Fréttablaðið - 11.12.2010, Blaðsíða 96

68 11. desember 2010 LAUGARDAGUR
Fótboltalið hinna frægu
Poppsöngkonan Lily Allen hefur vakið mikla athygli fyrir tónlistarsköpun sína síðustu árin, en ekki síður
fyrir uppátæki sín utan sviðs sem hafa verið ítarlega skrá-
sett af papparössum og bresku slúðurpressunni. Eitt slíkt
atvik átti sér stað á Upton Park, heimavelli West Ham í London, á síð-
asta ári í leik liðsins gegn Blackburn Rovers. Allen sat í prívat-hólfi í
stúkunni ásamt Alfie bróður sínum og leikaranum Ray Winstone, en
öll höfðu þau fengið sér duglega í tána að sögn vitna. Þegar
líða fór á síðari hálfleik og ljóst var að stefndi í sigur West
Ham hóf Allen að syngja stuðningsmannalög nágranna-
liðsins Fulham af miklum móð, en hún hefur alla tíð verið
mikill aðdáandi þess félags eins og pabbi hennar, leikar-
inn Keith Allen. Gerðist söngkonan svo gróf í tali í
garð heimaliðsins að starfsmenn vallarins sáu sig
knúna til að henda henni öfugri út af vellinum ef
hún róaði sig ekki. Ekki kom þó til slíkra átaka.
Á síðasta leiktímabili tjáði Allen sig um stöðu
Fulham í viðtali og sagði peningana vera á
góðri leið með að eyðileggja fótboltann. „Þegar
ég fer á leiki með Fulham þessa dagana finnst
mér stundum eins og áhorfendurnir séu ekki nærri
því allir stuðningsmenn Fulham. Sá grunur læðist að
mér að þar innan um leynist Chelsea-stuðningsmenn
sem hafa ekki efni á miða á Stamford Bridge,“ sagði
söngkonan. Í vor náðust svo myndir af Allen á úrslita-
leik Fulham og Atletico Madrid í Evrópudeildinni, sem
fram fór í Hamborg. Á myndunum grætur Allen sáran í
lok leiks, en Fulham tapaði eftir framlengingu.
Meðal annarra aðdáenda Fulham eru leikararnir
Hugh Grant og Pierce Brosnan og Daniel Radcliffe,
auk þess sem konungur poppsins, Michael Jackson
heitinn, mætti á einn leik liðsins á heimavellinum
Craven Cottage árið 1997.
■ ÓVIÐURKVÆMILEGT ORÐBRAGÐ
Lily Allen grét á tapleik Fulham
Bresku konungsfjölskyld-unni hefur gengið fremur
illa að forðast innbyrðist deilur
í gegnum tíðina og því ætti ekki
að koma sérstaklega á óvart að
meðlimir hennar eigi í erfiðleik-
um með að sameinast um eitt
enskt knattspyrnulið til að fylgja
að málum. Elísabet, sjálf drottn-
ingin og höfuð ættarinnar, bauð
Arsene Wenger, knattspyrnu-
stjóra Arsenal, og leikmönnum
liðsins í opinbera móttöku fyrir
þremur árum og kom þá upp úr
kafinu að hún hefur stutt Arsen-
al með ráðum og dáð í yfir hálfa
öld, en í gamla daga hreifst hún
mjög af Denis Compton, leik-
manni liðsins. Cesc Fabregas,
hinn spænski leikmaður Arsen-
al, greindi fjölmiðlum spenntur
frá því eftir móttökuna að
drottningin hefði tekið hann tali,
spurt út í gengi liðsins og meira
að segja vitað hvað hann hét.
Hinn ódæli prins Harry, yngri
sonur Karls Bretaprins og Díönu
heitinnar, hefur farið að ráðum
ömmu gömlu og er tíður gestur á
leikjum Arsenal.
