Sólskin - 01.07.1935, Page 40

innst í hellinum, við bakvegginn. Á bakvið þennan
stein fann eg annan, lítinn helli, sem litlu úlfarnir
hafa sennilega grafíð, til þess að eiga herbergi
útaf fyrir sig.
Þetta skulu þið, ylfingar, athuga. Þið ættuð að
geta búið til þurrt og þægilegt skýli handa ykkur,
er þið eruð á ferðum um fjölj og heiðar. Það er
miklu meira gaman fyrir ykkur að búa sjálfir til
skýli en að kaupa það tilbúið. Þið getið byrjað á
því að búa það til í garðinum ykkar, heima við
hús eða bæi.
Hvemig á að reisa skýli?
Hvernig skýlið á að vera, fer eftir því, hvaða efni
þú hefir við hendina. Mjög einfalt skýli er hægt að
búa til úr gömlum pokum, sem festir eru saman
með snæri, þar til þú hefir fengið stóran feld úr
pokum. Nú þarftu að festa annan endann við klett
eða húshlið, en hinn við spýtur eða stafi, sem þú
reisir upp á endann. Þetta skýlir nokkuð fyrir dá-
lítilli rigningu, og eins getur þú verið þarna, ef þér
þykir sólskinið of mikið til þess að leika þér úti,
en það kemur nú sjaldan fyrjr á íslandi. Gaman er
38