Fréttablaðið - 15.01.2011, Síða 96
68 15. janúar 2011 LAUGARDAGUR
HANDBOLTI Íslenska landsliðið fékk
þá óskabyrjun sem það vildi í opn-
unarleik sínum á HM. Þrátt fyrir
köflóttan leik unnu strákarnir
öruggan sex marka sigur, 32-26, á
Ungverjum og hefðu hæglega getað
unnið mun stærri sigur.
Það var nokkur skrekkur í báðum
liðum í upphafi leiks og nokkuð
mörg mistök. Arnór Atlason mætti
mjög einbeittur til leiks og skoraði
þrjú fyrstu mörk Íslands. Varn-
arleikurinn virkaði vel frá fyrstu
mínútu með Alexander Petersson
í broddi fylkingar. Hann hélt stór-
skyttunni Ferenc Ilyés í heljar-
greipum og stal boltanum ítrekað
af Ungverjum.
Strákarnir náðu fljótlega frum-
kvæðinu í leiknum en þegar Guð-
mundur byrjaði að skipta hrundi
takturinn í sóknarleiknum. Í stað
þess að hreinlega keyra yfir Ung-
verjana og klára leikinn í fyrri
hálfleik þá munaði aðeins þremur
mörkum í hálfleik, 14-11.
Ungverjarnir minnkuðu muninn
í tvö mörk, 16-14, í síðari hálfleik
en þá sagði maður leiksins, Aron
Pálmarsson, hingað og ekki lengra.
Hann tók leikinn í sínar hendur og
byrjaði að raða inn mörkum með
þrumuskotum. Við það slitnaði end-
anlega á milli liðanna og íslenska
liðið sigldi öruggum sigri í höfn.
Sigurinn hefði að ósekju mátt
vera stærri en íslenska liðið bauð
Ungverjum ítrekað inn í leikinn
í stað þess að ganga frá honum.
Þetta var kaflaskiptur leikur og
íslenska liðið á klárlega mikið
inni. Það segir ansi mikið um styrk
íslenska liðsins að það var nokkuð
frá sínu besta, gerði haug af mis-
tökum en vann samt öruggan sigur.
Það segir okkur að þetta lið er frá-
bært.
Það er alltaf ákveðinn léttir að
koma fyrsta leiknum frá og ekki
verra að gera það með sigri. Strák-
arnir eiga vafalítið eftir að vaxa
með hverjum leik. Þeir þurfa þó
að laga tæknifeilana sem voru of
margir og þeir fóru einnig illa með
allt of mörg færi.
Aron og Alexander voru yfir-
burðamenn í íslenska liðinu og það
er einnig afar ánægjulegt að liðið
sé að spila frábæra vörn eins og
gegn Þjóðverjum. Það gefur fyrir-
heit um gott mót. Það var líka mik-
ilvægt að dreifa álaginu vel en að
sama skapi er áhyggjuefni hversu
mikið liðið datt niður þegar þurfti
að gera breytingar.
Í heildina var þetta mjög fín
frumsýning og rétt eins og hjá
góðum leikhópi mun íslenska liðið
slípast með hverjum leik og vaxa
ásmegin. Þetta lið er til alls líklegt
á þessu móti.
Vátryggingafélag Íslands hf. | Ármúla 3 | 108 Reykjavík | Sími 560 5000 | vis.is
Strákar! Gangi
ykkur vel á HM.
Strákarnir okkar eru svo skemmtilega
ólíkir og okkur þykir óskaplega vænt
um þá alla. VÍS er stoltur styrktaraðili
íslenska landsliðsins á HM í Svíþjóð.
A-RIÐILL
Frakkland-Túnis 32-19 (15-9)
Þýskaland-Egyptaland 30-25 (15-12)
Spánn-Barein 33-22 (16-8)
B-RIÐILL
Ísland-Ungverjaland 32-26 (14-11)
Noregur-Japan 35-29 (18-13)
Austurríki-Brasilía 34-24 (17-13)
C-RIÐILL
Króatía-Rúmenía 27-21 (11-13)
Danmörk-Ástralía 47-12 (21-8)
Serbía-Alsír 25-24 (13-9)
D-RIÐILL
Svíþjóð-Síle 28-18 (15-8)
Suður Kórea-Argentína 25-25 (14-11)
Pólland-Slóvakía 32-30 (15-17)
Leikir dagsins
A-riðill
Síle-Suður Kórea 15.15
Slóvakía-Svíþjóð 17.15
Argentína-Pólland 19.15
B-riðill
Ungverjaland-Noregur 15.30
Japan-Ástralía 17.45
Ísland-Brasilía 20.00
ÚRSLITIN Á HM
Ísland-Ungverjaland 32-26 (14-11)
Mörk Íslands (Skot): Aron Pálmarsson 8 (11), Alexander Petersson 5 (8), Arnór
Atlason 4 (5), Guðjón Valur Sigurðsson 4 (8), Ólafur Stefánsson 4/1 (10/1), Róbert
Gunnarsson 3 (3), Ingimundur Ingimundarson 2 (4), Þórir Ólafsson 1 (1), Snorri
Steinn Guðjónsson 1/1 (5/1), Ásgeir Örn Hallgrímsson 0 (1), Kári Kristjánsson 0 (1).
