Fréttablaðið - 09.12.2010, Blaðsíða 98

9. desember 2010 FIMMTUDAGUR82
golfogveidi@frettabladid.is
Rjúpnaveiðinni þetta árið lauk um
helgina og svo virðist sem heldur
meira sé af fugli en í fyrra. Skilyrði til
veiða voru hagstæð ef fyrsta helgin af
sex er frátalin.
Sigmar B. Hauksson, formaður Skotveiði-
félags Íslands, segir að veiðimenn hafi séð
meira af rjúpu í haust en mörg undanfarin
ár. Það hafi hins vegar verið mjög misjafnt
á milli landsvæða. Það sem veki athygli sé
að mjög lítið hafi sést af rjúpu á Suðurlandi.
„Það var hvað minnst af rjúpu þar sem hún er
friðuð, eins og í landnámi Ingólfs,“ segir Sig-
mar. „Friðunin skilar sér ekki. Það er í raun
mest af rjúpu þar sem mest er skotið, eins og
við Akureyri og Húsavík. Það er umhugsun-
arvert og sýnir að ótal margir þættir hafa
áhrif á viðkomu rjúpunnar.“
Sigmar bendir á að mjög mikið er af ref,
eða um tíu þúsund dýr, og greinilegt að það sé
að hafa áhrif á rjúpuna. „Þessi áhrif eru for-
vitnileg. Það er ekki aðalatriðið að refurinn
éti fuglinn í miklu magni. Frekar hefur það
áhrif að refurinn snuðrar hana uppi á meðan
hún hvílist. Þær flýja undan honum og þetta
veldur streitu. Streitan veikir aftur mótstöðu-
afl rjúpunnar.“
Sigmar bendir á náttúrulega sveiflu í stærð
rjúpnastofnsins, sem er merkjanleg í tíu ára
tímabilum. „Þessi sveifla hefur verið einhliða
yfir landið, en nú virðist það ekki vera. Stofn-
inn er í uppsveiflu á Norður-, Austur- og
Vestur landi en stendur í stað og dregst saman
á Suðurlandi. Það er ekki vitað hvað veldur
þessu en það getur verið hlýnandi veðurfar og
breytt gróðurfar. Gleymum því ekki að rjúpan
leitar í kulda.“
Skilyrði til veiða voru ólík á milli lands-
hluta. Mikill snjór var fyrir norðan en þar
sem snjóalög voru minni var fuglinn dreifð-
ari. „Mest virðist hafa verið af fugli þar sem
var kaldast,“ segir Sigmar. „Rjúpan var neðar
í veiðilandinu en menn bjuggust við og var
mikið í kjarr- og skóglendi á síðari hluta veiði-
tímans.“
Sigmar hefur trú á því að almennt séu veiði-
menn sáttir við veiðitímabilið. Veiðin hafi
heilt yfir verið jöfn þótt hún hafi verið best á
norðausturhorninu. „Okkur sýnist að magn-
veiði sé á undanhaldi. Það er greinilegt að
meirihluti veiðimanna er á móti magnveiðum
og það smitast út. Magnveiði eyðileggur fyrir
öðrum og þeir sem þessar veiðar stunda eru
undir þrýstingi að láta af þessari hegðun.“
Sigmar segir að fálkastofninn virðist á
uppleið sem gefur vísbendingar um sterkari
rjúpnastofn. Hann telur jafnframt að stytt-
ing veiðitímans og sölubann á rjúpu hafi
verið gæfuspor. „Ég held að við séum komin
með gott veiðistjórnunarkerfi á rjúpunni og
um það hafi tekist víðtæk sátt. Ég heyri ekki
óánægjuraddir frá veiðimönnum, svo mikið
er víst.“
Þröstur Elliðason, hjá Veiðiþjónustunni
Strengjum, segir að flestir veiðimenn sem
hafi komið til veiða á hans svæðum á Austur-
landi hafi fengið skammtinn sinn, þetta
tíu til fimmtán fugla. „Í Breiðdal fengust
um 500 rjúpur á þessu veiðitímabili og á
Jöklusvæðum um 300 rjúpur. Það eru færri
veiðimenn bak við tölurnar á Jöklusvæðum
svo þetta var svipuð veiði á hvern veiðimann
á báðum svæðum. En þetta er besta veiðin
sem við höfum séð síðan við byrjuðum að
bjóða þessa þjónustu.“ svavar@frettabladid.is
Lítið sást af rjúpu í friðlandinu
EFTIRSÓTT BRÁÐ Virðing veiðimanna gagnvart bráð sinni virðist færast í vöxt. Sífellt færri veiðimenn skjóta fleiri
rjúpur en þeir þurfa til eigin nota. MYND/PÉTUR ALAN GUÐMUNDSSON
Náttúruleg niðursveifla í urriða-
stofni Laxár í Laxárdal og
Mývatnssveit virðist vera að
ganga til baka. Veiðin sumarið
2010 var 3.600 fiskar, eða um 700
fleiri en árið áður.
