Fréttablaðið - 09.12.2010, Side 2

2 9. desember 2010 FIMMTUDAGUR
DÓMSMÁL Sigurjón Þ.
Árnason og Halldór J.
Kristjánsson, fyrrver-
andi bankastjórar Lands-
bankans, munu bera vitni
í máli Baldurs Guðlaugs-
sonar, fyrrverandi ráðu-
neytisstjóra, sem ákærður
hefur verið fyrir 192 millj-
óna króna innherjasvik.
Þeir eru meðal tólf manna
sem saksóknarinn í málinu
hefur farið fram á að verði
leiddir fyrir dóminn sem vitni.
Önnur vitni eru ráðuneytis-
stjórar, seðlabankastjóri,
starfsmaður Seðlabank-
ans og forstjóri Fjár-
málaeftirlitsins (FME),
sem allir sátu í samráðs-
hópi Seðlabankans um
fjármálastöðugleika með
Baldri, og starfsmenn
FME og Landsbankans.
Á morgun mun verj-
andi Baldurs leggja fyrir
dóminn greinargerð um
málið auk vitnalista. Dag-
setning fyrir málflutning hefur
ekki verið ákveðin. - sh
Saksóknari kallar tólf manns úr ráðuneytum, Seðlabanka, Landsbanka og FME fyrir dóm sem vitni:
Sigurjón og Halldór vitna í máli Baldurs
1. Jónína S. Lárusdóttir, fv. ráðuneytisstjóri í viðskiptaráðuneytinu
2. Jónas Friðrik Jónsson, fv. forstjóri Fjármálaeftirlitsins
3. Tryggvi Pálsson, framkvæmdastjóri fjármálasviðs Seðlabankans
4. Bolli Þór Bollason, fv. ráðuneytisstjóri í forsætisráðuneytinu
5. Áslaug Árnadóttir, fv. ráðuneytisstjóri í viðskiptaráðuneytinu
6. Ingimundur Friðriksson, fv. seðlabankastjóri
7. Rut Gunnarsdóttir, lögfræðingur hjá Fjármálaeftirlitinu
8. Guðrún Jónsdóttir, sviðsstjóri verðbréfasviðs Fjármálaeftirlitsins
9. Þórður Örlygsson, regluvörður Landsbankans
10. Gunnar Viðar, forstöðumaður lögfræðiráðgjafar Landsbankans
11. Sigurjón Þ. Árnason, fv. bankastjóri Landsbankans
12. Halldór J. Kristjánsson, fv. bankastjóri Landsbankans
Tólf vitni saksóknara
BALDUR
GUÐLAUGSSON
ORKUMÁL „Þetta er vindmylla með
hámarksgetu upp á 30 kílóvött,
miðað við tíu metra vind á sek-
úndu,“ segir Haraldur Magnús-
son bóndi sem hyggst reisa rúm-
lega þrjátíu metra háa vindmyllu
við bæ sinn í Belgsholti í Mela-
sveit. Vindmyllan verður líklega
sú fyrsta sem skráð verður inn
á orkudreifikerfið hér á landi og
verður, eftir því sem Fréttablað-
ið kemst næst, sú hæsta á land-
inu. Mastrið sjálft er 25 metrar á
hæð en spaðarnir um sex metrar
á lengd.
Haraldur stefnir að því að vind-
myllan verði komin í notkun í mars
en um tvö ár eru síðan hann fór að
vinna í henni.
„Ég fékk veðurstöð í fimmtugs-
afmælisgjöf árið 2003 sem skrá-
ir allt veðurfar í tölvu. Þá fór ég
að hugsa hvort hægt væri að nota
vindinn til að búa til orku. Ég tók
saman niðurstöðurnar og sendi
Orkustofnun, sem fannst þetta álit-
legar niðurstöður,“ segir Haraldur.
