Fréttablaðið - 09.04.2011, Page 2

9. apríl 2011 LAUGARDAGUR2
FÓLK Hið íslenzka reðasafn hefur
nú afhjúpað fyrsta karlmannslim-
inn. Eins og kunnugt er ánafnaði
Páll Arason, ferðafrömuður og
athafnamaður úr Hörgárdal, safn-
inu lim sinn að sér gengnum.
Sigurður Hjartarson reðurstofu-
stjóri er afar ánægður með nýj-
ustu viðbót safnsins.
„Mér finnst gripurinn frábær.
Þetta er fyrsta mannseintakið
sem ég eignast og það af frægum
manni, háöldruðum,“ segir Sigurð-
ur. „Þetta er glæsilegt eintak. En
ég veit þó ekki hvaða mat konur
leggja á glæsileg eintök. En þær
verða bara að koma að sjá þetta
og bera liminn saman við þá sem
þær hafa séð og leggja sitt mat á
málið,“ segir Sigurður.
Páll hét safninu getnaðarlim
sínum árið 1996 og varð úr því
mikið fjölmiðlafár. Pétur Péturs-
son, læknir á Akureyri, undirrit-
aði samning þar sem fram kom að
hann myndi framkvæma aðgerðina
eftir andlát Páls, sem undirritaði
skjalið einnig í viðurvist votta.
Um fimmtíu manns voru boðnir
á frumsýningu á limi Páls í gær,
en Pétur afhjúpaði gripinn, eins
og samningurinn sagði til um. Páll
hefur verið heiðurslimur safnsins
frá því að hann útnefndi safninu
getnaðarfæri sín, en hann lést 5.
janúar síðastliðinn, þá 95 ára að
aldri.
„Ég vona að þetta eigi eftir að
gera mikið fyrir safnið,“ segir Sig-
urður. „Þetta á að minnsta kosti
ekki eftir að draga úr aðsókninni.“
Sigurður hefur fengið þrjá samn-
inga til viðbótar frá mönnum sem
vilja gefa safninu lim sinn, einum
Breta, einum Þjóðverja og einum
Bandaríkjamanni. Sigurður segir
þann bandaríska hafa lýst yfir
gremju sinni yfir því að hafa ekki
náð því að eiga fyrsta karlmanns-
liminn á safninu. „Hann ætlaði
bara að gefa hann á meðan hann
var enn á lífi,“ segir Sigurður.
Hið íslenzka reðasafn hefur
fengið um 11 þúsund gesti á síðustu
tveimur sumrum og er orðið eitt af
vinsælustu ferðamannastöðunum á
Húsavík. sunna@frettabladid.is
Mér finnst gripurinn
frábær. Þetta er fyrsta
mannseintakið sem ég
eignast og það af frægum
manni, háöldruðum“
SIGURÐUR HJARTARSON
REÐURSTOFUSTJÓRI
Sigurður, er snjótittlingur
uppáhaldsfuglinn þinn?
„Nei, mýrisnípa hefur alltaf verið í
sérstöku uppáhaldi.“
Sigurður Hjartarson, safnstjóri Hins
íslenzka reðasafns á Húsavík, fullkomn-
aði safn sitt á dögunum. Hann stillti í gær
upp eintaki sem Páll Arason ánafnaði
safninu. Uppáhaldsfugl Sigurðar er í
daglegu tali kallaður hrossagaukur.
Íshringur úr Icecold línunni
kr. 12.900
úr silfri – íslensk hönnun
FLOTTAR FERMINGARGJAFIR
HJÁ JÓNI OG ÓSKARI
WWW.JONOGOSKAR.IS LAUGAVEGUR / SMÁRALIND / KRINGLAN
Kærleikskrossinn úr silfri
kr. 10.600
m/festi – íslensk hönnun
Mannslimurinn loks
afhjúpaður á safninu
Getnaðarlimur Páls Arasonar heitins var afhjúpaður við hátíðlega athöfn á
Hinu íslenzka reðasafni á Húsavík í gær. Er þetta fyrsti limur af homo sapiens
sem safnið fær til sýnis. Safnsins bíða þrír limir frá erlendum mönnum.
STÓRA STUNDIN Fjöldi manns var samankominn til að líta nýjasta djásn Reðasafns-
ins þegar mannslimurinn var afhúpaður við hátíðlega athöfn í gær.
