19. júní - 19.06.1969, Blaðsíða 8

Golda Meir
forsætisráðherra israels
Þegar konur skara fram úr á einhverju sviði, í
þjóðmálum, kvenréttindamálum, menntamálum
eða í vísindum og listum, hefur „19. júní“ oft lát-
ið þess getið og samfagnað þeim; gildir þá einu,
hvort þær eru innlendar eða erlendar.
Að þessu sinni gerðist það austur í Asíu, að
kona þar verður forsætisráðherra. Og þótt liún sé
ekki fyrsta konan, sem hlýtur svo háa stöðu í
þeirri álfu, þar eð Bandaranaike varð fyrst for-
sætisráðherra á Ceylon, eftir lát manns síns, og
svo Indira Gandhi, sem varð forsætisráðherra Ind-
lands 1966, þá má segja, að hér hafi gerzt stór
atburður á sviði kvenréttindamála. Og enn skeður
það, eins og á Indlandi, á erfiðum timum þjóðar,
að kona er kölluð í svo vandasama og þýðingar-
mikla stöðu.
Hinn 26. febrúar s.l. lézt Levi Eshkol, forsætis-
ráðherra í ísrael. Hafði hann gegnt því starfi frá
því í júní 1963, þegar hann tók við af David Ben-
Gurion. Við þessu mikla embætti tekur svo Golda
Meir 17. marz 1969.
Golda Meir er fædd 3. maí 1898 í Kiev í Búss-
landi og dvaldist þar til 8 ára aldurs, en þaðan
fer hún þá með foreldrum sínum, sem gerðust inn-
flytjendur í Bandarikjunum og settust að í Mil-
vvaukee, en þar stundaði hún svo háskólanám.
Hún giftist málara árið 1917 og fluttist með hon-
a
um til Palestínu 1921, þar sem þau settust að og
unnu bæði á samyrkjubúi í Jezreel Valley og sið-
ar i Jerúsalem.
Golda Meir tók snemma virkan þátt í félags-
málastarfsemi. Hún gerðist stofnandi að dagheim-
ili fyrir smábörn og var ein af stofnendum Verka-
mannaflokksins Mapai, og var í forystu hans. Því
næst varð hún ambassador Israels í Sovjetríkjun-
um frá 1948—49, atvinnumálaráðherra í Israel
varð hún 1949—1956, þá utanríkisráðherra næstu
10 ár til 1966. Eftir að hún hætti í stjórninni,
varð hún aðalritari Verkamannaflokksins Mapai,
og gegndi því starfi til 1968. Hún á tvö börn, son
og dóttur, en mann sinn missti hún 1951.
Til íslands kom Golda Meir 17. maí 1961 í boði
utanríkisráðuneytis íslands. Félagið Israel—Island
og Verzlunarráð Islands héldu þá boð fyrir hana
í Tjarnarkaffi, og þar hélt hún stórmerka ræðu.
Þetta var hádegisverðarboð, og var stjórnarkonum
K.B.F.I. boðið að koma þangað. Þær höfðu sent
henni blómvönd við komu hennar hingað til lands
í vináttu- og virðingarskyni.
I blaði Alþjóða kvennasambandsins (I.W.N.)
stendur: „Við erum sérstaklega ánægðar af því að
Golda Meir fékk þessa háu stöðu einungis fyrir
eigin verðleika, en á engan hátt vegna lýðhylli
föður eða eiginmanns." S. E.
Carl Sandburg:
AÐFALL.
Skuggar skipanna
vaggast á öldujaldi
hins bláa bjarma
sem hvílir yjir hægt streymandi a'ðfalli.
Frá dökkum od.da úti vi8 hafsbrún
réttist armur sandrijsins niður í saltsjóinn.
Blikandi gárar iða
í áSstreyminu — hvika og hopa.
Landaldan hjaðnar og brestandi bólur
skolast um jjörusandinn.
Á öldujaldi
hins bláa bjarma
vaggast skuggar af skipum.
MálfríSur Einarsdóttir þýddi.
19. JÚNÍ