„Ég fékk styrk úr Orkusjóði vorið
2008. Verkefnið fór í smá frost
eftir bankahrun en svo fór allt á
fullt.“
Haraldur segir að grunnurinn
að því að reisa svona vindmyllu
sé að notast við rannsóknarniður-
stöður á vindstyrk. Hann leitaði á
náðir Sigurðar Inga Friðleifssonar,
í Orkusetrinu á Akureyri, en hann
hefur verið að skoða möguleikann
á því að setja upp vindmyllu við
Sólheima í Grímsnesi. „Sigurði
Inga fannst vindkúrfan hjá mér
vera ákjósanleg. Hann benti mér
á sænska framleiðandann Hanne-
vind í Svíþjóð en það fyrirtæki
framleiðir nokkuð hagstæðar vind-
myllur að hans sögn. Nú er ég bara
að bíða eftir staðfestingu á því hve-
nær ég fæ vindmylluna afgreidda
frá fyrirtækinu og stefni á að koma
henni upp í mars.“
Að ýmsu er að huga áður en vind-
myllan verður reist. Haraldur þarf
meðal annars byggingarleyfi sem
hann vonast til að fá í vikunni.
Allt stefnir í að vindmyllan
hans Haraldar verði sú fyrsta sem
framleiði orku sem fari inn á orku-
dreifingarkerfið. „Það var nú ekki
stefnan í fyrstu en ef þessi áform
ganga eftir verður hún fyrsta vind-
myllan sem framleiðir rafmagn
inn á dreifikerfið,“ segir Haraldur.
En eitthvað hlýtur vindmyllan að
kosta? „Kostnaðurinn við hana er
um tíu milljónir með eigin vinnu.
En auk styrksins úr Orkusjóði fékk
ég framlag úr Framleiðnisjóði
landbúnaðarins sem hefur verið
að styrkja smærri bændavirkj-
anir og vatnsaflsvirkjanir. Vind-
myllan féll í sama flokk og þær,“
segir Haraldur Magnússon, bóndi
í Belgsholti í Melasveit.
kristjan@frettabladid.is
Hyggst reisa hæstu
vindmyllu landsins
Haraldur Magnússon ætlar að reisa þrjátíu metra háa vindmyllu við bæ sinn í
Belgsholti í Melasveit. Framleiðir rafmagn í eigin þágu. Afgangurinn fer inn á
orkudreifikerfið. Í fyrsta sinn sem rafmagn úr vindmyllu fer þangað inn.
VINDMYLLAN Vindmyllan sem Haraldur stefnir á að reisa er framleidd af sænska
fyrirtækinu Hannevind og á að geta framleitt allt að 30 kílóvött. MYND/HANNEVIND
Ég fékk veðurstöð í
fimmtugsafmælisgjöf
árið 2003 sem skráir allt
veðurfar í tölvu. Þá fór ég
að hugsa hvort hægt væri
að nota vindinn til að búa til
orku.
HARALDUR MAGNÚSSON
BÓNDI Í BELGSHOLTI
EFNAHAGSMÁL „Harla ólíklegt er
að aðstæður til afnáms gjald-
eyrishafta batni frá því sem nú
er,“ segir Þórður Friðjónsson,
forstjóri Nas-
daq-OMX, í
aðsendri grein
í Fréttablaðinu
í dag. Skyn-
samlegast sé
að höftin verði
afnumin sem
allra fyrst.
„Það er alger-
lega ósannað
mál að afnám
haftanna nú muni hafa skaðleg
áhrif á efnahagslífið,“ segir Þórð-
ur og færir rök fyrir því „að tafir
geti haft mun alvarlegri afleið-
ingar fyrir lífskjör á Íslandi en
að ganga til verks nú þegar“.
„Sé litið til samkeppnishæfni
efnahagslífsins og eignastöðu
þjóðar búsins hefur Ísland ekki
staðið jafn vel um árabil.“ Sjá síðu 36
Þórður Friðjónsson:
Kjöraðstæður
til að afnema
gjaldeyrishöft
Björgvin, er nú Skálmöldin
önnur?
„Já, ný Skálmöld er risin.“
Björgvin Sigurðsson og félagar hans í
rokksveitinni Skálmöld eru að gera góða
hluti og hafa þegar gefið út plötu og
munu leika á stærstu þungarokkshljóm-
leika hátíð heims á næsta ári.
LÖGREGLUMÁL Tveir ungir menn, annar sextán ára en
hinn 23 ára, hafa gengist við því hjá lögreglu að hafa
stolið sjö úrum að andvirði um fimm milljónir króna
úr versluninni Leonard í Kringlunni í fyrradag, sam-
kvæmt upplýsingum Fréttablaðsins. Úrin voru ófund-
in síðdegis í gær.
