Sólskin - 01.07.1936, Side 53

þeir verpa í Grænlandi og koma hér við haust
og vor. Óðinshanar og þórshanar skipta um
lit, þegar kemur fram í ágústmánuð, og verða
þá gráleitir á litinn. En það er sjaldan að óð-
inshani sjáist, eftir að hann hefir skipt um
lit. Þess vegna héldu menn áður, að þetta
væri annar fugl og kölluðu hann torfgrafar-
álft. Eggert Ólafsson getur um þennan fugl
í ferðabók sinni, en getur þó um, að verið geti
að þetta sé óðinshani.
Þormóður: Sko hrafnana.
Ingveldur: Já, það eru líklegast ungar, sem
eru nýlega orðnir fleygir.
Þormóður: Geta þeir verið orðnir fleygir
svona snemma? Núna í miðjum júní. Eg fann
alveg nýlega maríuerluhreiður með eggjum í.
Ingveldur: Já, það getur vel verið, því að
hrafninn verpir svo snemma. Hann verpir
fyrri hluta aprílmánaðar.
Þormóður: En þá er oft snjór.
Ingveldur: Ja, það er nú sama.
Mjói: Hvar verpir hann helst?
Ingveldur: Hann verpir í klettum, en það
er ekki alltaf í háum klettum. Það verpti til
dæmis einu sinni hrafn hér í Fossvoginum.
Erlendis verpir hann víða í trjám.
51