Fréttablaðið - 11.12.2010, Blaðsíða 31
LAUGARDAGUR 11. desember 2010 31
Kristján Þór stýrir Framtíðarnefndinni
Í starfshópi Sjálfstæðisflokksins til að fjalla um
starfshætti og skipulag sátu: Kristján Þór Júlíusson
formaður, Gunnar Ragnars, Arnbjörg Sveinsdóttir,
Jón Magnússon, Einar Sigurðsson og Elínbjörg
Magnúsdóttir. Í Framtíðarnefnd flokksins, sem
móta á áherslur og sýn til framtíðar, einkum hvað
varðar skipulag málefnavinnu og innra starf, sitja
eftirtalin: Garðar Ingvarsson, Óttarr Örn Guðlaugs-
son, Sigríður Ragna Sigurðardóttir og Steingrímur
Sigurgeirsson, tilnefnd af Verði – fulltrúaráði sjálfstæðisfélaganna í
Reykjavík. Gunnar Einarsson og Barbara Inga Albertsdóttir Suð-
vesturkjördæmi, Kristín Þórðardóttir og Ríkharður Ibsen Suðurkjör-
dæmi, Birna Lárusdóttir og Þórdís Kolbrún Reykfjörð Gylfadóttir
Norðvesturkjördæmi, Arnbjörg Sveinsdóttir og Baldvin Valdemars-
son Norðausturkjördæmi, Gunnar I. Birgisson og Sigríður Dís
Guðjónsdóttir tilnefnd af miðstjórn, Jónmundur Guðmarsson fulltrúi
Valhallar og Kristján Þór Júlíusson formaður, kjörinn á landsfundi.
Sextán sátu í Umbótanefnd
Samfylkingarinnar
Flokkstjórnarfundur kaus fjögurra manna
verkstjórn Umbótanefndarinnar í sérstakri
kosningu, þau Ásgeir Beinteinsson, Hólmfríði
Sveinsdóttur, Jón Ólafsson og Kolbrúnu
Benediktsdóttur. Tveir fulltrúar voru kosn-
ir af flokksmönnum í hverju kjördæmanna
sex: Auður H. Ingólfsdóttir og Sveinn Allan
Morthens úr Norðvesturkjördæmi. Ólafía
Þórunn Stefánsdóttir og Þorsteinn Arason
úr Norðausturkjördæmi. Hannes Friðriksson
og Sandra D. Gunnarsdóttir úr Suðurkjör-
dæmi. Steini Þorvaldsson og Steinunn
Dögg Steinsen úr Suðvesturkjördæmi. Auður
Styrkársdóttir, Hjálmar Sveinsson, Sigurbjörg
Sigurgeirsdóttir og Stefán Benediktsson úr
Reykjavíkurkjördæmunum.
Skipulagsnefnd Fram-
sóknarflokksins
Guðmundur Elíasson Selfossi,
Jóhanna B. Guðmundsdóttir
Egilsstöðum,
Elín R. Líndal Húnaþingi vestra,
Sigurjón Kærnested Reykjavík,
Anna Kolbrún Árnadóttir Akur-
eyri,
Sigurður Hannesson Reykjavík,
Una María Óskarsdóttir Kópavogi,
Ingi Björn Árnason Skagafirði,
Guðmundur Gylfi Guðmundsson
Reykjavík,
Agnes Lára Magnúsdóttir Reykja-
nesbæ.
Fjölmargir félagar í flokkunum þremur koma að verki Jafnvægi og framfarir, höfðu tak-
mörkuð tengsl við umræðuna í
grasrót flokksins.“
Framsókn
Þegar krafan um nýtt upphaf eftir
hrunið er rædd segjast framsóknar-
menn hafa gert flokka mest. Hafa
þeir óneitanlega mikið til síns
máls. Nokkrum vikum eftir hrun
kusu þeir Sigmund Davíð Gunn-
laugsson í embætti formanns,
mann sem fram að því hafði ekki
tekið þátt í pólitík svo heitið gæti.
Mikil endurnýjun varð í þingliði
flokksins í kosningunum 2009 og
yfirbragð flokksins er annað en
það var. Núverandi þingmenn og
forysta verða ekki tengd við hrun-
ið eða orsakir þess.
