19. júní - 19.06.1996, Blaðsíða 22

J a f n r é 11 i
á
v i n n u
t ö ö u m
„Kynjahlutföllin í
stjórnunarstöðu
m hjá fyrirtækinu
hafa verið að
breytast á
undanförnum
árum, “ segir
Hjördís.
Konur sækja síður um
segir Hjördís Ásberg hjá Eimskipafélaginu
Markmið um að fjölga konum í stjórn-
unarstöðum og hefðbundnum karla-
störfum innan Eimskipafélagsins
hafa undanfarin ár verið sett fram í markmiða-
áætlun fyrirtækisins. Hjördís Ásberg, starfs-
mannastjóri Eimskipafélagsins, segir forsvars-
menn fyrirtækisins leita eftir konum til starfa
og leggja sig fram við að hjóða konum, sem
starfað hafa hjá þeim og staðið sig vel, góð
störf. Hjördís segir að fyrir 5 til 10 árum hafi
það sjónarmið oft heyrst að viðskiptavinum
fyrirtækisins, sem í mikium meirihluta eru
karlar, þætti erfiðara að eiga viðskipti við kon-
ur en karla. „Þessar raddir þögnuðu um leið
og konur fóru að gegna sölumannsstörfum.
Konurnar hafa upp til hópa staðið sig framúr-
skarandi vel.“
„Kynjahlutföllin í stjórnunarstöðum hjá fyr-
irtækinu hafa verið að breytast á undanförn-
um árum,“ segir Hjördís. „Einkum hefur
kvendeildarstjórum fjölgað. Reyndar eru kon-
ur farnar að stýra deildum sem fram til þessa
hafa verið þekktar fyrir að vera mikil karla-
veldi,“ segir hún. Hjördís segir ástæðuna fyrir
skökkum kynjahlutföllum augljósa. „Konur
sækja síður um störf hjá Eimskipum en karlar.
Um það bil 1 kona sækir um starf á móti 15
körlum og karlar eru duglegri við að svara
auglýsingum," segir hún. Oft hefur komið fyr-
ir að um 50 karlmenn hafi svarað auglýsingu
um stjórnunarstöðu hjá fyrirtækinu en ekki
ein kona.
Hjördís ítrekar að þrátt fyrir markvissa leit að
konum séu þær aðeins ráðnar á þeim forsend-
um að vera hæfustu einstaklingarnir í störfin.
„Sæki karlmaður um starf sem er hæfari en
konan sem einnig sótti um ráðum við auðvitað
karlmanninn. Meginmarkmið okkar er að finna
rétta aðilann í starfið, óháð því hvort hann er
karl eða kona. Konurnar eru hvattar til að sækja
um störfin með það fyrir augum að auka líkur
okkar á að finna hæfasta einstaklinginn. Vissu-
lega reynist hann oft einmitt vera konan,“ segir
hún.
Hjördís segist telja að hluti skýringarinnar á
því að konur sæki síður um störf hjá Eimskip
sé hinn tæknilegi grunnur fyrirtækisins. „Það
skýrir þó málið ekki að fullu því margar deild-
ir innan fyrirtækisins, eins og markaðs- og
söludeild, ættu ekki að virka fráhrindandi á
konur." Mikið vinnuálag virðist einnig vega
þungt, að mati Hjördísar. „Mjög hæfar konur
sem starfa hjá okkur í sumarafleysingum og
eftir að þær ljúka námi, eru oft ekki tilbúnar
þegar þeim er boðið að taka að sér ábyrgðar-
meiri störf og krefjandi. Þetta kemur hins veg-
ar aldrei fyrir þegar karlmenn eru annars veg-
ar. Eflaust kemur þetta til af því að enn ríkir
störfin"
ekki jafnrétti inni á heimilunum og konurnar
treysta sér því ekki til að burðast með tvöfalt
vinnuálag á herðunum," segir hún. Allt virð-
ist þetta þó vera að fikra sig í rétta átt, að mati
Hjördísar. „Yngri karlmenn eru t.d. greinilega
farnir að taka þátt á heimilum þegar börnin
veikjast. Það þekkist ekki hjá þeim sem eldri
eru.“ Hún segir það ekki litið öðrum augum
þegar karlmenn fari úr vinnu vegna veikinga
barna en þegar konur fari.
Hjördís segir konur meira á varðbergi en
áður gagnvart Iaunamismunun. Innan fyrir-
tækisins er einstaklingsbundið launakerfi.
„Þó svo að konurnar séu meira vakandi yfir
launum en áður og hafi á stundum ívíð betur
en karlarnir, stöndum við enn frammi fyrir
þeirri staðreynd að konurnar eru yfirleitt ekki
eins ýtnar og karlarnir. Þær vilja síður vinna
yfirvinnu og laun innan fyrirtækisins byggja
töluvert á miklu vinnuframlagi. Þá eru karl-
menn í yfirmannsstöðum duglegri við að leita
eftir ýmis konar hlunnindum," segir hún.
„Meginniðurstaðan er þó sú,“ segir Hjördís,
„að konur eiga mun meiri möguleika á störf-
um, starfsframa og hærri launum en þær eru
að uppskera. Allt er þetta undir okkur sjálfum
komið."
20 19.júní RIT KVENRÉTTINDAFÉLAGS ISLANDS