Varin skot: Björgvin Páll Gústavsson 13/1 (39/5, 33%)
Hraðaupphlaupsmörk: 9 (Ingimundur 2, Guðjón 2, Alexander 2, Arnór 2, Aron)
Fiskuð víti: 2 (Ólafur, Snorri Steinn) Brottvísanir: 8 mínútur.
Mörk Ungverja (Skot): Tamás Mocsai 5/3 (9/4), Péter Gylyás 4 (4), Máté Lékai 4 (7)
Gergely Harsányi 2/1 (2/1), Szabolcs Törö 2 (2), Szabolcs Zubai 2 (2), Gyula Gál 2 (4),
Kornél Nagy 2 (4), Ferenc Ilyes 2 (5), Gergö Iváncsik 1 (2).
Varin skot: Nandor Fazekas 6 (17/2, 35%), Roland Mikler 10 (31, 32%)
Hraðaupphlaupsmörk: 8 (Gylyás 3, Törö 2, Ilyes, Mocsai, Zubai)
Fiskuð víti: 5 (Törö, Nagy, Gylyásm, Scuch, Lékai) Brottvísanir: 10 mínútur.
Fín frumsýning hjá strákunum
Strákarnir okkar byrjuðu HM með stæl þegar þeir unnu öruggan sigur á Ungverjum þrátt fyrir að hafa
ekki spilað sinn besta leik. Það undirstrikar hversu gott þetta lið er orðið. Brasilía bíður í dag.
STÓÐ UPP ÚR Í GÆR Aon Pálmarsson var
valinn maður leiksins af mótshöldurum
enda átti hann frábæran leik einkum í
seinni hálfleiknum. FRÉTTABLAÐIÐ/VALLI
HM 2011 „Það er gott að vera búinn
með fyrsta leikinn. Ég fann fyrir
smá spennu í byrjun en fyrstu tíu
mínúturnar voru ekki alveg nógu
góðar. Vörnin var frábær í leikn-
um, Bjöggi flottur og Aron frábær
í seinni hálfleik. Við hefðum lík-
lega átt að vinna þennan leik enn
stærra,“ sagði glaður landsliðsfyr-
irliði, Ólafur Stefánsson, eftir sig-
urinn á Ungverjum í gær.
Hann var þó ekki alveg nógu
ánægður með sinn leik en hefur
samt ekki miklar áhyggjur af
því og ætlar að mæta grimmari í
næstu viðureign.
„Ég hefði getað sparað mér fjór-
ar sendingar aftur fyrir mig. Það
voru of margir tæknifeilar hjá mér
í þessum leik. Varnarmennirn-
ir bakka svolítið gegn mér og ég
verð að vera graðari í að skjóta og
skora. Ég þarf persónulega að taka
eitt skref fram við,“ sagði Ólafur.
Hann er þó afar ánægður með
liðið í heild sinni. „Liðið lítur mjög
vel út. Við erum að rúlla þessu vel
og mér finnst allir vera á tánum.
Þetta er fyrsta skrefið og ég held
að við séum orðnir flott mótlið.
Við lékum okkur aðeins of mikið
að eldinum í þessum leik og það
var vonandi smá sviðsskrekkur.
Við munum bæta okkur í næstu
leikjum.“
- hbg
Landsliðsfyrirliðinn Ólafur Stefánsson segir íslenska handboltalandsliðið líta mjög vel út eftir fyrsta leikinn:
Við hefðum átt að vinna stærri sigur
ALLIR TILBÚNIR Ólafur Stefánsson, Alexander Petersson og Ingimundur Ingimundar-
son búa sig undir að verjast aukakasti Ungverja. FRÉTTABLAÐIÐ/VALLI
Henry Birgir
Gunnarsson
og Valgarður
Gíslason
fjalla um HM í Svíþjóð
henry@frettabladid.is - valgard.gislason@365.is
HANDBOLTI Austurríki vann tíu
marka sigur á Brasilíu, 34-24, í
síðasta leiknum í íslenska riðl-
inum í gærkvöldi. Brasilíumenn
verða mótherjar íslenska lands-
liðsins í kvöld.
Brasilíska liðið hélt í við Aust-
urríki í byrjun og staðan var 12-11
eftir 24 mínútna leik. Austurrík-
ismenn unnu síðustu sex mínútur
fyrri hálfleiks hins vegar 5-2 og
voru 17-13 yfir í hálfleik.
Austurríska liðið skoraði síðan
fimm af fyrstu sjö mörkum seinni
hálfleiks, komst í 22-15 og eftir
það var ljóst að Brasilíumenn
yrðu ekki mikil fyrirstaða hjá
fyrrverandi lærisveinum Dags
Sigurðssonar.
Danir hófu HM í Svíþjóð á sann-
kallaðri skotsýningu á móti Ástr-
ölum en Danir unnu leikinn með
35 marka mun, 47-12, eftir að hafa
verið 21-8 yfir í hálfleik. Átta leik-
menn Dana skoruðu fjögur mörk
eða fleiri í leiknum. - óój
Austurríksmenn á HM í gær:
Tíu marka stór-
sigur á Brasilíu
GUSTAVO CARDOSO Brasilíumenn ættu
ekki að vera mikil fyrirstaða fyrir íslenska
landsliðið í dag. MYND/NORDIC PHOTOS/AFP