Eins og hinir flokkarnir horfir
Framsóknarflokkurinn inn á við
þessa dagana. Skipulagsnefnd
hefur verið að störfum frá því í
sumar og haldið fjölda funda um
land allt. Unnið hefur verið með
svipuðu móti og á íbúaþingum og
þjóðfundi.
Uppbyggingin og skipulagið eru
undir. Meðal annars á að fara yfir
hvernig standa á að ákvarðanatöku
innan Framsóknar. Engar skýrslur
liggja fyrir enn en tillagna er að
vænta í byrjun nýs árs og verða
þær til umfjöllunar á flokksþingi
næsta vor.
Rétt er að nefna að Framsóknar-
flokkurinn hafði á sínum tíma for-
ystu um birtingu fjárhagsupplýs-
inga kjörinna fulltrúa.
Framsóknarmenn hafa líka
samið drög að siðareglum fyrir
flokkinn.
Ein á báti
Í stjórnmálasögu síðustu ára má
finna nokkur skýr dæmi um hvern-
ig forystumenn flokka hafa virst
einir á báti í stórum málum.
Þegar Davíð Oddsson og Hall-
dór Ásgrímsson ákváðu að Ísland
styddi innrásina í Írak benti ekkert
til að flokkarnir þeirra stæðu að
baki þeim við ákvörðunina. Þvert
á móti. Stuðningurinn fór afskap-
lega illa í almenna framsóknar-
menn enda var hann talinn í and-
stöðu við grunngildi flokksins. Jón
Sigurðsson, eftirmaður Halldórs í
formannsembætti, sagði 2006 að
stuðningurinn hefði verið mistök.
Minna bar á andstöðu innan
Sjálfstæðisflokksins.
Í hruninu, þegar ráðaleysi ríkis-
stjórnarinnar virtist algert og
gagnrýnin á hana var eftir því,
benti ekkert til að ráðamenn hefðu
skjól í baklöndum flokka sinna.
Það var ekki eins og þar færu leið-
togar þeirra fjöldahreyfinga sem
stjórnmálaflokkarnir eru.
Stjórnmálamenn hafa líka barist
fyrir ýmsum málum, stórum sem
smáum, sem ekki hafa átt sérstaka
stoð í grundvallarstefnuskrám
flokkanna eða verið almennum
flokksmönnum ofarlega í huga.
Framboð Íslands til Öryggisráðs
Sameinuðu þjóðanna var því marki
brennt. Það mál var dæmigert
gæluverkefni stjórnmálamanna
sem höfðu ekki nokkur tengsl við
grasrótina.
Lítið en nærtækt dæmi er
svo ákvörðunin um greiðslu til
Árbótarheimilisins. Hún var ekki
í anda samþykkta flokkanna.
Forvitnilegt
Varla er við því að búast að for-
menn og annað forystufólk stjórn-
málaflokka byggi allar ákvarð-
anir á stefnuskrám, samþykktum
eða vilja almennra flokksmanna.
Mörg viðfangsefni stjórnmálanna
eru jú þess eðlis að taka þarf skjót-
ar ákvarðanir. Ráðamenn hafa líka
aðrar upplýsingar en almenningur
um ýmis mál.
Það hlýtur þó að vera til bóta
fyrir samfélagið í heild að sem
flestar ákvarðanir séu byggðar á
sem víðtækustum vilja. Að þing-
menn og ráðherrar séu meðvit-
aðir um að þeir hafi valist til
starfa í fjöldahreyfingu og vinni
í fullkomnu samræmi við skipu-
lag hennar og þær áherslur sem
sá vettvangur – fólkið í landinu –
mótar.
Umbótanefnd Samfylkingar-
innar og starfshópur Sjálfstæðis-
flokksins hafa sagt sitt. Það verður
forvitnilegt að sjá hvað gerist í
framhaldinu.
Þú færð e-kortið í Arion banka.
Farðu á arionbanki.is og kynntu þér kosti e-kortsins.
Alltaf í desember. Á hverju ári fá handhafar e-korta endurgreiðslu í beinhörðum
peningum. Sæktu um e-kort í næsta útibúi Arion banka eða á arionbanki.is
Viðskiptavinir e-kortsins fá samtals rúmlega
98 milljónir í endurgreiðslu í desember.
Hvernig greiðslu færð þú?