Öðru máli gegnir um eldri
bróður Harry, Vilhjálm prins,
en sá styður Birmingham-félag-
ið Aston Villa vegna þess að
honum líkar einkar vel við aðdá-
endur liðsins. Pabbi drengjanna,
Karl Bretaprins, heldur af ein-
hverjum ástæðum með norðan-
liðinu Burnley, meðan Andrew
bróðir hans er stuðningsmaður
Norwich. Þá er gaman að geta
þess að Paul Burrell, fyrrver-
andi bryti Díönu prinsessu, er
einn harðasti stuðningsmaður
Wrexham sem sögur fara af.
■ KONUNGSFJÖLSKYLDAN ÓSAMMÁLA
Heldur með liðum um allt England
Körfuknattleiksmaðurinn Steve Nash, sem leikur
með Phoenix Suns í bandarísku
NBA-deildinni og var meðal
annars útnefndur verðmætasti
leikmaður deildarinnar árin
2004 og 2005, ólst upp í Kanada
en faðir hans fæddist í námunda
við White Hart Lane, heimavöll
Tottenham í London. Nash var
undrabarn í íþróttum, jafnvíg-
ur á körfubolta, íshokkí og fót-
bolta, og æfði meðal annars
með Tottenham á táningsaldri
þegar fjölskyldan heimsótti
heimabæ föðurins. Nash hefur
látið hafa eftir sér í viðtölum að
hann hefði hæglega getað orðið
atvinnumaður í knattspyrnu,
hefði hann ekki ákveðið að ein-
beita sér að körfuboltanum með
svo góðum árangri. Það hefur
þó ekki komið niður á áhuga
hans á íþróttinni, og þegar hinn
þýski Dirk Nowitzki lék með
Nash hjá Dallas Mavericks urðu
þeir perluvinir, ekki síst vegna
þess að þeir eyddu miklum tíma
saman við að horfa á beinar
útsendingar frá ensku knatt-
spyrnunni í sjónvarpinu.
Nash er svo mikill aðdáandi
Tottenham að komið hefur til
tals að hann fjárfesti í félaginu,
en sá kanadíski tekur þó skýrt
fram að öll slík viðskipti muni
sitja á hakanum þar til körfu-
knattleiksferlinum sé lokið. „Ég
er ekki einn af þessum banda-
rísku viðskiptajöfrum sem vilja
kaupa fótboltalið til að græða
á þeim. Ég þarfnast ekki meiri
peninga. Ég vil bara að Totten-
ham gangi vel, enda hef ég verið
aðdáandi frá blautu barnsbeini,“
sagði Nash í viðtali fyrir nokkr-
um árum.
Aðdáendahópur Tottenham
telur meðal annarra leikarana
Jude Law og Kenneth Branagh,
rithöfundinn Salman Rushdie og
tónlistargoðsögnina Phil Collins.
■ ÆFÐI MEÐ TOTTENHAM
Körfuboltamaðurinn Steve Nash er aðdáandi frá blautu barnsbeini
„Með hverjum ætli Megas haldi í ensku“ var spurt
í sjónvarpsauglýsingu fyrir nokkrum árum og
fengust við því fá svör. Kjartan Guðmundsson fór
þó á stúfana og komst að því hvaða lið Dr. Dre,
Osama Bin Laden og fleiri frægir styðja í ensku
deildinni.
Þótt enska knattspyrnan hafi sótt í sig veðrið í vinsældum
svo um munar síðustu árin er
ljóst að fótboltinn, eins og við
Evrópubúarnir þekkjum hann,
á ekki upp á pallborðið hjá ýkja
mörgum Bandaríkjamönnum.
