í Sheffield í Englandi árið 1989,
er ljóst að Dalglish er á allt ann-
arri skoðun. Alls lét 201 knatt-
spyrnuáhugamaður lífið í þessum
harmleikjum og þessi áföll höfðu
að endingu svo djúpstæð áhrif á
Dalglish að hann fann sig knúinn
til að segja upp störfum hjá Liver-
pool fyrir tuttugu árum.
Fyrsti harmleikurinn
Kenny Dalglish lék einungis með
tveimur liðum allan sinn feril,
Liverpool og Glasgow Celtic, og
gerðist síðar knattspyrnustjóri
þeirra beggja, en hann þjálfaði
einnig lið Blackburn Rovers og
Newcastle United um hríð.
Hann hafði nýlega tryggt sér
sess í aðalliði Celtic sem heim-
sótti erkióvinina í Rangers heim
í „Old firm“ leik (eins og leikir
þessa liða eru vanalega kallaðir)
fyrir rétt rúmum fjórum áratug-
um, 2. janúar 1971. Hann var þó
ekki valinn í liðið þennan dag en
stóð í stúkunni með fleiri leik-
mönnum liðsins. Þegar ein mínúta
var eftir af viðureigninni skoraði
Jimmy Johnstone fyrir Celtic og
margir aðdáendur Rangers hófu
að yfirgefa völlinn þar sem þeir
töldu ljóst að leikurinn væri tap-
aður.
Colin Stein tókst þó að jafna
fyrir Rangers í uppbótartíma
og upphófust mikil fagnaðar-
læti í stúkunni. Við það reyndu
fjölmargir áhorfendur að kom-
ast aftur inn á völlinn í gegnum
inngang númer 13, sem orsakaði
gríðarlegan troðning. Rannsókn
leiddi í ljós að einhver, mögu-
lega barn sem var borið á öxlum
föður síns, hefði dottið og olli það
keðjuverkun sem leiddi til þess að
66 manns lágu í valnum af völd-
um köfnunar á eftir, þar á meðal
mörg börn. Tvö hundruð aðrir
slösuðust og sumir alvarlega.
Enginn leikur þess virði
Eftir að hafa unnið til fjölmargra
titla með Celtic, meðal annars
sem fyrirliði liðsins, keypti knatt-
spyrnustjórinn Bob Paisley Dal-
glish til Liverpool sumarið 1977
sem arftaka goðsagnarinnar
Kevin Keegan, sem flutti sig um
set til Hamborgar. Dalglish öðl-
aðist umsvifalaust sess í hjört-
um stuðningsmanna Liverpool
með spilamennsku sinni og prúð-
mannlegri framkomu innan vall-
ar sem utan, en næsti harmleikur
var því miður ekki langt undan
og þar með svartasti bletturinn í
sögu félagsins.
Hann átti sér stað þegar Liver-
pool lék gegn Juventus í úrslita-
leik Evrópukeppni meistaraliða
29. maí 1985. Leikurinn fór fram
á Heysel-leikvanginum í Brussel,
þjóðarleikvangi Belgíu, sem var
gamall og úr sér genginn völlur
og allur aðbúnaður í raun stór-
hættulegur áhorfendum, eins og
átti eftir að koma í ljós. Eins var
öll skipulagning varðandi áhorf-
endamál í molum, þar sem ákveð-
ið var að úthluta fjölda miða til
hlutlausra belgískra áhorfenda
sem áttu að skilja að aðdáendur
liðanna tveggja í stúkunni. Mið-
arnir fóru þó flestir á svartan
markað og lentu í höndum stuðn-
ingsmanna Juventus, sem olli því
að einungis lítil girðing aðskildi
stuðningsmannahópana tvo.
Ytri aðstæður firra þó ekki
stuðningsmenn Liverpool ábyrgð
á því sem gerðist um klukkustund
fyrir áætlað upphaf leiksins,
þegar sumir af stuðningsmönnum
Juventus hófu að kasta steypu-
brotum sem molnað höfðu úr nið-
urníddri stúkunni yfir á svæði
þeirra rauðklæddu. Nokkrir
þeirra brugðust við með því að
rífa niður girðinguna og hlaupa
ógnandi í átt að stuðningsmönn-
um Juventus, sem hörfuðu þús-
undum saman að vegg sem hrundi
ungan þunganum. 38 stuðnings-
menn Juventus og einn Belgi lét-
ust þegar þeir tróðust undir, og
um sex hundruð til viðbótar slös-
uðust. Fjórtán stuðningsmenn
Liverpool hlutu síðar dóma fyrir
verknaðinn.
Eftir langa töf, og af óskiljan-
legum ástæðum, var ákveðið að
úrslitaleikurinn færi fram þrátt
fyrir harmleikinn. Juventus stóð
uppi sem sigurvegari eftir 1-
0 sigur, en í ævisögu sinni seg-
ist Dalglish ekki hafa vitað að
fólk hefði látið lífið fyrir leikinn.
Stuðningsmaður númer eitt
Kenny Dalglish, þjálfari Liverpool, hefur upplifað meiri gleði og sorg í fótboltanum en flestir aðrir. Hann hefur unnið til ótal titla
en líka verið viðstaddur þrjá af mannskæðustu íþróttaharmleikjum sögunnar. Kjartan Guðmundsson kynnti sér feril „kóngsins“.
KÓNGURINN Kenny Dalglish var illa haldinn af streitu þegar hann sagði starfi sínu lausu hjá Liverpool árið 1991 eftir farsælan feril
sem leikmaður og þjálfari. Nú er hann snúinn til baka, í það minnsta tímabundið. FRÉTTABLAÐIÐ/AFP
Fólk fer á völlinn til að horfa á fótboltaleik en það býst
aldrei við svona málalokum, er það? Enginn fótbolta leikur
er svona mikils virði.
Átt þú góða hugmynd í fórum þínum?
Rekur þú fyrirtæki og vilt þróa nýja vöru eða þjónustu?
Vinnumálastofnun/Velferðarráðuneyti auglýsir styrki til atvinnumála kvenna
vegna ársins 2011 lausa til umsóknar. Skilyrði er að verkefnið/hugmyndin
falli að eftirfarandi skilyrðum.
• Verkefnið sé í eigu konu/kvenna og stjórnað af konu
• Verkefnið feli í sér nýnæmi eða nýsköpun
• Verkefnið feli í sér atvinnusköpun til frambúðar
• Viðskiptahugmynd sé vel útfærð
• Veittir eru styrkir til gerðar viðskiptaáætlunar, vegna markaðssetingar og
gerðar markaðsáætlunar, þróunar vöru eða þjónustu, hönnunar og
efniskostnaðar.
• Ennfremur geta konur sem hafa fullmótaða viðskiptaáætlun og hafa hug
á því að stofna fyrirtæki á næstunni eða hafa stofnað fyrirtæki en ekki hafið
rekstur, sótt um styrk til að koma henni í framkvæmd.
Heildarfjárhæð styrkja að þessu sinni eru kr. 30.000.000
og er hámarksstyrkur kr. 2.000.000 en ekki eru veittir
lægri styrkir en kr. 300.000. Umsóknarfrestur er til og
með 07.02.2011 og skal sækja um rafrænt á
heimasíðu verkefnisins www.atvinnumalkvenna.is

til að láta drauminn rætast
Það þarf áræðni,
kraft og þor