Pilturinn var handtekinn snemma í fyrrinótt en
maðurinn eftir hádegið í gær. Þeir höfðu farið í versl-
unina, spennt upp læstan skáp með verkfæri sem þeir
höfðu meðferðis, hrifsað nokkur úr og látið sig síðan
hverfa. Allt tók þetta örskotsstund.
Þjófarnir huldu ekki andlit sín, því þeir töldu sig
vekja meiri athygli þannig búnir heldur en ella.
Það varð til þess að þeir náðust greinilega á mynd í
öryggis myndavélum í versluninni.
Þótt þeir hafi játað verknaðinn áttu þeir í erfiðleik-
um með að gera grein fyrir því hvað þeir hefðu gert
við úrin.
Samkvæmt upplýsingum Fréttablaðsins á sá eldri
talsverðan sakaferil að baki, þar á meðal í tengslum
við fíkniefni. Pilturinn hefur einnig komið við sögu
hjá lögreglu en í minni mæli þó.
Til stóð að piltinum yrði sleppt í gærkvöld en eldri
maðurinn sæti inni að minnsta kosti fram eftir degi í
dag. - jss
LÖGREGLAN Þjófarnir voru yfirheyrðir af lögreglunni á höfuð-
borgarsvæðinu.
Sjö úrum að verðmæti fimm milljónir króna stolið úr Leonard:
Þjófar játuðu en úrin ófundin
ÞÓRÐUR
FRIÐJÓNSSON
LÖGREGLUMÁL Fíkniefni fundust
við húsleit í fjölbýlishúsi í vestur-
borginni fyrr í vikunni. Um var
að ræða 100 grömm af marijúana,
sem var að mestu í söluumbúðum.
Á sama stað var einnig lagt hald á
talsvert af sterum.
Húsráðandi, karlmaður á þrí-
tugsaldri, var handtekinn og ját-
aði hann sök sína. Maðurinn hefur
áður komið við sögu hjá lögreglu.
- jss
Fundu fíkniefni við húsleit:
Sterar og maríj-
úana í vesturbæ
SJÁVARÚTVEGUR Heildarafli á grá-
sleppuvertíðinni 2010 svaraði til
17.947 tunna af söltuðum hrogn-
um. Fara þarf aftur til ársins
1987 til að finna viðlíka veiði,
eins og kemur fram á vef Lands-
sambands smábátaeigenda.
Afkoma flestra sem stunduðu
veiðarnar var góð, enda hátt verð
á hrognunum.
Alls stunduðu 344 bátar veið-
arnar á vertíðinni, sem var 65
bátum fleira en 2009.
Langmest veiði var í Breiða-
firði, 5.480 tunnur eða 30 prósent
heildarveiðinnar. Mestu var land-
að í Stykkishólmi, 2.736 tunnum.
- shá
Grásleppuvertíðin 2010:
Frábær veiði og
verð hrogna hátt
Á GRÁSLEPPU Oddur V. Jóhannsson
gerir út á grásleppu og er einn af 344
bátum sem gerðu út í sumar.
FRÉTTABLAÐIÐ/JÓN SIGURÐUR
JARÐVÁ Viðbúnaður vegna eldgoss-
ins í Eyjafjallajökli hefur verið
færður af „neyðarstigi“ niður á
„óvissustig“, að því er fram kemur
á vef Almannavarna. Óvissustig er
lægsta almannavarnastigið.
Síðustu merki um eldgosið í
Eyjafjallajökli sem hófst 14. apríl
síðastliðinn voru í byrjun júní.
Meðan óvissustig er í gildi er
áfram tryggð vöktun og eftirlit
með þáttum sem snúa að fram-
vindu í eldfjallinu sem og þeim
atriðum sem snúa að afleiðingum
gossins svo sem aurflóðum og
öskufoki. Enn er gríðarlegur hiti
í hrauninu og næst eldstöðinni á
Fimmvörðuhálsi. - óká
Viðbúnaði vegna goss breytt:
Úr neyðarstigi
yfir í óvissustig
SPURNING DAGSINS
®