FRÉTTABLAÐIÐ/ÖRYGUR HNEFILL
Páll var staddur í Bretlandi árið 2001, þar sem hann kom fram í sjónvarps-
þættinum Eurotrash. Í samtali við DV segir íslensk kona sem er búsett í
Bretlandi að Páll hafi farið mikinn í „bersöglum lýsingum af bólfimi sinni á
árum áður og kom fram að hann hefði veitt að minnsta kosti 300 konum
unað á lífsleiðinni“. Nærmynd var síðan tekin af kynfærum Páls, en eins og
gefur að skilja voru þau, og gjafmildi hans sjálfs, ástæðan fyrir komu hans í
þáttinn.
Páll var einnig eftirminnilegur viðmælandi í þætti Erps Eyvindasonar,
Íslenskri kjötsúpu, þar sem hann lét ýmislegt flakka um skoðanir sínar á
lífinu og tilverunni.
Beraði liminn í bresku sjónvarpi
DÓMSMÁL Íslendingur fæddur 1978,
Gunnar Jónsson, var fyrir nokkr-
um vikum dæmdur í átta ára fang-
elsi í Danmörku fyrir fíkniefna-
smygl.
Hann fór akandi með tæp tíu kíló
af amfetamíni frá Hollandi til Dan-
merkur í gegnum Þýskaland og var
handtekinn þegar hann kom yfir
landamærin 17. nóvember síðastlið-
inn. Gunnar var búsettur á Íslandi.
Karl Steinar Valsson, yfirmað-
ur fíkniefnadeildar lögreglunnar
á höfuðborgarsvæðinu, staðfestir í
samtali við Fréttablaðið að Íslend-
ingur hafi hlotið átta ára fangels-
isdóm þar ytra
fyrir fíkniefna-
brot 8. mars.
Karl segir
að málið hafi
verið á forræði
þarlendra lög-
regluyfirvalda
en að þau hafi
notið liðsinn-
is íslensku lög-
reglunnar við
rannsóknina. „Það er sameigin-
legt mat okkar að þessi fíkniefni
hafi verið ætluð á Íslandsmarkað,“
segir hann.
Karl segir að einn maður, fædd-
ur 1962, hafi verið handtekinn og
yfirheyrður hérlendis í janú-
ar grunaður um tengsl
við málið. Honum hafi
síðan verið sleppt.
Gunnar hefur,
samkvæmt heimild-
um Fréttablaðsins, lít-
ils háttar afbrotasögu á
Íslandi. - shKARL STEINAR VALSSON
MIKIÐ MAGN Lögregluyfirvöld hér
heima og í Danmörku eru sammála
um að Gunnar hafi ætlað að flytja
amfetamínið til Íslands. FRÉTTABLAÐIÐ/VILHELM
Gunnar Jónsson ætlaði að flytja tíu kíló af amfetamíni frá Hollandi á Íslandsmarkað en var handtekinn:
Íslendingur í átta ára fangelsi í Danmörku
KJARAMÁL Aðilar vinnumarkaðar-
ins ræða nú tíu prósenta hækkun
launa á næstu þremur árum.
Í sjónvarpsfréttum RÚV í gær
kom fram að launaliðir hefðu
verið til umræðu á samnings-
fundum SA og ASÍ og sú útfærsla
sem sé til umræðu nú feli í sér
10,3 prósenta hækkun.
Samningar tækju samkvæmt
því gildi 15. júní, en 50.000 króna
eingreiðsla yrði greidd út við
undirritun.
Þá sé einnig rætt um að lægstu
laun verði hækkuð í þrepum upp
í 200 þúsund fyrir lok samnings-
tímans. - þj / sjá síðu 8
Kjaraviðræður SA og ASÍ:
Ræða um 10%
hækkun launa
10 PRÓSENTA HÆKKUN Samkvæmt
heimildum RÚV ræða SA og ASÍ um að
laun hækki um 10,3 prósent næstu þrjú
ár. FRÉTTABLAÐIÐ/PJETUR
LÖGREGLUMÁL Kennari við Fjöl-
brautaskóla Vesturlands á Akra-
nesi hefur verið kærður til lög-
reglu vegna gruns um að hafa
átt mök við barn undir 15 ára
aldri og hugsanlega greitt fyrir.