Undan tekningar eru þó til, meðal
annars í formi rapparans, upp-
tökustjórans og alhliða hipphopp-
mógúlsins Dr. Dre (Andre
Romelle Young) sem gerðist ein-
dreginn stuðningsmaður Liver-
pool á hljómleikaferðalagi í Eng-
landi með hljómsveitinni NWA
(Niggers with Attitude) á níunda
áratugnum. Í viðtali við leikskrá
Liverpool fyrir nokkrum árum
sagðist Dre fyrst hafa séð leik
með liðinu í sjónvarpi og strax
hrifist af þessum flottu leikmönn-
unum („cool cats in red“). „They
whupped some poor dudes four
or five zip“ (þeir rústuðu ein-
hverjum vesalingum fjögur eða
fimm núll) sagði Dre um téðan
leik. Sérstaklega hreifst rappar-
inn af John Barnes, leikmanni
Liverpool, sem hann sagði minna
sig á körfuknatt-
leikshetjuna Magic
Johnson. En svo
skemmtilega vill
til að Barnes vakti á sínum tíma
talsverða athygli, ekki endilega
jákvæða, fyrir að rappa í stuðn-
ingsmannalögum Liverpool og
enska landsliðsins. Eftir því sem
best er vitað hefur Dr. Dre ekki
verið inntur eftir áliti sínu á
gengi Liverpool nýlega.
Þá er einnig forvitnilegur fjöldi
Hollywood-leikara stuðnings-
menn Liverpool. Hjónin fyrr-
verandi Billy Bob Thornton og
Angelina Jolie munu hafa fylgst
grannt með gengi liðsins, Samuel
L. Jackson og Daniel Craig fara
ekki leynt með aðdáun sína á
félaginu, vöðvatröllið Dominic
Purcell úr Prison Break fæddist
í Liverpool og einnig foreldrar
grínistans Mike Myers.
■ COOL CATS IN RED
Hipphopp-meistarinn Dr. Dre hreifst af John Barnes
Osama Bin Laden gerðist ungur að árum áhugamaður um knattspyrnu og spilaði iðu-
lega fótbolta með vinum sínum í Sádi-Arabíu. Í
bókinni Bin Laden: Behind the Mask of Terror
eftir Adam Robinson, sem kom út árið 2001,
kemur fram að Bin Laden hafi gerst harður
stuðningsmaður Norður-Lundúnaliðsins Arsen-
al þegar hann dvaldi um hríð í borginni á tíunda
áratugnum. Mun hann þá hafa verið tíður gest-
ur á Highbury, þáverandi heimavelli Arsenal,
og fagnaði meðal annars á pöllunum þegar liðið
komst í úrslitaleik í Evrópukeppni bikarhafa
vorið 1995. Einnig kemur fram í bókinni að Bin Laden hafi tekið svo
miku ástfóstri við „Skytturnar“ að hann hafi fjárfest í treyju liðsins
og gefið elsta syni sínum.
Þegar breskir fjölmiðlar höfðu samband við talsmann Arsenal
í kjölfarið á þeim fregnum að einn alræmdasti maður heims væri
stuðningsmaður félagsins sagði hann að Bin Laden yrði meinuð
aðganga að vellinum myndi hann freista þess að fá inngöngu. Sem
verður reyndar að teljast heldur ólíklegt úr þessu.
Meðal annarra stuðningsmanna Arsenal má nefna óvenju lit-
ríka samsetningu af tónlistarfólki, til að mynda þá Johnny Rotten,
söngvara pönksveitarinnar Sex Pistols, poppsöngkonuna Dido, Roger
Waters úr Pink Floyd og Roger Daltrey, söngvara The Who.
■ FRÁ RIYADH TIL NORÐUR-LONDON
Osama Bin Laden var tíður gestur á Highbury Fleiri frægir aðdáendur í ensku:
➜ Will Ferrell - Chelsea
➜ Justin Timberlake -
Manchester United
➜ Mel B - Leeds United
➜ Cameron Diaz - Brent-
ford
➜ Sylvester Stallone -
Everton
➜ Meal Loaf - Hartlepool
➜ Russell Brand - West
Ham
➜ Ricky Hatton -
Manchester City
➜ Sting - Newcastle
➜ Ricky Gervais - Reading
➜ Eric Clapton - West
Bromwich Albion
MEL B OG MEAT LOAF