Þetta kemur fram í skýrslu
Árnefndar Laxár í Laxárdal og
Mývatnssveitar á vef Stanga-
veiðifélags Reykjavíkur.
Veiði tók að dragast saman
eftir frábært veiðisumar 2005
þegar tæplega átta þúsund urrið-
ar veiddust, en meðalveiði svæð-
anna síðan 1988 losar 4.500 fiska.
- shá
Laxá í Mývatnssveit og Laxárdal:
Niðursveiflan að
ganga til baka
AF BÖKKUM LAXÁR Veiðin er að taka við
sér. FRÉTTABLAÐIÐ/GVA
Kaldrananeshreppur hefur fjög-
ur síðustu sumur skipt sínum
hluta veiðileyfa í sjóbleikjuánni
Bjarnarfjarðará á Ströndum
meðal þeirra íbúa hreppsins
sem eru orðnir átján ára. Jenný
Jensdóttir oddviti segir hvern
veiðiréttar hafa fyrir sig ráðstafa
sínum leyfum. „Það var ákveðið
á fundi í stjórn veiðifélagsins að
dreifa þessu svona,“ segir Jenný,
sem kveður íbúafjöldann nánast
stemma við stangardagana sem
hreppurinn á í Bjarnarfjarðará.
Hún segir að ekki hafi enn verið
tekin formleg ákvörðun um hvern-
ig hreppurinn hagi þessum málum
fyrir sitt leyti sumarið 2011. - gar
Fyrirkomulag í Bjarnarfjarðará:
Íbúar hafa veitt
frítt í fjögur ár
BALDUR STEINN HARALDSSON Veiddi
góða bleikju í Bjarnarfirði sumarið 2007.
193 1.124 laxar veiddust í Bárðarbungu, fengsælasta veiðistað Langár á Mýrum í sumar. flugulaxar veiddust í Langá á Mýrum í sumar en 1.054 féllu fyrir maðkinum.
Hylurinn er kenndur við eyðibýlið Brún í Svartárdal og
er einn af þekktari og betri hyljum þessarar rómuðu
laxveiðiár. Það má nánast alltaf ganga að því sem vísu að
lax sé í Brúnarhyl, segir Stefán Páll Ágústsson hjá Lax-á.
Hylurinn er í raun nokkrir veiðistaðir. Lengst til vinstri á
myndinni má sjá hvar strengurinn kemur inn í hylinn. Þar
sem hvítfryssið endar er góður tökustaður. Einnig er gott
að byrja að veiða ofarlega í strengnum því oft liggja laxar
undir honum sjálfum – til þess þarf þó þunga flugu, en
alls ekki of stóra.
Fyrir miðjum hyl er talsvert af grjóti í botni og þar á
milli finnur laxinn sér skjól, þarna fer gárutúban afskap-
lega vel og er árangurinn of góður.
Neðst í hylnum, þar sem brýtur á, er alla jafna ekki
mikil veiði nema vatn sé þeim mun meira. Hins vegar
er oft lax í lygnunni við þann bakka sem veiðimaðurinn
stendur á, sérstaklega í morgunsárið. Það borgar sig því
að taka fyrst eitt snöggt rennsli, með smáflugu og hröðu
strippi, á lygnuna áður en lagt er út í sjálfan hylinn.
Flotlína og langur taumur á einhendu er það sem
menn nota jafnan í Svartá og flugur í stærðum 12-16 og
¼ tommu eirtúbur þegar haustar.
Veiðistaðurinn: Brúnarhylur í Svartá
FRÁ SVARTÁRDAL MYND/LAX-Á
Veiðimenn sem hafa veitt í gegn-
um ís á Reynisvatni undanfarna
daga hafa veitt vel. Á meðan
aðstæður voru hagstæðar, eins og
um helgina, voru tveir til sex við
veiðar í einu.
„Auðvitað veiða menn vel hér í
Reynisvatni enda eru 25 þúsund
fiskar í vatninu,“ segir Wolfgang
Pomorinn, veiðiáhugamaður sem
tók við rekstri Reynisvatns árið
2008. „Hérna fellur mönnum vel
að veiða í gegnum ís þar sem
vonin er alltaf mikil.“ - shá
Ísdorg á Reynisvatni:
Þykk torfa undir
veiðimönnum