Fréttavefurinn Skessuhorn
greindi frá því í gær að rann-
sóknarlögregla hafi gert hús-
leit í skólanum vegna málsins.
Kennarinn, sem hóf störf við
skólann árið 1977, hefur verið
sendur í leyfi á meðan rannsókn
stendur yfir.
Sá sem fundinn er sekur
um mök við barn undir 15 ára
aldri getur átt yfir höfði sér
eins til sextán ára fangelsis-
dóm en sektargreiðslu eða eins
árs fangelsi verði hann fundinn
sekur um að hafa greitt fyrir
kynmök. - jab
Kynferðisbrot á Akranesi:
Mál kennara
í rannsókn
ICESAVE Vigdís Finnbogadóttir, fyrrverandi forseti
Íslands, segist í tilkynningu til fjölmiðla þegar hafa
greitt atkvæði með samningi um lausn Icesave-deil-
unnar.
Hún segist ekki hafa lagt það í vana sinn að lýsa
afstöðu sinni til umdeildra mála, en nú hafi mikill
fjöldi fólks innt hana eftir skoðun hennar á málinu.
Henni sé umhugað um framtíð þjóðarinnar og því upp-
lýsi hún nú um ákvörðun sína að vel athuguðu máli.
Í tilkynningunni segir Vidís meðal annars: „Í
afstöðu minni hef ég ekki síst haft í huga þau gömlu
sannindi að deilur beri að leysa með samningum. Það
er aðal friðsamra þjóða, en ekki að heyja langvinn
stríð um óljós efni. Það er þannig sem traust myndast
milli þjóða.“
Vigdís segir að frá hennar sjónarmiði leiki eng-
inn vafi á því að orðstír Íslendinga muni bíða mikinn
skaða af áframhaldandi deilum, dómsmálum og laga-
þrætum.
„Þá er mikið í húfi að við Íslendingar snúum sem
fyrst baki við sundrungu og deilum og stöndum heldur
saman að því að byggja upp heildstæða og farsæla
framtíð fyrir land og lýð. Þess kann ég best að óska
Íslendingum.“ - þj
Fyrrverandi forseti Íslands vill fara samningaleiðina í Icesave-málinu:
Vigdís segir já við samningnum
SAGÐI JÁ Vigdís Finnbogadóttir, fyrrverandi forseti, segist hafa
kosið með Icesave-samningunum. Orðstír Íslendinga muni
skaðast af áframhaldandi deilum. FRÉTTABLAÐIÐ/GVA
LÍBÍA, AP NATO er nú harðlega
gagnrýnt fyrir frammistöðu
sína eftir að hafa tekið við stjórn
aðgerða í Líbíu fyrir tíu dögum.
Sérstaklega er bandalag-
inu legið á hálsi fyrir mistök
sem urðu í aðgerðum þess. Til
dæmis voru gerðar loftárásir á
skriðdreka uppreisnamanna á
fimmtudag þar sem fimm létust
og margir skriðdrekar voru eyði-
lagðir.
Talsmenn NATO neituðu hins
vegar að biðjast afsökunar á
atvikinu þó Anders Fogh Rasmus-
sen, aðalritari bandalagsins sagð-
ist harma mannfallið. -þj
Borgarastríð í Líbíu:
NATO gagnrýnt
fyrir mistök
FÍLABEINSSTRÖNDIN, AP Enn ríkir
óvissuástand á Fílabeinsströnd-
inni þó Alassane Ouattara virð-
ist hafa náð yfirráðum í landinu
eftir fjögurra
mánaða deilur í
kjölfar forseta-
kosninga. Laur-
ent Gbagbo,
fráfarandi for-
seti, er enn í
felum í neðan-
jarðarbyrgi
undir forseta-
höllinni.
Á meðan hafa
tugir líka fund-
ist á víð og dreif um borgina
Abidjan og þar var enginn á ferli
í gærdag.
Ástandið einkennist af óvissu
um framhaldið og er alls óvíst
hvort takast muni að afstýra
borgarastyrjöld. - þj
Óvissa á Fílabeinsströndinni:
Gbagbo enn í
byrginu sínu
LAURENT GBAGBO
SPURNING DAGSINS