Sólskin - 01.07.1936, Page 61

Ingveldur: Eg heyrði oft til hans líka og sá
hann. Það var skógarþröstur.
Mjói: Já, en eg heyrði hann vera að syngja
einu sinni rétt fyrir klukkan tólf um kvöld-
ið; og einu sinni, þegar við vorum að koma
innan frá Elliðaám klukkan eitt um nóttina,
þá heyrði eg til hans, þegar við komum að
Austurvelli. Syngja skógarþrestirnir á nótt-
unni?
Ingveldur: Já, þessi gerði það að minnsta
kosti. Eg heyrði oft til hans milli klukkan 12
og 1 um nótt, meðan hún var björt.
Mjói: En ætli allir skógarþrestir syngi eins
fallega og þessi gerði?
Ingveldur: Eg veit nú ekki nema þeir kunni
að hafa mismunandi mikil hljóð eins og við,
og mismunandi fögur. En þeir syngja flestir
líkt og þetta.
Mjói: Ja, þá segi eg, að eg vil láta hengja
upp þúsund hreiðurkassa í Reykjavík. Þrasta-
söngur er yndislegur.
Þormóður: Já, heyr fyrir því.
Ingveldur: í miðjum maí verpir svo fýllinn.
Hann á eitt hvítt egg.
Sigga litla: Verpir fíllinn?
Ingveldur: Já, það er hvítur sjófugl, sem
heitir fýll.
59